ព័ត៌មានអន្ដរជាតិ
ជប៉ុន ហ្វីលីពីន និងតៃវ៉ាន់ ព្រមានពីរលកយក្សស៊ូណាមិ ក្រោយរញ្ជួយដីកម្រិតធ្ងន់
តាមសេចក្តីរាយការណ៍របស់ Reuters នៅថ្ងៃពុធទី៣ខែមេសា, ប្រទេសជប៉ុន ហ្វីលីពីន និងកោះតៃវ៉ាន់ សុទ្ធតែចេញការព្រមានអំពីរលកយក្សស៊ូណាមិ បន្ទាប់ពីគ្រោះរញ្ជួយដី កម្រិតធ្ងន់។

ទីភ្នាក់ងារឧតុនិយមជប៉ុន (JMA) ប្រកាសថា ការរញ្ជួយដីកម្រិត ៧.៥រ៉ិចទ័រ មានចំណុចកណ្តាលក្បែរកោះ Hualien ហើយវាយប្រហារក្បែរកោះតៃវ៉ាន់ មុនម៉ោង៩ព្រឹកខណៈអ្នករស់នៅតំបន់ជុំវិញកោះ Okinawa, Miyakojima និង Yaeyama ត្រូវជម្លៀសចេញជាបន្ទាន់ ព្រោះមានរលកយក្សកម្ពស់រហូតដល់ទៅ៣ម៉ែត្រឯណោះ។
តាមការព្រមានពីទីភ្នាក់ងារឧតុនិយមនេះ, “រលកយក្សស៊ូណាមិ កំពុងខិតកាន់តែជិតមកឆ្នេរសមុទ្រ សូមជម្លៀសឲ្យបានលឿនតាមដែលអាចធ្វើទៅបាន។ រលកអាចវាយប្រហារម្តងហើយម្តងទៀត ដូចនេះសូមបន្តជម្លៀសខ្លួន រហូតដល់ការព្រមានទាំងអស់ ត្រូវបានដកចេញ”។

ចំណែកនៅតៃវ៉ាន់វិញ គ្រោះរញ្ជួយដី ធ្វើឲ្យរង្គើពាសពេញកោះនេះ ហើយវីដេអូដែលគេចែករំលែកនៅលើបណ្តាញសង្គម បានបង្ហាញពីអគារមួយចំនួន ញ័រចង់បាក់ទៅហើយ។ នេះគឺជាការរញ្ជួយដីកម្រិតខ្លាំងបំផុត ដែលវាយប្រហារកោះតៃវ៉ាន់ ក្នុងរយៈពេល២៥ឆ្នាំចុងក្រោយ បន្ទាប់ពីការរញ្ជួយកម្រិត ៧.៧រ៉ិចទ័រ វាយប្រហារក្នុងឆ្នាំ១៩៩៩ សម្លាប់មនុស្សប្រមាណ ២ ៤០០នាក់។
ស្របពេលជាមួយគ្នានោះ អាជ្ញាធរតៃវ៉ាន់ បានចេញការប្រកាសអាសន្នរលកយក្សស៊ូណាមិសម្រាប់តំបន់ឆ្នេរ ដោយអំពាវនាវឲ្យពលរដ្ឋមានការប្រុងប្រយ័ត្នខ្ពស់ជានិច្ច។

ដោយឡែក ទីភ្នាក់ងាររញ្ជួយដីរបស់ប្រទេសហ្វីលីពីន ក៏ព្រមានដែរ តំបន់ឆ្នេរ នឹងជួបប្រទះរលកយក្សស៊ូណាមិ ដូចនេះសូមប្រជាជនមានការប្រុងប្រយ័ត្ន។
ទោះបីជាយ៉ាងណាក៏ដោយ ភ្លាមៗនេះ មិនទាន់មានសេចក្តីរាយការណ៍អំពីវិសាលភាពនៃការខូចខាតទេ ហើយក៏មិនទាន់មានព័ត៌មានទាក់ទងតួលេខមនុស្សស្លាប់និងរបួសដែរ។
សម្រាប់ព័ត៌មានបន្ថែម កម្ពុជាថ្មី នឹងផ្សាយជូនជាបន្តបន្ទាប់!
អត្ថបទ៖ សុខ សុវណ្ណ

-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត