ព័ត៌មានអន្ដរជាតិ
អូស្ត្រាលីបញ្ឈប់មិត្តភាពការពារជាមួយមីយ៉ាន់ម៉ា ខណៈជំនួយត្រូវបង្វែរទិសដៅ
ប្រទេសអូស្ត្រាលីបានបញ្ឈប់បណ្តោះអាសន្ននូវកម្មវិធីសហប្រតិបត្តិការការពាររបស់ខ្លួនជាមួយប្រទេសមីយ៉ាន់ម៉ា ដោយសារការបង្ក្រាបដោយហិង្សារបស់យោធាប្រទេសនេះលើបាតុកម្មដែលប្រឆាំងនឹងរដ្ឋប្រហារ។
រដ្ឋមន្ត្រីការបរទេសអូស្ត្រាលីលោក Marise Payne បាននិយាយក្នុងសេចក្តីថ្លែងការណ៍មួយកាលពីថ្ងៃអាទិត្យ ទី៧ ខែមីនាថា ប្រទេសអូស្ត្រាលីក៏នឹងបង្វែរទិសដៅជំនួយមនុស្សធម៌ភ្លាមៗទៅជនជាតិរ៉ូហ៊ីយ៉ា និងជនជាតិភាគតិចផ្សេងៗទៀត។
លោកថា ៖«យើងនឹងផ្តល់អាទិភាពដល់តម្រូវការមនុស្សធម៌ និងតម្រូវការចាំបាច់បំផុត ហើយស្វែងរកការចូលរួមមនុស្សធម៌របស់យើងជាមួយដៃគូដូចជា អង្គការក្រៅរដ្ឋាភិបាលជាដើម ប៉ុន្តែមិនមែនជារដ្ឋាភិបាល ឬអង្គភាពដែលពាក់ព័ន្ធជាមួយរដ្ឋាភិបាល»។
ចំណងមិត្តភាពការពារទ្វេភាគីរបស់ប្រទេសអូស្ត្រាលីជាមួយយោធាមីយ៉ាន់ម៉ាត្រូវបានត្រូវបានរឹតត្បិតចំពោះតំបន់ដែលគ្មានការប្រយុទ្ធដូចជាការបណ្តុះបណ្តាលភាសាអង់គ្លេសជាដើម។
អាជ្ញាធរបាននិយាយថា ទីក្រុងកងប៉េរ៉ាក៏នឹងបន្តទាមទារឲ្យមានការដោះលែងជាបន្ទាន់លោក Sean Turnell ជាពាណិជ្ជករ និងទីប្រឹក្សាជនជាតិអូស្ត្រាលីរបស់លោកស្រី អ៊ុងសាន ស៊ូជី។ លោក Turnell ត្រូវបានឃុំខ្លួនជាមួយនឹងការចូលកុងស៊ុលដោយកំណត់ចាប់តាំងពីរដ្ឋប្រហារថ្ងៃទី១ ខែកុម្ភៈ ផ្តួលរំលំរដ្ឋាភិបាលជាប់ឆ្នោតរបស់ប្រទេសមីយ៉ាន់ម៉ា។
មនុស្សរាប់រយនាក់បានប្រមូលផ្តុំគ្នានៅទីក្រុងស៊ីដនី ប្រទេសអូស្ត្រាលី កាលពីចុងសប្តាហ៍នេះទទួចឲ្យរដ្ឋាភិបាលអូស្ត្រាលីប្រកាន់ជំហររឹងមាំប្រឆាំងនឹងរដ្ឋប្រហារ។
ប្រទេសនៅតំបន់អាស៊ីអាគ្នេយ៍មួយនេះបានធ្លាក់ទៅក្នុងស្ថានភាពវឹកវរខ្លាំង បន្ទាប់ពីយោធាបានគ្រប់គ្រងប្រទេស និងបានឃុំខ្លួនមេដឹកនាំជាប់ឆ្នោត ហើយក៏មានការតវ៉ាជារៀងរាល់ថ្ងៃដែលរហូតដល់ពេលនេះ តាមរបាយការណ៍អង្គការសហប្រជាជាតិថា មនុស្សជាង៥០នាក់ហើយត្រូវបានសម្លាប់។
លោក Payne និយាយថា ៖«យើងបន្តជំរុញកងកម្លាំងមីយ៉ាន់ម៉ាអនុវត្តការអត់ធ្មត់ និងជៀសវាងការប្រើហិង្សាលើជនស៊ីវិល»។
សហជីពពាណិជ្ជកម្មធំៗរបស់ប្រទេសមីយ៉ាន់ម៉ាបានអំពាវនាវឲ្យសមាជិករបស់ខ្លួនទាំងអស់បិទទ្វារពាណិជ្ជកម្មចាប់ពីថ្ងៃចន្ទ ទី៨ ខែមីនានេះ ដើម្បីចូលរួមបាតុកម្មប្រឆាំងរដ្ឋប្រហារ៕
ប្រែសម្រួល៖ វីរបុត្រ
ប្រភព៖ CNA
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម