ព័ត៌មានអន្ដរជាតិ
WHO ថា យើងកំពុងធ្វើសង្គ្រាមជាមួយកូវីដ មិនមែនប្រឆាំងមនុស្សគ្នាឯងឡើយ
មន្រ្តីអង្គការសុខភាពពិភពលោក (WHO) កាលពីថ្ងៃសុក្របានលើកឡើងពីសារៈសំខាន់នៃកិច្ចសហការរួមគ្នារវាងមេដឹកនាំនៅជុំវិញពិភពលោកនាពេលបច្ចុប្បន្ននេះ ។
លោក Bruce Aylward ទីប្រឹក្សាជាន់ខ្ពស់របស់អគ្គនាយក WHO បាននិយាយក្នុងសន្និសីទសារព័ត៌មានពីទីក្រុងហ្សឺណែវថា “និយាយដោយស្មោះត្រង់ទៅ យើងស្ថិតក្នុងសង្រ្គាមមួយ ហើយវាជាសង្គ្រាមប្រឆាំងនឹងវីរុសមិនមែនប្រឆាំងគ្នាឯងនោះទេ” ។
លោក Aylward បានធ្វើការកត់សម្គាល់បែបនេះ បន្ទាប់ពីប្រធានាធិបតីបារាំងលោក Emmanuel Macron បាននិយាយកាលពីថ្ងៃព្រហស្បតិ៍ថា “យើងកំពុងប្រឈមមុខនឹងសង្គ្រាមលោកប្រភេទថ្មី” ទាក់ទងនឹងយុទ្ធសាស្ត្រនាំចេញវ៉ាក់សាំងរបស់អឺរ៉ុប ។
លោក Macron បាននិយាយ បន្ទាប់ពីកិច្ចប្រជុំកំពូលរបស់សហភាពអឺរ៉ុបថា “អឺរ៉ុបគឺជាទ្វីបតែមួយគត់ដែលមានយុទ្ធសាស្ត្រវ៉ាក់សាំងពិត ។ លោកគាំទ្រលើយន្តការត្រួតពិនិត្យការនាំចេញដែលត្រូវបានដាក់ចេញដោយគណៈកម្មការអឺរ៉ុប ចាប់តាំងពីសហរដ្ឋអាមេរិក និងអង់គ្លេសមាននិន្នាការការពារផលិតកម្មវ៉ាក់សាំងរបស់ពួកគេ” ។
លោក Aylward បាននិយាយថា WHO បានពិភាក្សាជាមួយប្រមុខរដ្ឋាភិបាលជាច្រើនចាប់តាំងពីការចាប់ផ្តើមរោគរាតត្បាត និងមានគោលបំណងរួមគ្នានៅក្នុងរឿងនេះ ហើយគោលបំណងរួមគឺដើម្បីកម្ចាត់វីរុសនេះ ។
លោក Aylward បានបន្តថា លោកក៏បានអំពាវនាវម្ដងហើយម្ដងទៀតដល់អគ្គនាយកអង្គការសុខភាពពិភពលោកសម្រាប់ការចែករំលែកវ៉ាក់សាំងកូវីដ ១៩ ដល់បណ្តាប្រទេសដែលមានវ៉ាក់សាំងចំនួនតិចតួច ។ លោកបាននិយាយថា “វាជារឿងត្រឹមត្រូវដែលត្រូវធ្វើបែបនេះដើម្បីធ្វើឲ្យប្រាកដថា មនុស្សគ្រប់គ្នាអាចទទួលបានវ៉ាក់សាំងក្នុងពេលវេលាដ៏ចាំបាច់បំផុតនេះ” ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ WHO ជំរុញប្រទេសអ្នកមានបរិច្ចាគវ៉ាក់សាំង ១០ លានដូសជាបន្ទាន់ដល់ប្រទេសក្រីក្រ
ចុចអាន ៖ WHO ថា ជំងឺកូវីដ ១៩ បំប្លែងខ្លួនថ្មីកំពុងជំនួសវីរុសប្រភេទដើម
-
កីឡា៤ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ