ព័ត៌មានអន្ដរជាតិ
ថៃ ចាប់បានឧបករណ៍រក Bitcoin ខុសច្បាប់តម្លៃជិត ២លានដុល្លារ
ប៉ូលិសថៃ បានធ្វើប្រតិបត្តិការវាយឆ្មក់ឃាត់បានរោងចក្រលួចប្រើម៉ាស៊ីនជីកយករូបិយបណ្ណឌីជីថល Bitcoin (mining) ដោយខុសច្បាប់ ហើយរឹបអូសបណ្ដុំឧបករណ៍ mining បានចំនួន ៦៩០គ្រឿង ស្មើនឹងតម្លៃ ១,៨៥លានដុល្លារ។ នេះបើយោងតាមការប្រកាសរបស់អង្គភាពប៉ូលិសថៃ នៅថ្ងៃទី៣ ខែឧសភា នេះ។
ទីតាំងដែលវាយឆ្មក់បាន ស្ថិតនៅក្នុងទីក្រុង Samut Sakhon ភាគខាងលិចប្រទេសថៃ។ ការរកឃើញនេះ ធ្វើឡើងបន្ទាប់ពីមានការសង្ស័យចំពោះការប្រើប្រាស់អគ្គិសនីអស់យ៉ាងសន្ធឹកសន្ធាប់នៅទីតាំងល្មើស។
ការ mining យករូបិយបណ្ណ Bitcoin ត្រូវចំណាយថ្លៃអគ្គិសនីច្រើន ដែលបង្កឲ្យមានការរិះគន់ជាខ្លាំងអំពីផលប៉ះពាល់ទៅលើបម្រែបម្រួលអាកាសធាតុ។
លោក Pichetpong Changkaikhon មេប៉ូលិសក្នុងទីក្រុង Samut Sakhon បានប្រាប់សារព័ត៌មាន AFP ថា ក្រៅតែពីម៉ាស៊ីនរក Bitcoin ក៏មានការរឹបអូសផ្សេងទៀតដូចជា ឧបករណ៍បម្លែងភ្លើង កុំព្យូទ័រយួរដៃ និងខ្សែកាបអាលុយមីញ៉ូម ជាដើម។ លោកបន្តថា ក្នុងប្រតិបត្តិការ ប៉ូលិសបានចាប់ឃាត់ខ្លួនបុរសសញ្ជាតិមីយ៉ាន់ម៉ាម្នាក់ ហើយកំពុងតាមចាប់ជនជាប់ពាក់ព័ន្ធ ដែលមានដូចជា ម្ចាស់ទីតាំងរោងចក្រ និងម្ចាស់ដីជួល។
កន្លងមក ធ្លាប់មានការវាយឆ្មក់ដូចគ្នានេះដែរនៅលើទឹកដីថៃ ប៉ុន្តែមិនរឹបអូសបានឧបករណ៍ខុសច្បាប់ច្រើនបែបនេះឡើយ។ “មានកន្លែងផ្សេងទៀតដែលត្រូវវាយឆ្មក់សម្រាប់ការ mining រូបិយបណ្ណ Bitcoin ខុសច្បាប់ ប៉ុន្តែយើងរកឃើញម៉ាស៊ីនត្រឹម៤០ ទៅ ៥០គ្រឿងប៉ុណ្ណោះ” នេះជាអ្វីដែលលោកមេប៉ូលិសថៃបានប្រាប់បន្ថែម។
សូមបញ្ជាក់ថា កាលពីសប្ដាហ៍មុន នាយកដ្ឋានបទល្មើសបច្ចេកវិទ្យាថៃ បានបង្ក្រាបទីតាំងចំនួន២ ស្ថិតនៅក្នុងខេត្ត Ratchaburi និងខេត្ត Samut Songkhram។ ប្រតិបត្តិការនេះ រឹបអូសបានម៉ាស៊ីន mining រូបិយបណ្ណ Bitcoin ចំនួនសរុប ៦៥២គ្រឿង គិតជាទឹកប្រាក់ស្មើនឹង ៥លានដុល្លារ។
សកម្មភាព mining រូបិយបណ្ណ Bitcoin ដោយខុសច្បាប់ កំពុងរីកដូចផ្សិតនៅក្នុងប្រទេសថៃ ដែលតម្រូវឲ្យមានការប្រើប្រាស់អគ្គិសនីក្នុងទំហំច្រើនខ្លាំង។ ការវាយឆ្មក់បង្ក្រាបរបស់ប៉ូលិសថៃ ធ្វើឡើងដោយផ្អែកទៅលើការសង្ស័យចំពោះទីតាំងណាដែលបានប្រើប្រាស់អគ្គិសនីច្រើនមិនសមហេតុផល៕
ដោយ៖ ឈាង
លោក សេង ភក្តី ពីអ្នកធ្វើការផ្នែក HR ក្លាយជាអ្នកផលិតមាតិកាកីឡាដ៏ល្បី
Zhang Yiyang ក្លាយជាតារាចិនដំបូងគេ ដែលត្រូវតុលាការកាត់ទោសប្រហារជីវិត
និស្សិតបង់ក្លាដែសទាមទាររកការទទួលខុសត្រូវ ក្រោយធ្លាក់យន្តហោះលើសាលារៀនសម្លាប់មនុស្ស៣១នាក់
សម្ដេចធិបតីអំពាវនាវឱ្យគ្រប់ភាគីចូលរួមប្រយុទ្ធប្រឆាំងអំពើរំលោភបំពានលើកុមារ
នាយករដ្ឋមន្ត្រីជប៉ុន Shigeru Ishiba នឹងលាលែង ក្រោយកាន់អំណាចប្រមាណ១០ខែ
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ?
ថៃលេងល្បិចថ្មី នៅប្រាសាទតាមាន់ធំ ដើម្បីបោកអន្តរជាតិ
ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង
-
ព័ត៌មានអន្ដរជាតិ៣ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៤ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា១ សប្តាហ៍ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ២ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ២៤ ម៉ោង agoកម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ