ព័ត៌មានអន្ដរជាតិ
អតីតអ្នកប្រដាល់ថៃម្នាក់ ដុតអ្នកទេសចរម៉ាឡេស៊ី២នាក់នៅបាងកក
អតីតអ្នកប្រដាល់ថៃម្នាក់ បានបង្កហេតុការណ៍ដ៏គួរឲ្យរន្ធត់មួយទៅលើអ្នកទេសចរម៉ាឡេស៊ី២នាក់នៅកណ្តាលក្រុងបាងកក ដោយចាក់សារធាតុរំលាយទឹកថ្នាំ ហើយដុតជនរងគ្រោះទាំងមិនញញើតដៃ។
ឧបទ្ទវហេតុនេះ បានកើតឡើងនៅម៉ោង ១០យប់ថ្ងៃព្រហស្បតិ៍ទី៧ខែសីហាឆ្នាំ២០២៥ នៅខាងក្រៅផ្សារទំនើប Ratchaprasong។ ជនបង្កជាបុរសវ័យ ៣០ឆ្នាំ ឈ្មោះ Warakorn Pabtaisong ធ្លាប់ធ្វើជាអ្នកប្រដាល់អាជីព។ អ្នកនៅកន្លែងកើតហេតុ បានចាប់ជនដៃដល់ មុនពេលប៉ូលិសទៅដល់។
Warakorn ដែលទើបតែបាត់បង់ការងារជាសន្តិសុខ បានសារភាពចំពោះមុខប៉ូលិសថា ភាពអត់ការងារធ្វើ និងភាពស្រេកឃ្លានបានជំរុញឲ្យគាត់ធ្វើសកម្មភាពបែបនេះ ដោយនិយាយថា «ខ្ញុំមិនបានហូបអីពេញមួយថ្ងៃមកហើយ» ហើយអះអាងថា រូបគេគ្មានជម្លោះជាមួយជនរងគ្រោះពីមុនមកទេ។ ប៉ូលិស ពុំបានរកឃើញសារធាតុញៀននៅក្នុងខ្លួនជនបង្កឡើយ។
ជនរងគ្រោះជនជាតិម៉ាឡេស៊ី មានអាយុ២៦ឆ្នាំ និង២៧ឆ្នាំ រងរបួសមុខ និងខ្លួនប្រាណ ប៉ុន្តែបច្ចុប្បន្នកំពុងសម្រាកព្យាបាលនៅមន្ទីរពេទ្យ។ រដ្ឋមន្ត្រីក្រសួងទេសចរណ៍ លោក Sorawong Thienthong បានជួយសម្រួលដល់ការព្យាបាលរបស់ជនរងគ្រោះ ហើយប្រកាសប្តេជ្ញាពង្រឹងវិធានការសុវត្ថិភាពបន្ថែមទៀតនៅក្នុងតំបន់ទេសចរណ៍៕
ដោយ៖ ឈាង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ