ឆ្នាំ ២០២៣ ក្រុមហ៊ុនផលិតភាពយន្តបរទេសជាង ៤០០ក្រុមហ៊ុន សុំថតនៅប្រទេសថៃ

គិតពេញមួយឆ្នាំ ២០២៣ ប្រទេសថៃរកបានចំណូល ៦,៦ ពាន់លានបាត (១,៩ លានដុល្លារ) ពីក្រុមហ៊ុនផលិតភាពយន្តបរទេសដែលបានជ្រើសរើសប្រទេសថៃ ជាទីតាំងថត។ ហើយក្រុមហ៊ុនផលិតភាពយន្តដែលជាប់លើតារាងចំណាត់ថ្នាក់លេខ១ និងលេខ២ ដែលមកសុំទីតាំងប្រទេសថៃថតនោះ គឺក្រុមហ៊ុនហូលីវូដ បន្ទាប់មកគឺហុងកុង។ នេះបើយោងតាមចុះផ្សាយរបស់កាសែត khaosod ។

ជាមួយគ្នានេះដែរលោក Sudawan Wangsuphakijkosol រដ្ឋមន្ត្រីក្រសួងទេសចរណ៍ និងកីឡា បានចែកចាយនៅលើបណ្ដាញសង្គមរបស់លោក ក្នុងចេតនាអបអរសាទរដែលប្រទេសថៃបានបំបែកឯកត្តកម្មរបស់ខ្លួនក្នុងការទាក់ទាញចំណាប់អារម្មណ៍ផលិតករបរទេសឱ្យជ្រើសរើសប្រទេសនេះជាទីតាំងថតភាពយន្ត។ ក្នុងឆ្នាំ ២០២៤ ប្រទេសថៃបានស្វាគមន៍ក្រុមហ៊ុនភាពយន្តបរទេសប្រមាណ ៤៦៦ ក្រុមហ៊ុន និងមកពី ៤០ប្រទេសផ្សេងៗគ្នា។ ហើយក្រុមហ៊ុនដែលមកថតញឹកញាប់បំផុតផ្ដល់ចំណូលច្រើនចំណាត់ថ្នាក់លេខ១នោះ គឺក្រុមហ៊ុនហូលីវូដ បន្ទាប់មកគឺហុងកុង ខណៈដែរ ចិន អាឡឺម៉ង់ និងកូរ៉េខាងត្បូង គឺជាន់ចំណាត់ថ្នាក់លេខ៣ ។

សូមបញ្ជាក់ថា ទិន្នន័យចំនួនទឹកប្រាក់ខាងលើនេះ គឺជាទិន្នន័យច្រើនជាងគេបំផុតក្នុងប្រវត្តិសាស្ត្រប្រទេសថៃដែលរកបានពីការផ្ដល់ទីតាំងថតភាពយន្តបរទេស ៕

ប្រែសម្រួលដោយ÷ កុសល

ប្រភព÷ Khaosod