ប្រជាជនប៉ាឡេស្ទីន ៨សែននាក់មិនទាន់ចាកចេញពីហ្គាហ្សាភាគខាងជើង ចំពេលអ៊ីស្រាអែលសម្រុកវាយលុក

ប្រជាជនប៉ាឡេស្ទីនជាង ៨០០,០០០នាក់នៅតែស្ថិតក្នុងទីក្រុងហ្គាហ្សាភាគខាងជើង ចំពេលកងទ័ពជើងគោកអ៊ីស្រាអែលវាយលុកមិនដកដៃ។

ការិយាល័យស្ថិតិកណ្តាលប៉ាឡេស្ទីន (PCBS) បានរាយការណ៍នៅថ្ងៃសុក្រថា ជនជាតិប៉ាឡេស្ទីនជាង ៨០០,០០០នាក់ នៅតែស្ថិតនៅក្នុងទីក្រុងហ្គាហ្សា ដែលកំពុងត្រូវបានឡោមព័ទ្ធ ស្របពេលអ៊ីស្រាអែលបន្តប្រតិបត្តិការបំផ្លិចបំផ្លាញតំបន់ដោយគ្មានសំចៃ។

PCBS បាននិយាយនៅក្នុងសេចក្តីថ្លែងការណ៍មួយថា ពីរភាគបីនៃចំនួនប្រជាជនប៉ាឡេស្ទីនភាគខាងជើងនៅតែរស់នៅក្នុងតំបន់ភាគខាងជើងនៃតំបន់ហ្គាហ្សាស្ទ្រីបនៅឡើយ។ ពួកគេសម្រេចចិត្តស្នាក់នៅផ្នែកភាគខាងជើង ទោះបីជាទទួលរងភាពឃោរឃៅព្រៃផ្សៃនៃការទម្លាក់គ្រាប់បែករបស់អ៊ីស្រាអែល។ ក្នុងនោះជនស៊ីវិលបានស្លាប់យ៉ាងរង្គាល ចំណែកផ្ទះសម្បែងរងការបំផ្លិចបំផ្លាញ និងរួមទាំង មន្ទីរពេទ្យ សាលារៀន ទីសក្ការៈបូជា ក៏ដូចជាហាងនានាផងដែរ៕

ប្រែសម្រួល៖ សន្យា

ប្រភព៖ Anadolu

ចុចអាន៖ អ៊ីស្រាអែល ទម្លាក់ខិត្តប័ណ្ណ ប្រាប់ប្រជាជននៅភាគខាងត្បូង ហ្គាហ្សា ឲ្យចាកចេញ ជាបន្ទាន់