ហេតុអ្វី​ត្រូវ​ប្រុង​ប្រយ័ត្ន​ចំពោះ ទារក​អាយុ​ក្រោម​២៨ថ្ងៃ?
Connect with us
Helistar Cambodia - Helicopter Charter Services

សុខភាព

ហេតុអ្វី​ត្រូវ​ប្រុង​ប្រយ័ត្ន​ចំពោះ ទារក​អាយុ​ក្រោម​២៨ថ្ងៃ?

បានផុស

នៅ

១) តើ​អ្វី​ទៅជា​ការបង្ក​រោគ​លើ​ទារក​?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ការបង្ក​រោគ​លើ​ទារក​ គឺជា​ការ​យាយី​ដោយ​មេរោគ​បាក់តេរី​លើ​ទារក បណ្តាល​ឲ្យ​លេចចេញ​នូវ​ចង្កោម​រោគ សញ្ញា​នៃ​ជំងឺ​ដែល​ប៉ះពាល់​ដល់​សារពាង្គកាយ​ទាំងស្រុង រួម​នឹង​ការបណ្តុះ​មេរោគ​ក្នុង​ឈាម​វិជ្ជមាន​។​

​គេ​បែងចែក​ការបង្ក​រោគ​នេះ​ជា​ពីរ​៖

– ការបង្ក​រោគ​លើ​ទារក​បឋម ដែល​រោគសញ្ញា​លេចឡើង​ក្នុងកំឡុងពេល ៧២​ម៉ោង​នៃ​ជីវិត​

– ការបង្ក​រោគ​លើ​ទារក​យឺតយ៉ាវ ដែល​រោគសញ្ញា​លេចឡើង​បន្ទាប់ពី ៧២​ម៉ោង​នៃ​ជីវិត​

២) មូលហេតុ​អ្វី​បានជា​ត្រូវ​ប្រុងប្រយ័ត្ន​កុំ​ឲ្យ​មានការ​បង្ក​រោគ​លើ​ទារក​?

​ទារក​ក្រោម​អាយុ ២៨​ថ្ងៃ ជាពិសេស​ទារក​ពុំ​គ្រប់​ខែ ឬ​ពុំ​គ្រប់​គីឡូ មាន​ប្រព័ន្ធ​ការពារ​ខ្លួន​ខ្សោយ ប្រសិនបើ​មាន​ជ្រៀតចូល​មេរោគ​លើ​ទារក​ទាំងនេះ អាច​បង្ក​ឲ្យ​មាន​រោគសញ្ញា​ធ្ងន់ធ្ងរ ដែល​អាចឲ្យ​មាន​អត្រា​មរណភាព និង​ពិការភាព​ខ្ពស់ បើសិន​មិនមាន​ការព្យាបាល​ទាន់ពេលវេលា និង​ត្រឹមត្រូវ​។​

៣) តើ​រោគសញ្ញា​ដែល​សង្ស័យ​ថា​ មានការ​បង្ក​រោគ​លើ​ទារក​មាន​អ្វីខ្លះ​?

– វិបត្តិ​ផ្លូវដង្ហើមៈ ទារក​ដកដង្ហើម​ហត់​ខ្លាំង ផត​ទ្រូង ថ្ងូរ បាត់​ដង្ហើម​មួយរយៈៗ សម្បុរ​ស្វាយ​

– វិបត្តិ​នៃ​ការ​រក្សា​សីតុណ្ហភាព​ធម្មតា​ក្នុង​ខ្លួនៈ ទារក​មាន​ភាព​ត្រជាក់​ខ្លាំង (​កម្ដៅ​ទារក​ទាប​ជាង ៣៥​អង្សា​សេ​) ឬ​ទារក​ក្តៅខ្លួន (​កម្ដៅ​លើសពី ៣៨​អង្សា​សេ​)

– សម្បុរ​ទារក​ស្លេកស្លាំង​ខុសពី​ធម្មតា​

– ខាន់លឿង​ចំពោះ​ទារក​ ដែលមាន​អាយុ​ក្រោម ២៤​ម៉ោង​

– ប្រកាច់ ឬ​ទារក​មាន​សភាព​ទន់​ខុសពី​ធម្មតា​

– ទារក​បៅ​តិច​ជាង​ធម្មតា ឬ​ពុំ​បៅ​

– ពោះ​ប៉ោង​តឹង មាន​ឈាម​តាម​លាមក​….​។​

៤) កត្តា​ប្រឈម​ដែល​បណ្តាលឲ្យ​មានការ​បង្ក​រោគ​លើ​ទារក​៖

– ម្តាយ​មាន​សញ្ញា​ក្តៅខ្លួន​លើសពី ៣៨​អង្សា​សេ មុន​កំឡុងពេល និង​ក្រោយ​សម្រាល​

– បែក​ទឹកភ្លោះ​យូរ​លើសពី ១៨​ម៉ោង​

– ទឹកភ្លោះ​មាន​ពណ៌​ខ្ទុះ មាន​ក្លិនស្អុយ​

– ម្តាយ​មានការ​បង្ក​រោគ​នៅ​នឹង​ទ្វារមាស ឬ​ការបង្ក​រោគ​លើ​ផ្នែក​ណាមួយ​

– ទារក​កើត​ពុំ​គ្រប់​ខែ (​ក្រោម ៣៧​សប្តាហ៍​នៃ​គភ៌​) ឬ​ពុំ​គ្រប់​គីឡូ (​តិចជាង ២៥០០​ក្រាម​)

– ទារក​ដែល​ខ្សោយ​ពេល​កើត​

៥) ការធ្វើ​រោគវិនិច្ឆ័យ​៖

– ទារក​ដែលមាន​សញ្ញា ឬ​កត្តា​ប្រឈម​ដែល​សង្ស័យថា ​មានការ​បង្ក​រោគ នឹងត្រូវ​បានធ្វើ​ការតាមដាន​តាមរយៈ ការអង្កេត​គ្លីនិក និង​ការធ្វើ​តេស្ត​ដើម្បី​បញ្ជាក់​ពី​ការចំលង​រោគ​នេះ (​បណ្តុះ​មេរោគ​ក្នុង​ឈាម​)​។​

៦) ការព្យាបាល​៖

– ការព្យាបាល​ដោយ​ថ្នាំ​ផ្សះ​ដែល​ត្រឹមត្រូវ​តាម​លទ្ធផល​នៃ​ការបណ្តុះ​មេរោគ​

– ការ​ព្យាបាល​តាម​រោគសញ្ញា (​ផ្តល់​អុកស៊ីហ្សែន ប្រើប្រាស់​ម៉ាស៊ីន​ជំនួយ​ដង្ហើម​លើ​ទារក​ដែលមាន​វិបត្តិ​ផ្លូវ ដង្ហើម​ធ្ងន់ធ្ងរ និង​ការ​ព្យាបាល​ដោយ​កាំរស្មី​ចំពោះ​ខាន់លឿង​)

៧) ការការពារ​ការចំលង​រោគ​លើ​ទារក​៖

– ព្យាបាល​ដោយ​ថ្នាំ​ផ្សះ​លើ​ម្តាយ​ដែលមាន​ការបង្ក​រោគ ឬ​បែក​ទឹកភ្លោះ​យូរ​លើសពី ១៨​ម៉ោង​

– រក្សា​អនាម័យ​ជុំវិញ​ការថែទាំ​ទារក​ក្រោយ​កើត (​សំអាត​ដៃ​មុនពេល​ប៉ះពាល់​ទារក​)

” រាល់​ទារក​ដែលមាន​សញ្ញា​ពុំ​ប្រក្រតី​ណាមួយ ដែល​សង្ស័យថា​មានការ​បង្ក​រោគ សូមមេត្តា​បញ្ជូន​ទារក​មក​ទទួល​ការពិនិត្យ និង​វាយតម្លៃ​ដោយ​ក្រុមការងារ​គ្រូពេទ្យ​ឯកទេស​សង្គ្រោះ​ទារក​នៃ​មន្ទីរពេទ្យ​កាល់ម៉ែត ដើម្បី​ឈានដល់​ការព្យាបាល​ឲ្យ​បាន​ទាន់ពេលវេលា និង​ទទួលបាន​ប្រសិទ្ធភាព ប្រសិទ្ធិភាព​ខ្ពស់​”៕

អត្ថបទ៖ ​រស្មី

សូមចុចអាន៖ ​សុវត្ថិភាព និង​ភាព​ជោគជ័យ​ជាប់​យូរអង្វែង​នៃ​ការដាំ​បង្គោល​ធ្មេញ​ក្នុង​ឆ្អឹងថ្គាម​!

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានខ្លីៗ៤ ម៉ោង មុន

បន្ទាន់ទាំងយប់ រដ្ឋាភិបាល​ប្រកាស​បិទ​ខ្ទប់​ខេត្ត​ជាប់ព្រំដែន​ថៃ​ទាំងអស់ និង​ខេត្ត​សៀមរាប

កូវីដ-១៩៥ ម៉ោង មុន

កម្ពុជា​សម្រេច​បិទ​ខេត្ត​ជាប់​ព្រំដែន​ថៃ ក្រោយ​រក​ឃើញ​ឆ្លង​មេរោគកូវីដ១៩ បម្លែងថ្មី Delta ចូលសហគមន៍

កូវីដ-១៩៦ ម៉ោង មុន

ខេត្តកំពង់ឆ្នាំង​រក​ឃើញ​អ្នក​វិជ្ជមាន​ថ្មី​កូ​វីដ​១៩​ថ្មី ៦៥ នាក់ នៅ​ថ្ងៃទី ២៧ ខែកក្កដា

ព័ត៌មានជាតិ៦ ម៉ោង មុន

ពស់ថ្លាន់​២៦​ក្បាល​ ត្រូវ​មន្ត្រី​ឧទ្យាន​នុរក្ស​សហការ​ជាមួយ​ក្រុម​អន្តរាគមន៍​ប្រលែង​ចូល​ព្រៃ​អភិរក្ស​ធម្មជាតិ​ក្នុង​ឃុំ​ផ្លូវ​ទូក

ព័ត៌មានជាតិ៦ ម៉ោង មុន

កម្ពុជារកឃើញ​អ្នក​ចាក់​វ៉ាក់សាំង​ការពារកូវីដ-១៩ លើក​ទី៧លាន ស្មើនឹង៧០ភាគរយ នៃប្រជាជន

Sokha Hotels

ព័ត៌មានពេញនិយម

Helistar Cambodia - Helicopter Charter Services