ព័ត៌មានអន្ដរជាតិ
ម៉ាឡេស៊ី បិទកំពង់ផែ មិនឲ្យកប៉ាល់អ៊ីស្រាអែល ចូល
នាយករដ្ឋមន្ត្រីម៉ាឡេស៊ី លោក Anwar Ibrahim បានប្រកាសច្បាស់ៗកាលពីថ្ងៃពុធទី២០ខែធ្នូថា កប៉ាល់ដោតទង់ជាតិអ៊ីស្រាអ៊ែលឬកប៉ាល់ទាំងឡាយណា ដែលមានគោលដៅធ្វើដំណើរទៅប្រទេសអ៊ីស្រាអែល នឹងមិនត្រូវបានអនុញ្ញាតឲ្យចូលចត ឬដាក់ទំនិញនៅឯកំពង់ផែរបស់ខ្លួនឡើយ ដោយបម្រាមនេះ គឺបង្ហាញពីការតវ៉ាប្រឆាំងចំពោះអំពើឃោរឃៅ និងការសម្លាប់រង្គាលរបស់អ៊ីស្រាអែលនៅតំបន់ ហ្គាហ្សា។
ប្រទេសអាស៊ីអាគ្នេយ៍មួយនេះ បានបើកកំពង់ផែរបស់ខ្លួនចំពោះក្រុមហ៊ុនមានមូលដ្ឋាននៅអ៊ីស្រាអែលឈ្មោះថា ZIM ក្នុងឆ្នាំ២០០២ ប៉ុន្តែពេលនេះបានក្រឡាស់សម្តីវិញ។
ក្នុងសេចក្តីថ្លែងការណ៍មួយ លោក Anwar បញ្ជាក់ថា “ទណ្ឌកម្មទាំងនេះ គឺជាការឆ្លើយតបទៅនឹងសកម្មភាពរបស់អ៊ីស្រាអែល ដែលមិនអើពើចំពោះគោលការណ៍ជាមូលដ្ឋាននៃមនុស្សជាតិ និងការបំពានច្បាប់អន្តរជាតិ តាមរយៈការសម្លាប់រង្គាលមនុស្សជាបន្ត និងអំពើឃោរឃៅប្រឆាំងជនជាតិប៉ាឡេស្ទីន”។
ឥស្លាមនិកាយស៊ុននី គឺជាសាសនារដ្ឋរបស់ប្រទេសម៉ាឡេស៊ី ដែលមានការប្រណិប័តន៍ដោយប្រជាជនជិតពីរភាគបីរបស់ខ្លួន ហើយរដ្ឋាភិបាលទីក្រុងគួឡាឡាំពួ គឺជាអ្នកគាំទ្រប៉ាឡេស្ទីន យ៉ាងស្មោះស្ម័គ្រ ថែមទាំងរក្សាចំណងទាក់ទងជាមួយក្រុមហាម៉ាសទៀតផង។
ទោះបីជាយ៉ាងណាក៏ដោយ ទណ្ឌកម្មរបស់ម៉ាឡេស៊ី គ្រាន់តែរឿងមួយឡែកប៉ុណ្ណោះ ហើយអ្វីដែលជាបញ្ហាកាន់តែធំនោះគឺថា ក្រុមឧទ្ទាមហ៊ូធីរបស់យេម៉ែន បានរារាំងការដឹកជញ្ជូននៅសមុទ្រក្រហម ចំពោះកប៉ាល់ទាំងឡាយណាដែល តម្រង់គោលដៅទៅកាន់កំពង់ផែអ៊ីស្រាអែល។
កាលពីដើមសប្តាហ៍នេះ សហរដ្ឋអាមេរិកក៏ប្រកាសដែរថា កងនាវាចរពហុជាតិសាសន៍ នឹងចាប់ផ្តើមធ្វើប្រតិបត្តិការដើម្បីធានាផ្លូវសមុទ្រឲ្យមានសុវត្ថិភាព។ យ៉ាងណា ក្រុមហ៊ុនដឹកជញ្ជូនអន្តរជាតិធំៗជាច្រើន បានប្តូរផ្លូវទៅជុំវិញទ្វីបអាហ្រ្វិករួចទៅហើយ ដើម្បីគេចពីការវាយប្រហារដោយមីស៊ីល និងយន្តហោះគ្មានមនុស្សបើករបស់ក្រុមហ៊ូធី។
សូមបញ្ជាក់ជាថ្មី អ៊ីស្រាអែល បានប្រកាសសង្គ្រាមលើក្រុមហាម៉ាស ក្រោយហេតុការណ៍សម្លាប់រង្គាលថ្ងៃទី៧ខែតុលា ដែលបណ្តាលឲ្យប្រជាជនអ៊ីស្រាអែលប្រមាណ១២០០នាក់ បាត់បង់ជីវិត ហើយជាការសងសឹក អ៊ីស្រាអែល ក៏បើកប្រតិបត្តិការទ្រង់ទ្រាយធំនៅ ហ្គាហ្សា សម្លាប់មនុស្ស២០០០០នាក់វិញ ដោយតួលេខនេះ គិតត្រឹមថ្ងៃព្រហស្បតិ៍ទី២១ខែធ្នូ៕
ប្រែសម្រួល៖ Vann Vann
ប្រភព៖ RT
ចុចអាន៖ ក្រុម ហ៊ូធី គំរាមបាញ់កម្ទេចនាវាចម្បាំងអាមេរិក នៅសមុទ្រក្រហម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?