ព័ត៌មានអន្ដរជាតិ
រយៈពេល ៣ ខែក្រោយធ្លាក់ ទើបឥណ្ឌូនេស៊ីរកឃើញប្រអប់ខ្មៅទី ២ នៃយន្ដហោះ Sriwijaya Air
អាជ្ញាធរឥណ្ឌូនេស៊ីបាននិយាយនៅថ្ងៃពុធនេះថា ប្រអប់ខ្មៅទី ២ នៃយន្ដហោះដឹកអ្នកដំណើររបស់ក្រុមហ៊ុនអាកាសចរណ៍ Sriwijaya Air ដែលបានធ្លាក់ចូលសមុទ្រជ្វាកាលពីដើមខែមករា ហើយបានសម្លាប់មនុស្សទាំងអស់ ៦២ នាក់នៅលើយន្តហោះត្រូវបានរកឃើញហើយ ។
ទីតាំងរបស់ម៉ាស៊ីនថតសម្លេងកាប៊ីនយន្ដហោះ (CVR) របស់យន្តហោះ Sriwijaya Air SJ 182 ត្រូវបានគេកំណត់ទីតាំងកាលពីពេលវេលាម៉ោង ៨ យប់ថ្ងៃអង្គារ ហើយវាត្រូវបានរកឃើញ និងស្រង់មកលើគោកនៅព្រឹកថ្ងៃពុធនេះ ។
ទន្ទឹមនោះប្រអប់ខ្មៅទី ១ ដែលជាឧបករណ៍កត់ត្រាទិន្នន័យហោះហើរ (FDR) ដែលកំណត់ការហោះហើរដូចជា ទិន្នន័យល្បឿន និងរយៈកម្ពស់ត្រូវបានគេរកឃើញរយៈពេលបីថ្ងៃប៉ុណ្ណោះ បន្ទាប់ពីការធ្លាក់ ។
គួររំឭកថា យន្តហោះ Boeing 737 របស់ក្រុមហ៊ុនអាកាសចរណ៍ Sriwijaya Air បានចាកចេញពីអាកាសយានដ្ឋាន Soekarno-Hatta នៅទីក្រុងហ្សាកាតាឆ្ពោះទៅកាន់ទីក្រុង Pontianak នៅក្នុងខេត្ត West Borneo នៅម៉ោង ២ និង ៣៦ នាទីរសៀលថ្ងៃទី៩ ខែមករា ហើយវាបាត់ការទាក់ទងក្នុងរយៈពេលប៉ុន្មាននាទី បន្ទាប់ពីហោះឡើង ។
យន្តហោះនេះបានដឹកអ្នកដំណើរចំនួន ៥០ នាក់ក្នុងនោះមានកុមារ ១០ នាក់ និងសមាជិកនាវិក ១២ នាក់សរុបមានចំនួន ៦២ នាក់ ។ វាបានបាត់ពីអេក្រង់រ៉ាដារយៈពេល ៤ នាទី បន្ទាប់ពីការហោះហើរ ហើយក្រោយមកអាជ្ញាធរបានប្រកាសថា យន្ដហោះនេះបានធ្លាក់នៅសមុទ្រជ្វាដោយមិនមានអ្នកនៅរស់ទេ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ឥណ្ឌូនេស៊ីស្រង់បានប្រអប់ខ្មៅពីយន្តហោះដែលធ្លាក់
ចុចអាន ៖ ដឹងមូលហេតុខ្លះហើយ! ឥណ្ឌូនេស៊ីបញ្ចេញរបាយការណ៍បឋមការធ្លាក់យន្ដហោះ Sriwijaya Air
ចុចអាន ៖
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង