ថ្ងៃ​​នេះ​ សហជីព​អំពាវ​នាវ​ឲ្យ​​បិទ​ទ្វារ​ពាណិជ្ជកម្ម​ចូល​រួម​បាតុកម្ម ​ខណៈ​សមាជិក​សភា​ម្នាក់ ​​របស់​លោកស្រី ស៊ូជី​ ​ស្លាប់​ក្នុង​ទី​ឃុំ​ខ្លួន​
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ថ្ងៃ​​នេះ​ សហជីព​អំពាវ​នាវ​ឲ្យ​​បិទ​ទ្វារ​ពាណិជ្ជកម្ម​ចូល​រួម​បាតុកម្ម ​ខណៈ​សមាជិក​សភា​ម្នាក់ ​​របស់​លោកស្រី ស៊ូជី​ ​ស្លាប់​ក្នុង​ទី​ឃុំ​ខ្លួន​

Published

on

សហជីព​ពាណិជ្ជកម្ម​ធំ​ៗ​របស់​ប្រទេស​មីយ៉ាន់ម៉ា​បាន​អំពាវ​នាវ​ដល់​សមាជិក​ទាំង​អស់​ឲ្យ​បិទ​ទ្វារ​សេដ្ឋកិច្ច​ចាប់​ពី​ថ្ងៃ​ចន្ទ ទី​៨ ខែ​មីនា​នេះ​ដើម្បី ចូល​រួម​យុទ្ធនាការណ៍​ប្រឆាំង​នឹង​រដ្ឋ​ប្រហារ​កាល​ពី​ខែ​មុន ដើម្បី​បង្កើន​សម្ពាធ​លើ​​យោធា​មីយ៉ាន់ម៉ា​ដែល​បាន​ប្រើ​អាវុធ​បាញ់ និង​បាន​កាន់​កាប់​មន្ទីរ​ពេទ្យនៅ​ក្នុង​ទី​ក្រុង​សំខាន់ យ៉ាំងហ្គោន មួយ​ថ្ងៃ​បន្ទាប់​ពី​ការ​តវ៉ាដ៏​ធំ​មហិមា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន​ក្នុង​ស្រុក​បានរាយការណ៍​ថា សាក្សី​​បាន​រាយការណ៍​ពី​សំឡេង​នៃ​ការ​ផ្ទះ​អាវុធ ឬ​គ្រាប់​បែប​នៅ​តាម​ខណ្ឌ​ជា​ច្រើន​ក្នុង​រដ្ឋ​ធានី​ពាណិជ្ជកម្ម​ បន្ទាប់​​ពី​ឈាន​ចូល​យប់​ជ្រៅ ខណៈ​ទាហាន​បាន​ឈាន​ចូល​កាន់កាប់​មន្ទីរ​ពេទ្យ និង​សាកល​វិទ្យាល័យ​នានា។ តែ​គេ​មិន​ដឹង​ថា មាន​មនុស្ស​ស្លាប់​ ឬ​របួស​ទេ។

សមាគម​ជួយ​គាំទ្រ​សម្រាប់​អ្នក​ទោស​នយោបាយ​ ដែល​ជា​អង្គការ​មិន​រក​ប្រាក់​ចំណេញ​បាន​និយាយ​ថា កម្លាំង​ប្រដាប់​អាវុធ​កំពុង​បំភ័យ​អ្នក​ស្រុក​ដោយ​ចេតនា​នៅ​ក្នុង​ទីយ៉ាំងហ្គោន។

ការ​បង្ហាញ​កម្លាំងពង្រាយ​បាន​កើត​មាន​ឡើង បន្ទាប់​ពី​ការ​តវ៉ា​ទូទាំង​ប្រទេស​ទ្រង់​ទ្រាយ​ធំ​បាន​កើត​មាន ចាប់​តាំង​ពី​រដ្ឋ​ប្រហារ​ថ្ងៃ​ទី​១ ខែ​កុម្ភៈ ហើយ​សម្ព័ន្ធ​ភាព​នៃ​សហជីព​ចំនួន​៩​បាន​និយាយ​ថា ពួក​គេ​មាន​ផែន​ការ​បន្ត​បិទ​ទ្វារ​សេដ្ឋកិច្ច​ទាំង​ស្រុង។

ពួក​គេ​បាន​និយាយ​ក្នុង​សេចក្តី​ថ្លែង​ការណ៍​រួម​គ្នា​មួយ​ថា ៖« បើ​បន្ត​សកម្មភាព​សេដ្ឋកិច្ច និង​ពាណិជ្ជកម្ម​ធម្មតា​នោះ​ ​​នឹង​មាន​តែ​​ប្រយោជន៍​ដល់​យោធា​ប៉ុណ្ណោះ ខណៈ​ពួក​គេ​បាន​បង្ខាំង​ថាមពល​នៃ​ប្រជា​ជន​មីយ៉ាន់ម៉ា។ ដល់​ពេល​ត្រូវ​​ធ្វើ​សកម្មភាព​ដើម្បី​ការពារ​ប្រជា​ធិបតេយ្យ​ហើយ​ឥឡូវ​នេះ»។

មន្ត្រី​ម្នាក់​ពី​គណបក្ស​​របស់​​​លោកស្រី អ៊ុង សាន​ស៊ូជី​ ​បាន​ស្លាប់​​កណ្តាល​យប់​នៅ​ក្នុង​ការ​​ឃុំខ្លួន​របស់​ប៉ូលិស​។ មន្ត្រីរបស់​គណបក្ស​សម្ព័ន្ធ​ជាតិ​ដើម្បី​ប្រជា​ធិបតេយ្យ​ (NLD)​លោក​ Khin Maung Latt អាយុ​៥៨​ឆ្នាំ​​ជា​សមាជិក​សភា​មូស្លីម​ម្នាក់​ក្នុង​ចំណោម​ពីរ​នាក់​ត្រូវ​បាន​ជាប់​ឆ្នោត​កាល​ពី​ឆ្នាំ​២០២០​បាន​ស្លាប់​នៅ​យប់​ថ្ងៃ​សៅរ៍ ឈាន​ចូល​ថ្ងៃ​អាទិត្យ​កន្លង​ទៅ​នេះ។

លោក Ba Myo Thein សមាជិក​សភា​ជាន់​ខ្ពស់​ដែល​ត្រូវ​បាន​រំលាយ បន្ទាប់​ពី​រដ្ឋ​ប្រហារ​បាន​និយាយ​ថា របាយការណ៍​​បញ្ជាក់​ពី​ការ​ស្នាម​ជាំ​ក្បាល និង​រាងកាយ​របស់​លោក Khin Maung Latt គឺ​បង្ហាញ​ពី​ការ​សង្ស័យ​នៃ​ការ​ធ្វើ​ទារុណ្ឌ​កម្ម​។

សពលោក Khin Maung Latt

លោក​ថា ៖«​វា​ទំនង​ជា​ គាត់ត្រូវ​បាន​ចាប់​ខ្លួន​នៅ​ពេល​យប់​ ហើយ​បាន​ធ្វើ​ទារុណ្ឌកម្ម​យ៉ាង​ធ្ងន់​ធ្ងរ។ ទង្វើ​នេះ​ពិត​ជា​មិន​អាច​ទទួល​យក​បាន​ឡើយ»។

សាក្សី​ម្នាក់​បាន​និយាយ​ថា លោក Khin Maung Latt ត្រូវ​បាន​គេ​ចាប់ចេញ​ពី​ផ្ទះ​របស់​គាត់​ប្រហែល​ជា​ម៉ោង​១០​យប់​ ហើយ​ត្រូវ​បាន​​ប្រើ​ហិង្សា​លើរាង​កាយ​។

ប៉ូលិស​នៅ Pabedan ក្នុង​ទី​ក្រុងយ៉ាំងហ្គោន​ដែល​ជា​កន្លែង​លោក Khin Maung Latt ត្រូវ​បាន​ចាប់​ខ្លួនបដិសេធបញ្ជាក់​ជុំ​វិញ​ករណី​នេះ៕

ប្រែ​សម្រួល៖ វីរបុត្រ
ប្រភព៖ irrawaddy​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services