ព័ត៌មានអន្ដរជាតិ
សម្តេចប៉ាប Francis ចាប់ផ្តើមដំណើរទស្សនកិច្ចប្រថុយគ្រោះថ្នាក់បំផុតនៅបរទេស
នៅថ្ងៃសុក្រនេះ សម្តេចប៉ាប Francis បានចាប់ផ្តើមដំណើរទស្សនកិច្ចជាប្រវត្តិសាស្រ្តមួយទៅកាន់ប្រទេសអ៊ីរ៉ាក់ដែលញាំញីដោយសង្គ្រាម ដោយមិនខ្លាចបញ្ហាសន្តិសុខនិងរោគរាតត្បាតកូវីដ១៩។
បព្វជិតព្រះជន្ម៨៤វស្សាអង្គនេះ ក៏នឹងទៅជួបអ្នកកាន់សាសនាឥស្លាមនិកាយស៊ីអ៊ីតផងដែរ នៅពេលទ្រង់ជួបបព្វជិតកំពូលរបស់អ៊ីរ៉ាក់គឺលោក Ayatollah Ali Sistani។
សម្តេចប៉ាប បានចាកចេញពីទីក្រុងរ៉ូមនៅព្រឹកថ្ងៃសុក្រ សម្រាប់ដំណើរទស្សនកិច្ចរយៈពេល៤ថ្ងៃ ដែលជាដំណើរទស្សនកិច្ចលើកដំបូងរបស់ទ្រង់នៅក្រៅប្រទេស ចាប់តាំងពីជំងឺរាតត្បាតកូវីដ១៩ផ្ទុះឡើង។
ថ្វីបើសម្តេចប៉ាប Francis ត្រូវបានចាក់វ៉ាក់សាំងរួចហើយក៏ដោយ ប៉ុន្តែប្រទេសអ៊ីរ៉ាក់កំពុងរងគ្រោះដោយរលកទីពីរ ជាមួយនឹងកំណត់ត្រាឆ្លងថ្មីជាង៥,០០០ករណីក្នុងមួយថ្ងៃ ដែលជាហេតុជំរុញឲ្យអាជ្ញាធរចាត់វិធានការតឹងរ៉ឹងបំផុត ក្នុងអំឡុងពេលនៃដំណើរទស្សនកិច្ចនេះ។
សន្តិសុខនឹងត្រូវរឹតបន្តឹងនៅក្នុងប្រទេសអ៊ីរ៉ាក់ ដែលបានស៊ូទ្រាំនឹងសង្រ្គាមនិងកុបកម្មអស់រយៈពេលជាច្រើនឆ្នាំមកហើយ និងនៅតែកំពុងតាមប្រមាញ់រកសកម្មប្រយុទ្ធក្រុមរដ្ឋឥស្លាមដែលនៅសេសសល់ ហើយកាលពីប៉ុន្មានថ្ងៃមុននេះ មានគ្រាប់រ៉ុកកែតជាច្រើនបានវាយប្រហារមូលដ្ឋានយោធា។
នៅខាងក្នុងប្រទេសអ៊ីរ៉ាក់ សម្តេចនឹងធ្វើដំណើរក្នុងចម្ងាយជាង៨៧០ម៉ាលយ៍ តាមយន្ដហោះនិងឧទ្ធម្ភាគចក្រ ដោយហោះហើរលើតំបន់នានាដែលជាកន្លែងកងកម្លាំងសន្តិសុខនៅតែប្រយុទ្ធជាមួយសំណល់ក្រុម IS។
សម្តេចក៏នឹងធ្វើទស្សនកិច្ចនៅខេត្ត Nineveh ភាគខាងជើងផងដែរ ដែលនៅទីនោះកាលពីឆ្នាំ២០១៤ ក្រុមជីហាដ IS បានបង្ខំឲ្យជនជាតិភាគតិចភៀសខ្លួន ឬប្តូរទៅកាន់សាសនាឥស្លាមបើមិនដូច្នោះទេនឹងត្រូវសម្លាប់ចោល៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ រ៉ុកកែត១០គ្រាប់ វាយប្រហារមូលដ្ឋានកងទ័ពអាមេរិកនៅ អ៊ីរ៉ាក់
ចុចអាន៖ រ៉ុកកែតវាយប្រហារមូលដ្ឋានយោធាកាន់កាប់ដោយអាមេរិកនៅ អ៊ីរ៉ាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង