ព័ត៌មានអន្ដរជាតិ
ថៃ បន្តមានអ្នកស្លាប់ដោយសារកូវីដ ខណៈករណីឆ្លង ហក់ឡើងគួរឲ្យព្រួយបារម្ភ
តាមការចុះផ្សាយរបស់ The Nation នៅថ្ងៃអង្គារទី៣០ខែមេសា ពេលនេះប្រទេសថៃ ហាក់កើតក្តីកង្វល់កាន់តែខ្លាំងព្រោះថា ករណីឆ្លងជំងឺកូវីដ១៩ បានរើបឡើងវិញ ដល់ថ្នាក់បណ្តាលឲ្យមានមនុស្សស្លាប់ជាបន្តបន្ទាប់ទៀតផង។
ក្រៅពីមនុស្សស្លាប់ចំនួន៩នាក់ អត្រាចូលសម្រាកព្យាបាលក្នុងមន្ទីរពេទ្យក៏ដូចជាករណីឈឺធ្ងន់ ក៏កំពុងហក់ឡើងខ្ពស់ផងដែរ ដោយត្រឹមមួយសប្តាហ៍រាប់ចាប់ពីថ្ងៃទី២១ដល់២៧ខែមេសា មានអ្នកជំងឺប្រមាណ១ ៦៧២នាក់ ត្រូវបានបញ្ជូនចូលមន្ទីរពេទ្យ។
សាស្ត្រាចារ្យនៅមហាវិទ្យាល័យវេជ្ជសាស្ត្រនៃសាកលវិទ្យាល័យ Chulalongkorn លោកវេជ្ជបណ្ឌិត Thira Woratanarat និយាយថា ក្នុងចំណោមនោះ មានអ្នកជំងឺចំនួន៣៩០នាក់ រងការឆ្លងសួតធ្ងន់ធ្ងរ ខណៈ១៤៨នាក់ ត្រូវការដាក់អុកស៊ីសែន។
មិនត្រឹមប៉ុណ្ណឹង អត្រាអ្នកជំងឺបញ្ជូនចូលព្យាបាលក្នុងមន្ទីរពេទ្យ ក៏ហក់ឡើងខ្ពស់ជាងសប្តាហ៍មុននេះ ដល់ទៅ៦៦.៥%ឯណោះ ហើយអត្រានេះ បានសម្គាល់ជាការកើនឡើងរយៈពេល៧សប្តាហ៍ជាប់ៗគ្នា។
ប៉ុន្មានថ្ងៃមុននេះ រាជរដ្ឋាភិបាលថៃ បានប្រាប់ដល់មន្ទីរពេទ្យទាំងឡាយរួចទៅហើយ ឲ្យត្រៀមខ្លួនទទួលក៏ដូចជាធានាសមត្ថភាព ដើម្បីព្យាបាលអ្នកជំងឺកូវីដ ប្រសិនបើមានរឿងអាក្រក់ណាមួយកើតឡើង ខណៈករណីឆ្លងកំពុងហក់ឡើងខ្ពស់ ចាប់តាំងពីបញ្ចប់ពិធីបុណ្យសង្ក្រាន្តមក។
លោកវេជ្ជបណ្ឌិត Atchawin Rodjanawat នាយកវិទ្យាស្ថានសុខភាពជាតិ (NIH) បាននិយាយថា ករណីកូវីដដែលរកឃើញភាគច្រើនក្នុងឆ្នាំនេះ គឺជាប្រភេទកូវីដបំប្លែងខ្លួន JN.1 ដែលបង្កការចម្លងដល់ទៅ៩០%ឯណោះ ចាប់តាំងពីខែមករា។
ពាក់ព័ន្ធបញ្ហាកូវីដនេះ, លោកនាយករដ្ឋមន្ត្រី សេដ្ឋា ថាវីស៊ីន ក៏បង្ហាញក្តីកង្វល់ជាពន់ពេកផងដែរ ចំពោះការផ្ទុះឡើងថ្មី និងចេញបញ្ជាឲ្យអាជ្ញាធរមូលដ្ឋាន ត្រូវតាមដានករណីឆ្លងយ៉ាងយកចិត្តទុកដាក់ជាទីបំផុតថែមទៀតផង៕
អត្ថបទ៖ សុខ សុវណ្ណ
ចុចអាន៖ កូវីដនៅ ថៃ ផ្ទុះរឹតខ្លាំង ដល់ថ្នាក់ រដ្ឋប្រាប់ឲ្យមន្ទីរពេទ្យ ត្រៀមខ្លួន
-
ព័ត៌មានជាតិ២ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានអន្ដរជាតិ៧ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ព័ត៌មានអន្ដរជាតិ៦ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៥ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ជីវិតកម្សាន្ដ១ សប្តាហ៍ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានអន្ដរជាតិ២ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានអន្ដរជាតិ៣ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
នយោបាយ១ សប្តាហ៍ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ