ព័ត៌មានអន្ដរជាតិ
អ៊ីស្រាអែល ជួបថ្ងៃមានទាហានស្លាប់ច្រើនបំផុត
អ៊ីស្រាអែលបញ្ជាក់នៅថ្ងៃអង្គារទី២៣ខែមករាថា ទាហានរបស់ខ្លួនចំនួន២១នាក់ ត្រូវបានសម្លាប់ក្នុងតំបន់ហ្គាហ្សា ហើយអ្វីដែលគួរឲ្យកត់សម្គាល់នោះគឺថា អ៊ីស្រាអែល មិនដែលស្លាប់ទាហានច្រើនបែបនេះទេត្រឹមមួយថ្ងៃ ចាប់តាំងពីប្រតិបត្តិការជើងគោកប្រឆាំងក្រុមហាម៉ាស ចាប់ផ្តើមនៅថ្ងៃទី២៧ខែតុលាឆ្នាំ២០២៣មក។
តាមការចុះផ្សាយរបស់ BBC, អ្នកនាំពាក្យយោធាអ៊ីស្រាអែលលោក Daniel Hagari និយាយថា ក្រុមហាម៉ាសបានបាញ់មីស៊ីលចំរថក្រោះ និងបាញ់ដាក់អគារមួយដែលមានទាហានអ៊ីស្រាអែលនៅក្បែរនោះ។
ទោះបីជាយ៉ាងណាក៏ដោយ លោក Hagari អះអាងថា ភាគច្រើននៃទាហានដែលស្លាប់ គឺជាទាហានបម្រុង។
លោកបាននិយាយក្នុងសេចក្តីថ្លែងការណ៍មួយថា “យើងកំពុងធ្វើការដើម្បីស្វែងរកទាហានដែលកប់ក្រោមគំនរបាក់បែក។ ទាហានបម្រុងរបស់យើងបានពលីនៅក្នុងសមរភូមិ”។
សូមបញ្ជាក់ជាថ្មី អ៊ីស្រាអែល បានចាប់ផ្តើមការវាយលុកខ្លាំងក្លា ប្រឆាំងនឹងក្រុមសកម្មប្រយុទ្ធហាម៉ាសនៅតំបន់ហ្គាហ្សា បន្ទាប់ពីចលនាប្រដាប់អាវុធប៉ាឡេស្ទីនមួយនេះ វាយប្រហារភាគខាងត្បូងប្រទេសអ៊ីស្រាអែលយ៉ាងភ្ញាក់ផ្អើល កាលពីថ្ងៃទី៧ខែតុលា។
ការវាយប្រហារនោះបានសម្លាប់មនុស្សប្រហែល១១៤០នាក់ ហើយជាការសងសឹក អ៊ីស្រាអែល ក៏ទម្លាក់គ្រាប់បែកមិនប្រណីដៃលើតំបន់ហ្គាហ្សា ដោយសម្លាប់មនុស្ស២៥២៩៥នាក៕
អត្ថបទ៖ សុខ សុវណ្ណ
ចុចអាន៖ អ៊ីស្រាអែល សុំក្រុមហាម៉ាសផ្អាកបាញ់បោះដាក់គ្នា ២ ខែយកពេលដោះដូរ ឈ្លើយសឹក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង