ព័ត៌មានអន្ដរជាតិ
ព្រះសង្ឃថៃ១៥៤អង្គ ត្រូវចាប់ខ្លួនពាក់ព័ន្ធបទល្មើសគ្រឿងញៀននិងឧក្រិដ្ឋកម្ម
យោងតាមការចេញផ្សាយរបស់សារព័ត៌មាន Khaosod នៅថ្ងៃទី០៥ខែសីហា ប៉ូលិសថៃបានចាប់ខ្លួនព្រះសង្ឃ ១៥៤ អង្កនៅ៧៣ខេត្តទូទាំងប្រទេស ក្នុងប្រតិបត្តិការដ៏ធំដើម្បីចាប់ព្រះសង្ឃអង្គណាជាប់ពាក់ព័ន្ធនឹងបទល្មើសគ្រឿងញៀន ឧក្រិដ្ឋកម្ម និងបទល្មើសព្រហ្មទណ្ឌផ្សេងទៀត ក្នុងគោលបំណងកែលម្អស្ថាប័នព្រះពុទ្ធសាសនាដែលមានរឿងអាស្រូវឥតល្ហែរបស់ប្រទេសថៃឡើងវិញ។
ប្រតិបត្តិការនេះដឹកនាំដោយការិយាល័យស៊ើបអង្កេតកណ្តាល និងការិយាល័យពុទ្ធសាសនាជាតិថៃ ដើម្បីការពារមុខមាត់ព្រះពុទ្ធសាសនារបស់ថៃដែលកំពុងតែរង្គោះរង្គើចាប់តាំងពីមានការរកឃើញព្រះសង្ឃជាន់ខ្ពស់ជាច្រើនអង្គមានទំនាក់ទំនងផ្លូវភេទជាមួយស្រ្តីម្នាក់និងការរកឃើញព្រះសង្ឃលួចលុយបច្ច័យវត្តជាដើម។
នៅក្នុងប្រតិបត្តិការណ៍នេះ ប្រសិនបើរកឃើញព្រះសង្ឃច្រើនជាងបីអង្គក្នុងមួយខេត្តធ្វើខុសនឹងច្បាប់ត្រូវបានចាប់ខ្លួន ប្រធានការិយាល័យពុទ្ធសាសនាមូលដ្ឋាននឹងត្រូវដកចេញ។ ក្រោយការចាប់ខ្លួនព្រះសង្ឃខ្លះមិនចង់លាចាកសិក្ខាបទនោះទេ ប៉ុន្តែច្បាប់ថៃថ្មីឥឡូវចែងថា បើព្រះសង្ឃល្មើសច្បាប់ត្រូវតែសឹកក្នុងរយៈពេល ១០ ថ្ងៃ។
ប៉ូលិសថៃរកឃើញថាព្រះសង្ឃដែលត្រូវបានចាប់ខ្លួនជាច្រើនអង្គបានបួសជាព្រះសង្ឃដើម្បីគេចខ្លួនពីច្បាប់ប៉ុណ្ណោះ ដោយមានព្រះសង្ឃខ្លះធ្លាប់បានប្រព្រឹត្តបទល្មើសពីមុនមក។ ការបង្ក្រាបនឹងនៅតែបន្តរួមមានការត្រួតពិនិត្យបច្ច័យវត្ត និងព្រះវិហារដែលអាចនឹងត្រូវបានប្រើប្រាស់សម្រាប់សកម្មភាពខុសច្បាប់។ ប៉ូលិសថៃក៏មានគម្រោងធ្វើការជាមួយប្រទេសផ្សេងទៀត ដើម្បីចាប់ព្រះសង្ឃដែលរត់ចេញទៅក្រៅប្រទេសផងដែរ។
គួរបញ្ជាក់នេះគឺជាផ្នែកមួយនៃកិច្ចខិតខំប្រឹងប្រែងរបស់ប្រទេសថៃក្នុងការសម្អាតព្រះសង្ឃ និងកសាងទំនុកចិត្តរបស់សាធារណជនក្នុងព្រះពុទ្ធសាសនាឡើងវិញបន្ទាប់ពីមានរឿងអាស្រូវជាបន្តបន្ទាប់ទាក់ទងជាមួយព្រះសង្ឃ ជាពិសេសរឿងស្រូវផ្លូវភេទរបស់ព្រះសង្ឃថៃតែម្ដងដែលល្បីដល់អន្តរជាតិ៕
អត្ថបទ៖ ប៊ុន សុភាព
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ