ព័ត៌មានអន្ដរជាតិ
WHO ថា ជំងឺកូវីដ ១៩ បំប្លែងខ្លួនថ្មីកំពុងជំនួសវីរុសប្រភេទដើម
អង្គការសុខភាពពិភពលោក (WHO) និយាយថា ជំងឺកូវីដ ១៩ បំប្លែងខ្លួនប្រភេទថ្មីកំពុងជំនួសវីរុសប្រភេទដើមនៅក្នុងចក្រភពអង់គ្លេស អាហ្វ្រិកខាងត្បូង និងប្រេស៊ីល ។
របាយការណ៍របស់អង្គការសុខភាពពិភពលោកដែលចុះផ្សាយកាលពីថ្ងៃពុធបាននិយាយថា ការឆ្លងវីរុសកូវីដ ១៩ បំប្លែងខ្លួនប្រភេទថ្មីបានរីករាលដាលយ៉ាងឆាប់រហ័សនៅក្នុងចក្រភពអង់គ្លេស និងអាហ្វ្រិកខាងត្បូង ចាប់តាំងពីខែតុលាឆ្នាំមុនដែលមានករណីភាគច្រើនត្រូវបានរកឃើញនៅក្នុងប្រទេសទាំងនោះ ។ WHO ក៏និយាយផងដែរថា សមាមាត្រនៃករណីឆ្លងវ៉ារ្យង់ថ្មីមានប្រហែលពាក់កណ្តាលនៃការឆ្លងនៅក្នុងប្រទេសប្រេស៊ីល ។
របាយការណ៍និយាយថា ការរកឃើញករណីឆ្លងវ៉ារ្យង់បំប្លែងពូជថ្មីបន្ថែមត្រូវបានគេប៉ាន់ស្មានថាមាន ៤១ ភាគរយសម្រាប់វ៉ារ្យង់ដែលរកឃើញដំបូងនៅចក្រភពអង់គ្លេស ៣៦ ភាគរយសម្រាប់វ៉ារ្យង់អាហ្រ្វិកខាងត្បូង និង ១១ ភាគរយសម្រាប់វ៉ារ្យង់ប្រេស៊ីល ។
របាយការណ៍និយាយថា វ៉ារ្យ៉ង់ចក្រភពអង់គ្លេសត្រូវបានរកឃើញនៅក្នុងប្រទេសចំនួន ៧ បន្ថែមទៀតក្នុងរយៈពេលមួយសប្តាហ៍ ហើយសរុបចំនួន ១២៥ ប្រទេសហើយបានរាយការណ៍ពីករណីឆ្លងវ៉ារ្យង់ថ្មីនេះ ។
របាយការណ៍នេះនិយាយថា ចំនួនប្រទេសដែលបានរាយការណ៍ករណីឆ្លងវ៉ារ្យង់អាហ្រ្វិកខាងត្បូងបានកើនឡើងចំនួន ១១ ប្រទេសក្នុងមួយសប្តាហ៍ដោយពេលនេះកើនដល់ ៧៥ ប្រទេស ។ តួលេខនេះបានកើនឡើង ៣ ទៅ ៤១ ករណីសម្រាប់ប្រេស៊ីល ។
អង្គការសុខភាពពិភពលោកកំពុងបង្កើនការត្រួតពិនិត្យរបស់ខ្លួនលើវ៉ារ្យ៉ង់ទាំងបីដោយចាត់ថ្នាក់ពួកគេថាជា “វ៉ារ្យង់នៃការព្រួយបារម្ភ” ហើយវ៉ារ្យង់ចំនួនពីរក្នុងចំណោមពួកវាចាត់ទុកជា “វ៉ារ្យ៉ង់ប៉ះពាល់” ។
ករណីឆ្លងថ្មីនៃវីរុសកូវីដ ១៩ ដែលត្រូវបានរាយការណ៍នៅជុំវិញពិភពលោកក្នុងមួយសប្តាហ៍រហូតដល់ថ្ងៃអាទិត្យបានកើនឡើងរយៈពេល ៤ សប្តាហ៍ជាប់ៗគ្នាដោយសារតែការកើនឡើងករណីឆ្លងនៅក្នុងប្រទេសប្រេស៊ីល ឥណ្ឌា និងបារាំង ។ ចំនួនអ្នកស្លាប់ថ្មីក្នុងសប្តាហ៍នេះក៏មានការកើនឡើងផងដែរបន្ទាប់ពីការធ្លាក់ចុះរយៈពេល ៦ សប្តាហ៍ ។
គួរបញ្ជាក់ថា គិតត្រឹមពេលនេះនៅលើពិភពលោកមានករណីឆ្លងវីរុសកូវីដ ១៩ សរុបចំនួន ១២៥,៤២៤,១៣៦ ករណី និងមានអ្នកស្លាប់ចំនួន ២,៧៥៦,៦៦២ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ WHO ជំរុញប្រទេសអ្នកមានចែករំលែកវ៉ាក់សាំង ក្រោយចាក់ដល់អ្នកមានហានិភ័យខ្ពស់រួច
ចុចអាន ៖ WHO ជំរុញប្រទេសនានាត្រូវរាយការណ៍ពីជំងឺកូវីដ ១៩ បំប្លែងខ្លួនថ្មីជាដាច់ខាត
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ២ ម៉ោង ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ