ជនជ្រុលនិយមថៃ Kan Chom Phalang ផ្ទុះកង់ឡាន ពេលធ្វើដំណើរទៅព្រំដែន

មេក្លោងដែលអុជបញ្ឆេះភាពតានតឹងនៅព្រំដែនកម្ពុជា «Kan Chom Phalang» បានជួបឧបទ្ទវហេតុផ្ទុះកង់ឡាន ធ្វើឲ្យរថយន្តរេពេញផ្លូវ តែមិនគ្រោះថ្នាក់ដល់ជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍បានកើតឡើង នៅពេលបុគ្គលម្នាក់នេះធ្វើដំណើរទៅព្រំដែនថៃ ដើម្បីផ្តល់ជំនួយដល់ទាហាន កាលពីរាត្រីថ្ងៃអង្គារទី១៦ខែកញ្ញាឆ្នាំ២០២៥។

តាមការផ្សាយរបស់ Amarin TV, ជនជ្រុលនិយមរូបនេះ បានបង្ហោះរូបភាពបង្ហាញពីសម្បកកង់ឡានដែលខ្ទេច ជាមួយនឹង Caption​ ថា ខ្លួនបានរួចជីវិតម្តងទៀតហើយ។

Kan Chom Phalang ត្រូវគេស្គាល់ថា ជាបុគ្គលជ្រុលនិយម ចូលចិត្តអុជអាលបង្កជម្លោះ ងប់ងល់នឹងសង្គ្រាម និងពោរពេញដោយមហិច្ឆតា ស្រែកឃ្លានការឈ្លានពានទឹកដីប្រទេសដទៃ។

យ៉ាងណា ដោយសារតែការឈ្លក់វង្វេងនឹងភាពអំនួតនិងតាំងខ្លួនជាមនុស្សអស្ចារ្យលើសគេឯង បុគ្គលម្នាក់នេះបែរជាធ្វើឲ្យប្រទេសថៃខ្លួនឯង ត្រូវអាម៉ាស់មុខបំផុតលើឆាកអន្តរជាតិ ខ្មាសពិភពលោក តាមរយៈការប៉ុនប៉ងយករថយន្តដឹកលាមកមកបាញ់លើពលរដ្ឋខ្មែរ នៅក្នុងទឹកដីខ្មែរ។

ទង្វើរបស់គេ ធ្វើឲ្យថៃ ស្អុយឈ្មោះ ហើយត្រូវបានពិភពលោកសើចចំអក និងវាយតម្លៃថា ជាតិសាសន៍មួយនេះ គ្មានភាពខ្មាសអៀន ធ្វើបាបប្រទេសដទៃ ទោះតាមវិធីបែបណាក៏ទៅរួចដែរ៕

អត្ថបទ៖ សុខ សុវណ្ណ

ចុចអាន៖ ថៃកំពុងទាស់គ្នា រឿងបង្កកគណនីធនាគារពលរដ្ឋ ធ្វើឲ្យកើតចលាចល