Boonsin Phadklang ប្រកាសមិនទទួលតំណែងនយោបាយឡើយ ក្រោយចូលនិវត្តន៍ ដោយសុំធ្វើត្រឹម ពលរដ្ឋល្អម្នាក់

មេភូមិភាគ២ថៃ Boonsin Phadklang បានបញ្ជាក់យ៉ាងច្បាស់ថា ខ្លួននឹងមិនទទួលមុខតំណែងនយោបាយណាមួយឡើយ បន្ទាប់ពីចូលនិវត្តន៍ ដោយសុំធ្វើត្រឹមជាទាហានបម្រុងនិងពលរដ្ឋល្អម្នាក់ ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Boonsin អះអាងបែបនេះក្នុងពិធីបុណ្យសាសនាមួយនៅវត្ត Suan Thammapiti នៃស្រុក Mueang ខេត្ត Kalasin កាលពីថ្ងៃអាទិត្យទី១៧ខែសីហាឆ្នាំ២០២៥។

Boonsin ត្រូវបានដកស្រង់សម្តីដោយទូរទស្សន៍ Amarin ដែលនិយាយថា បន្ទាប់ពីចូលនិវត្តន៍ពីមេភូមិភាគ២ លោកសុំធ្វើត្រឹមជាពលរដ្ឋល្អម្នាក់និងជាទាហានបម្រុង ហើយមិនទទួលយកមុខតំណែងនយោបាយអ្វីទេ ប៉ុន្តែនឹងបន្តជួយជាតិក្នុងវិស័យណាដែលអាចធ្វើបាន។

​​​​ជុំវិញមេភូមិភា​​គ​២នេះដែរ កាលពីសប្តាហ៍មុនលោក Boonsin ហាក់​ដូច​​ជា​​​​​​ដឹងខ្លួន​ឯង​ថា អាច​ប្រឈម​នឹង​​ការ​ចោទ​ប្រកាន់​​​ឧក្រិដ្ឋកម្មសង្គ្រាម ក្រោយ​ពេល​ចូល​និវត្តន៍​​​ក្នុងពេលដ៏ខ្លី​ខាងមុខ​។

Boonsin បាន​លើក​ឡើង​ជាសាធារណៈ​​​អំពីលទ្ធភាព​ដែលខ្លួន​​​អាច​ប្រឈម​​​​​ផ្លូវច្បាប់​ ដោយ​​​ហាក់ដូច​​​លួង​ខ្លួន​ឯងថា ខ្លួ​ន​មិនព្រួយបារម្ភ​អំពី​​វិធាន​ការ​ផ្លូវច្បាប់​​និង​ការ​វាយប្រហារ​ផ្ទាល់​ខ្លួន​​ដែលអាចកើត​​​នៅ​ពេលលោក​ចូលនិវត្តន៍​នៅ​ពេលខាងមុខនោះទេ​ ប៉ុន្តែ​ច្បាស់ណាស់ថា ទង្វើ​​ឧក្រិដ្ឋ​ដែល​លោកបាន​​​បង្កើត​ឡើង​​​ នឹង​ប្រឈម​ពាក្យបណ្តឹង​បទ​ចោទ​​​​ «ឧក្រិដ្ឋកម្ម​សង្គ្រាម»។

​​​​បុរសម្នាក់នេះហើយ គឺជា​ជន​​​ទីមួយដែល​បង្ក​ឲ្យ​​មាន​​​​​ភាព​តាន​តឹងជាសាធារណៈ​​​ និង​បង្កើន​ការ​​គំរាម​កំហែង​បញ្ឆេះ​កំហឹង​ រហូត​ដល់​បង្ក​ឲ្យ​មាន​ការ​ផ្ទុះ​អាវុធ​​​ទ្រង់ទ្រាយធំ​ ​ឈាន​ទៅ​​​​​សម្លាប់​ប្រជាពលរដ្ឋ​ស្លូតត្រង់​រាប់សិបនាក់និង​​​​ការបំផ្លិច​បំផ្លាញ​សម្បតិ្តវប្បធម៌​ ទីអារាម ផ្ទះសម្បែង​ប្រជាជន និង ហេដ្ឋារចនាសម្ព័ន្ធស៊ីវិល​៕

អត្ថបទ៖ សុខ សុវណ្ណ

ចុចអាន៖ ថៃ បញ្ជូនពេទ្យផ្លូវចិត្តមកពិនិត្យ-ព្យាបាលជំងឺសតិអារម្មណ៍របស់កងទ័ព នៅជួរមុខ