ព័ត៌មានអន្ដរជាតិ
មេដឹកនាំអ៊ីរ៉ង់នៅតែប្តេជ្ញាសងសឹកអ៊ីស្រាអែលនិងអាមេរិក
ក្រោយរងភាពអាម៉ាស់ដោយសារការវាយប្រហាររបស់អ៊ីស្រាអែលកាលថ្ងៃទី២៦ខែតុលា មេដឹកនាំកំពូលរបស់អ៊ីរ៉ង់ លោក Ayatollah Ali Khamenei បានប្តេជ្ញាកាលពីថ្ងៃទី២ខែវិច្ឆិកានេះ បាននិយាយថា ខ្លួននឹងសងសឹកប្រឆាំងនឹងការវាយប្រហាររបស់អ៊ីស្រាអែល និងសម្ព័ន្ធមិត្តរបស់អ៊ីស្រាអែល គឺសហរដ្ឋអាមេរិក ដែលបានកំណត់គោលដៅលើទីក្រុងតេអេរ៉ង់ និងក្រុមដែលខ្លួនគាំទ្រនៅក្នុងតំបន់។
យោងតាមការស្រង់សម្តីដើមរបស់សារព័ត៌មាន AFP ប្រមុខដឹកនាំអ៊ីរ៉ង់ លោក Khamenei បាននិយាយនៅក្នុងសុន្ទរកថាទៅកាន់និស្សិតថា៖«សត្រូវ រួមទាំងសហរដ្ឋអាមេរិក និងរបប Zionist [អ៊ីស្រាអែល] គួរតែដឹងថា ពួកគេពិតជានឹងទទួលបានការឆ្លើយតបយ៉ាងមុតមាំចំពោះអ្វីដែលពួកគេកំពុងធ្វើប្រឆាំងនឹងអ៊ីរ៉ង់ ប្រជាជាតិអ៊ីរ៉ង់ និងរណសិរ្សតស៊ូ»។
លោកបាននិយាយសំដៅទៅលើសម្ព័ន្ធមិត្តនៃក្រុមប្រដាប់អាវុធគាំទ្រក្រុងតេអេរ៉ង់ ដែលរួមមានក្រុមឧទ្ទាមហ៊ូធី (Huthi)មានមូលដ្ឋាននៅប្រទេសយេម៉ែន ចលនាសកម្មប្រយុទ្ធហេសបូឡា (Hezbollah)មានមូលដ្ឋាននៅប្រទេសលីបង់និងក្រុមអ៊ីស្លាមប៉ាឡេស្ទីន ហាម៉ាស (Hamas) ដែលកំពុងធ្វើសង្គ្រាមនៅតំបន់ហ្គាហ្សាប៉ាឡេស្ទីន។
ភាពតានតឹងក្នុងតំបន់បានកើនឡើងចាប់តាំងពីការផ្ទុះឡើងក្នុងខែតុលាឆ្នាំ២០២៣នៃសង្រ្គាមអ៊ីស្រាអែល-ហាម៉ាសនៅហ្គាហ្សា ដោយបានទាក់ទាញក្រុមដែលគាំទ្រអ៊ីរ៉ង់ទាំងនោះ និងក្រុមផ្សេងទៀតមកពីអ៊ីរ៉ាក់ និងស៊ីរី។
ក្រុមហេសបូឡា និងអ៊ីស្រាអែលបានប្រយុទ្ធគ្នាឆ្លងព្រំដែនអស់រយៈពេលជិតមួយឆ្នាំបន្ទាប់ពីការវាយប្រហារដែលមិនធ្លាប់មានពីមុនមករបស់ពួកហាម៉ាសលើអ៊ីស្រាអែលនៅថ្ងៃទី៧ ខែតុលាឆ្នាំ២០២៣ មុនពេលអ៊ីស្រាអែលបានបង្កើនជម្លោះនៅថ្ងៃទី២៣ ខែកញ្ញាឆ្នាំ២០២៤ ចូលទៅក្នុងទឹកដីលីបង់ដើម្បីកម្ទេចហេសបូឡា។
កាលពីថ្ងៃទី២៦ខែតុលា អ៊ីស្រាអែលបានធ្វើការវាយប្រហារតាមអាកាសលើទីតាំងយោធាក្នុងប្រទេសអ៊ីរ៉ង់ជាការឆ្លើយតបទៅនឹងការវាយប្រហារថ្ងៃទី១ខែតុលារបស់ទីក្រុងតេអេរ៉ង់មកលើអ៊ីស្រាអែល ដែលជាការសងសឹកចំពោះការសម្លាប់មេដឹកនាំសកម្មប្រយុទ្ធដែលគាំទ្រដោយអ៊ីរ៉ង់ និងមេបញ្ជាការឆ្មាំបដិវត្តន៍ម្នាក់របស់អ៊ីរ៉ង់។
យ៉ាងហោចណាស់ទាហានបួននាក់ត្រូវបានសម្លាប់នៅក្នុងការវាយប្រហារដែលអ៊ីរ៉ង់បាននិយាយថាបានបណ្តាលឱ្យ «ការខូចខាតតិចតួច» ដល់ប្រព័ន្ធរ៉ាដាមួយចំនួន។ ប្រព័ន្ធផ្សព្វផ្សាយអ៊ីរ៉ង់បាននិយាយថា ជនស៊ីវិលម្នាក់ក៏ត្រូវបានសម្លាប់ផងដែរក្នុងការវាយប្រហាររបស់អ៊ីស្រាអែល។
នៅក្នុងសុន្ទរកថារបស់មេដឹកនាំកំពូលអ៊ីរ៉ង់ លោក Khamenei បានគោរពវិញ្ញាណក្ខន្ធដល់ទាហានដែលត្រូវបានសម្លាប់ដោយនិយាយថា ការខិតខំប្រឹងប្រែងរបស់ពួកគេក្នុងការប្រឈមមុខនឹងអ៊ីស្រាអែល «នឹងមិនត្រូវបានគេបំភ្លេចឡើយ»៕
ដោយ រ៉ាន់ រើយ
ការវាយប្រហារនៅកាស្មៀរធ្វើឲ្យទំនាក់ទំនងឥណ្ឌា-ប៉ាគីស្ថានកាន់តែធ្លាក់ដុនដាបខ្លាំង
អូបាម៉ា បណ្ដើរភរិយាស្រស់ស្រូបអាហារបង្អួតភាពផ្អែមល្ហែម បញ្ចប់ភាពសង្ស័យបែកបាក់គ្នា
រានហាល និងបង្កាន់ដៃនាគទិសពាយ័ព្យប្រាសាទបន្ទាយសំរ៉ែ បានជួសជុលរួចរាល់
តារាហុងកុងនាង Gloria ក្រោយរៀបការខុស បាត់បង់អស់កេរ្តិ៍ឈ្មោះ និងអាជីពធ្លាប់ល្បីរន្ទឺ
វិស័យឯកជនបន្តលើកកម្ពស់ការប្រើប្រាស់ស្លាកសញ្ញាស្តង់ដារផលិតផលដើម្បីជំរុញការប្រកួតប្រជែង
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
ហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៦ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក
-
ព័ត៌មានអន្ដរជាតិ៧ ម៉ោង agoក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ