តម្លៃប្រេងសាំងពិភពលោកស្ទុះឡើង ១ ភាគរយ ដាក់លក់ជាង ២ ដុល្លារ​ក្នុងមួយលីត្រ

សារព័ត៌មាន Reuters បានចុះផ្សាយថា សន្ទស្សន៍តម្លៃប្រេងសាំងរបស់ក្រុមហ៊ុនធំៗនៅលើសកលលោកបានហក់ឡើងថ្លៃប្រមាណ ១ ភាគរយក្នុងរយៈពេល ២ ថ្ងៃជាប់គ្នា ដោយសារតែរឿងក្រពុលមុខនៃការផ្គត់ផ្គង់នៅមជ្ឈិមបូព៌ាដែលបណ្ដាលមកពីភ្លើងសង្គ្រាមរវាងអ៊ីស្រាអែល និងក្រុមហាម៉ាស ។

ក្រុមហ៊ុនប្រេងអន្តរជាតិម៉ាក Brent បានឡើងថ្លៃ ៧២ សេន ឬ ០.៩ ភាគរយ ដាក់លក់ក្នុងតម្លៃ ៧៨.៣១ ដុល្លារក្នុងមួយបារ៉ែល (ស្មើ ២.០៣ ដុល្លារក្នុងមួយលីត្រ) ខណៈកាលពីថ្ងៃពុធ ក្រុមហ៊ុនមួយនេះដាក់លក់ក្នុងតម្លៃ ៧៧ ដុល្លារក្នុងមួយបារ៉ែល (២.០៦ ដុល្លារក្នុងមួយលីត្រ) ។

ចំណែកក្រុមហ៊ុនប្រេងអាមេរិក West Texas Intermediate (WTI) ដែលដាក់លក់លើទីផ្សារអន្តរជាតិក្នុងពេលដំណាលគ្នានេះហក់ឡើង ៧៧ សេន ឬ ១.១ ភាគរយ ពោលលក់ក្នុងតម្លៃ ៧៣.០១ ដុល្លារក្នុងមួយបារ៉ែល (ស្មើ ២.១៧ ដុល្លារក្នុងមួយលីត្រ) ។

ទោះយ៉ាងណា ការឡើងថ្លៃប្រេងប្រមាណ ១ ភាគរយនេះ គឺតិចជាងកាលពី ២ ថ្ងៃមុនៅឡើយទេ ពោលកាលពីថ្ងៃអង្គារតម្លៃប្រេងលើសកលលោកស្ទុះងើបប្រហែល ២ ភាគរយ ខណៈដែលកាលពីថ្ងៃចន្ទមានសន្ទុះរហូតដល់ ៣ ភាគរយឯណោះ ។

គួរបញ្ជាក់ថា ក្រុមឧទ្ទាមហ៊ូធីរបស់ប្រទេសយេម៉ែននៅតែមិនបន្ថូរដៃក្នុងការបាញ់បោះគ្រាប់រ៉ុកកែត និងយន្តហោះគ្មានមនុស្សបើកលើកប៉ាល់ដឹកជញ្ជូនដែលហ៊ានផ្ដល់ជំនួយទៅឲ្យអ៊ីស្រាអែលតាមផ្លូវទឹកនៅសមុទ្រក្រហមដើម្បីបង្ហាញចិត្តគាំទ្រទៅដល់ក្រុមម៉ាស ខណៈការវាយប្រហារទាំងនោះបង្កឲ្យមានការខ្លាចញញើតដល់នាវាពាណិជ្ជកម្មលែងហ៊ានផ្គត់ផ្គង់ប្រេងចូលមកកាន់តំបន់នានា ៕

ប្រែសម្រួលដោយ ៖ ជីវ័ន្ត

ចុចអាន ៖ លោក Macron តែងតាំងនាយករដ្ឋមន្ត្រីថ្មី ជាបុរសស្រលាញ់ភេទដូចគ្នា វ័យ ៣៤ ឆ្នាំ