ទឹកជំនន់កំពុងវាយប្រហារខ្លាំងនៅទូទាំងទីក្រុងហ្សាការតា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ទឹកជំនន់កំពុងវាយប្រហារខ្លាំងនៅទូទាំងទីក្រុងហ្សាការតា

បានផុស

នៅ

ទឹកជំនន់ធ្ងន់ធ្ងរនៅតាមតំបន់ជាច្រើនក្នុងរដ្ឋធានីឥណ្ឌូណេស៊ីបានបង្ខំឲ្យប្រជាជនជាងមួយពាន់នាក់ភៀសខ្លួនចេញពីផ្ទះរបស់ពួកគេនៅថ្ងៃសៅរ៍នេះ ខណៈទីភ្នាក់ងារឧតុនិយមរបស់ប្រទេស (BMKG) បានព្រមានថា លក្ខខណ្ឌនានានឹងត្រូវបន្តដល់សប្តាហ៍ក្រោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

BMKG បាននិយាយថា ទីក្រុងហ្សាការតានឹងមានការប្រុងប្រយ័ត្នសម្រាប់រយៈពេល ៤ ថ្ងៃខាងមុខ ក្រោយទិន្នន័យពីទីភ្នាក់ងារឧតុនិយមបង្ហាញពីភ្លៀងធ្លាក់ខ្លាំងក្នុងរយៈពេល ២៤ ម៉ោងចុងក្រោយជាមួយតំបន់ Pasar Minggu នៅភាគខាងត្បូងទីក្រុងហ្សាការតាដោយបានកត់ត្រាកម្រិតទឹកភ្លៀងចំនួន ២២៦ មីល្លីម៉ែត្រចាប់តាំងពីថ្ងៃសុក្រ ។

ទន្ទឹមនោះរូបភាពដែលបង្ហោះនៅលើបណ្តាញសង្គមបង្ហាញពីប្រជាជនដើរកាត់ទឹកភក់ជ្រៅៗ រថយន្តស្ទើរតែលិចទាំងស្រុង ហើយក្រុមរុករកបានជម្លៀសប្រជាជនវ័យចំណាស់តាមទូកពោងចេញពីតំបន់រងគ្រោះ ។

លោក Sabdo Kurnianto អ្នកតំណាងនៃទីភ្នាក់ងារកាត់បន្ថយគ្រោះមហន្តរាយនៅទីក្រុងហ្សាការតាបាននិយាយថា ប្រជាជនក្រុងហ្សាការតាចំនួន ១,៣៨០ នាក់ត្រូវបានជម្លៀសចេញពីតំបន់ភាគខាងត្បូង និងខាងកើតនៃទីក្រុងដែលមានប្រជាជនចំនួន ១០ លាននាក់ បន្ទាប់ពីទឹកជំនន់ឡើងដល់កម្ពស់ ១.៨ ម៉ែត្រនៅក្នុងតំបន់មួយចំនួន ។ លោកបាននិយាយថាពេលនេះមិនមានសេចក្តីរាយការណ៍អំពីគ្រោះថ្នាក់ដល់អាយុជីវិតនោះទេ ។

អភិបាលក្រុងហ្សាការតាលោក Anies Baswedan បានប្រាប់ទូរទស្សន៍ក្នុងស្រុកនៅព្រឹកថ្ងៃសៅរ៍នេះថា “តំបន់ចំនួន ២០០ ត្រូវបានរងផលប៉ះពាល់ ។ ភ្លៀងបានរាំង ប៉ុន្តែទឹកមកពីតំបន់ផ្សេងទៀតនៅតែជះឥទ្ធិពលដល់ក្រុងហ្សាការតា ។ សង្ឃឹមថាវានឹងមិនប៉ះពាល់ដល់កណ្តាលទីក្រុងទេ ហើយនៅពេលទឹកស្រកប្រជាជនអាចធ្វើសកម្មភាពរបស់ពួកគេឡើងវិញបាន” ។

ទីក្រុងហ្សាការតា និងតំបន់ជុំវិញទីក្រុងនៅតែស្ថិតក្នុងរដូវវស្សាដែលត្រូវបានគេប៉ាន់ស្មានថានឹងបន្តរហូតដល់ចុងខែកុម្ភៈ ឬដើមខែមីនា ។

ទឹកជំនន់បានបន្តកើតឡើងនៅពេលដែលប្រទេសឥណ្ឌូនេស៊ីកំពុងដោះស្រាយជាមួយនឹងចំនួនអ្នកឆ្លង  និងការស្លាប់ពីជំងឺកូវីដ ១៩ ខ្ពស់បំផុតនៅអាស៊ីអាគ្នេយ៍ ខណៈសេដ្ឋកិច្ចក៏កំពុងធ្លាក់ចុះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ ដឹងមូលហេតុខ្លះហើយ! ឥណ្ឌូនេស៊ីបញ្ចេញរបាយការណ៍បឋមការធ្លាក់យន្ដហោះ Sriwijaya Air

ចុចអាន ៖ ក្រោយរួមភេទជាមួយបុរសដូចគ្នា គូស្នេហ៍ឥណ្ឌូនេស៊ីត្រូវវាយជិត ៨០ រំពាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រគល់ថវិកា ៥លាន​រៀល ជូននារី ដែលសម្រាលកូនដោយ​​ខ្លួនឯងក្នុងបន្ទប់ជួលទាំង​យប់

ព័ត៌មានជាតិ២ ម៉ោង មុន

លោក ងួន ទ្ធិរិទ្ធ ប្រធានក្រុមការងារ​យុវជនបក្សស្រុកអន្លង់វែង បានដឹកនាំក្រុមការងា រចុះសាកសួរសុខទុក្ខប្រជាពលរដ្ឋមួយគ្រួសារដែលរងគ្រោះ ដោយ សារភ្លើងឆេះផ្ទះ

ជីវិតកម្សាន្ដ២ ម៉ោង មុន

នាយក្រិន ធ្លាក់ខ្លួនឈឺធ្ងន់ដេក ស្តូកស្តឹងក្នុងមន្ទីពេទ្យ

ជីវិតកម្សាន្ដ២ ម៉ោង មុន

សមាជិកក្រុមរាំ ពេជ្រ សោភា ម្នាក់ជួបគ្រោះថ្នាក់ចរាចរណ៍ស្លាប់យ៉ាងរន្ធត់

ជីវិតកម្សាន្ដ៣ ម៉ោង មុន

ពេជ្រ សោភា តក់ស្លុតខ្លាំងក្រោយ ទទួលដំណឹងដ៏រន្ធត់ចិត្ត

Sokha Hotels

ព័ត៌មានពេញនិយម

Helistar Cambodia - Helicopter Charter Services