ព័ត៌មានអន្ដរជាតិ
កូរ៉េខាងជើង ធ្វើតេស្តអាវុធនុយក្លេអ៊ែរក្រោមទឹក កម្លាខ្មាំង
សារព័ត៌មានរដ្ឋ KCNA រាយការណ៍ថា ប្រទេសកូរ៉េខាងជើង បានធ្វើតេស្តអាវុធនុយក្លេអ៊ែរក្រោមទឹក ហើយរឿងនេះត្រូវគេមើលឃើញថា ជាការតវ៉ាចំពោះសមយុទ្ធយោធារួមគ្នារវាងសហរដ្ឋអាមេរិក កូរ៉េខាងត្បូងនិងជប៉ុន ដែលសុទ្ធជាគូសត្រូវរបស់ទីក្រុងព្យុងយ៉ាង។
តាមសេចក្តីរាយការណ៍នៅថ្ងៃសុក្រទី១៩ខែមករា ក្រសួងការពារជាតិកូរ៉េខាងជើង បានធ្វើតេស្តអាវុធនុយក្លេអ៊ែរក្រោមទឹកឈ្មោះ Haeil-5-23 នៅជិតឆ្នេរសមុទ្រភាគខាងកើតរបស់ខ្លួន។
ទោះបីជាមិនផ្តល់ព័ត៌មានលម្អិតអំពីការសាកល្បងនេះ ប៉ុន្តែអ្នកនាំពាក្យក្រសួង បានចោទប្រកាន់សត្រូវទាំង៣ កំពុងធ្វើសមយុទ្ធហាក់ដូចចង់ប្រកាសសង្គ្រាម ហើយថែមទាំងព្រមានអំពី ផលវិបាកដ៏មហន្តរាយទៀតផង។
តាមការលើកឡើងរបស់អ្នកជំនាញ Haeil-5-23 គឺជាអាវុធដែលមានសមត្ថភាពវាយប្រហារដែនទឹក ហើយលបចូលទៅកម្ទេចកងទ័ពជើងទឹករបស់ខ្មាំង។ ពេលអាវុធផ្ទុះ វានឹងបញ្ចេញសារធាតុវិទ្យុសកម្មសាយភាយ ទ្រង់ទ្រាយធំ។
នេះមិនមែនជាលើកទី១ទេ ដែលកូរ៉េខាងជើង ធ្វើតេស្តអាវុធនុយក្លេអ៊ែរក្រោមទឹក ពោលគឺបើតាមសេចក្តីរាយការណ៍ ទីក្រុងព្យុងយ៉ាង ក៏ធ្លាប់សាកល្បងអាវុធបែបនេះផងដែរ កាលពីខែមីនាឆ្នាំ២០២៣។
ប៉ុន្មានសប្តាហ៍មកនេះ កូរ៉េខាងជើង បានប្រឹងប្រែងពង្រឹងកម្លាំងយោធាខ្លាំងណាស់ រួមទាំងដាក់ពង្រាយមីស៊ីលបាលីស្ទិករយៈចម្ងាយឆ្ងាយប្រើឥន្ធនៈរឹង កាលពីថ្ងៃអាទិត្យមុនផងដែរ។
មិនត្រឹមប៉ុណ្ណឹង មេដឹកនាំ គីម ជុងអ៊ុន ថែមទាំងបញ្ឆេះសង្គ្រាមពាក្យសម្តី និងដាក់ចេញនូវគោលនយោបាយម៉ឺងម៉ាត់ប្រឆាំងខ្មាំងសត្រូវដូចជាការលុបចោលកិច្ចព្រមព្រៀងសន្តិភាពមួយចំនួនទៀតផង។
កូរ៉េខាងជើងនិយាយថា ខ្លួនក្តៅចិត្តមែនទែន ចំពោះសមយុទ្ធយោធារួមគ្នារវាងអាមេរិក កូរ៉េខាងត្បូងនិងជប៉ុន ហើយថ្កោលទោសថា ទង្វើនេះបង្កឲ្យស្ថានភាពក្នុងតំបន់កាន់តែឡើងកម្តៅ ហើយគំរាមកំហែងដល់សន្តិសុខរបស់ទីក្រុងព្យុងយ៉ាង។
យ៉ាងណាមិញ សម្ព័ន្ធមិត្តទាំង៣ អះអាងហើយអះអាងទៀតថា ពួកគេធ្វើសមយុទ្ធច្រើនឡើងៗ ដោយសារសកម្មភាពយោធាដ៏គឃ្លើនរបស់កូរ៉េខាងជើង រួមទាំងការធ្វើតេសមីស៊ីលជាបន្តបន្ទាប់និងការបាញ់អាវុធថ្មីៗ ដែលសុទ្ធតែបំពានដល់ទណ្ឌកម្មរបស់អង្គការសហប្រជាជាតិ៕
អត្ថបទ៖ សុខ សុវណ្ណ
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៣ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ៤ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ