អ៊ីស្រាអែល ទម្លាក់ខិត្តប័ណ្ណ ប្រាប់ប្រជាជននៅភាគខាងត្បូង ហ្គាហ្សា ឲ្យចាកចេញ ជាបន្ទាន់

កងកម្លាំងអ៊ីស្រាអែល បានព្រមានប្រជាជននៅតំបន់ Khan Younis ឲ្យជម្លៀសចេញពីផ្ទះរបស់ពួកគេជាបន្ទាន់ ហើយធ្វើដំណើរទៅទីជម្រកសុវត្ថិភាព។

Khan Younis គឺជាតំបន់ធំបំផុតនៅភាគខាងត្បូង ជ្រោយហ្គាហ្សា ហើយជាកន្លែងដែលលើកមុនប្រជាជននៅភាគខាងជើង ត្រូវបានគេប្រាប់ឲ្យជម្លៀសទៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងកម្លាំងអ៊ីស្រាអែល កាលពីយប់ថ្ងៃពុធទី១៦ខែវិច្ឆិកា បានទម្លាក់ខិត្តប័ណ្ណលើទីក្រុងចំនួនបួនគឺ Bani Shuhaila, Khuzaa, Abassan និង Qarara ដែលសរុបចូលគ្នាមានប្រជាជនជាង ១០០ ០០០នាក់។

ខិត្តប័ណ្ណនិយាយថា “ដើម្បីសុវត្ថិភាពរបស់អ្នក អ្នកត្រូវជម្លៀសចេញពីទីកន្លែងរស់នៅរបស់អ្នកជាបន្ទាន់ ហើយឆ្ពោះទៅកាន់ជម្រកដែលស្គាល់។ អ្នកណាដែលនៅជិតភេរវករ ឬទីតាំងភេរវករ នឹងបណ្តាលឲ្យជីវិតរបស់ពួកគេប្រឈមហានិភ័យ ហើយគ្រប់ផ្ទះដែលប្រើប្រាស់ដោយភេរវករនឹងត្រូវកំណត់គោលដៅ”។

គួរបញ្ជាក់ថា កាលពីសប្តាហ៍មុន ខិត្តប័ណ្ណស្រដៀងគ្នានេះ ក៏ត្រូវបានទម្លាក់ពីលើតំបន់ហ្គាហ្សាភាគខាងជើងផងដែរ មុនពេលអ៊ីស្រាអែល បើកការវាយលុកជើងគោក៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ីស្រាអែល ត្រូវចាយពេល ២ទៅ៣សប្តាហ៍ទើបឆែកឆេរមន្ទីរពេទ្យ Al-Shifa អស់ ខណៈមនុស្សប្រឈមស្លាប់ កាន់តែច្រើន