សុខភាព

វិធីសាស្ត្រ ១០ ចំណុចដើម្បីគ្រប់គ្រងក្លិនមាត់

បានផុស

៥ years មុន

នៅ

ថ្ងៃអាទិត្យ ២២ វិច្ឆិកា ២០២០

ដោយ

បញ្ហាធុំក្លិនមាត់ជារឿងមួយ ដែលបានជួបប្រទះជាប្រចាំ ក្នុងជីវភាពរស់នៅប្រចាំថ្ងៃ ហើយត្រូវបានចាត់ទុកមានសារៈសំខាន់ ក្នុងការប្រាស្រ័យទាក់ទង និងជាគុណតម្លៃនៃភាពស្អាតរបស់មនុស្ស។ ៨៥% នៃបញ្ហានេះ មានប្រភពមកពីក្នុងមាត់ និងមានកត្តាផ្សេងៗ ដោយមូលហេតុសុខភាពទូទៅ ផងដែរ។

ខាងក្រោមនេះ ជាវិធីសាស្ត្រ ១០ ចំណុច ដើម្បីគ្រប់គ្រងក្លិនមាត់៖

១) ព្យាបាលមូលហេតុពិតប្រាកដ (ការធ្វើរោគវិនិច្ឆ័យពីទន្តបណ្ឌិត)

២) ជៀសវាងម្ហូបចំណី ដែលមានក្លិនខ្លាំងដូចជា ខ្ទឹមស ខ្ទឹមបារាំង…….

៣) ជៀសវាងទម្លាប់ការជក់បារី និងការផឹកស្រា

៤) ញ៉ាំអាហារឲ្យទៀងពេល

៥) ដុសសម្អាតធ្មេញក្រោយបរិភោគរួច

៦) ប្រើខ្សែអំបោះធ្មេញ ទាក់យកចំណីអាហារជាប់ចន្លោះធ្មេញ

៧) ដុសសម្អាតធ្មេញ នឹងអណ្ដាតមុនពេលចូលគេង

៨) រក្សាសំណើមក្នុងមាត់ ញ៉ាំទឹកឲ្យបានគ្រប់គ្រាន់

៩) ប្រសិនបើមានធ្មេញដោះដាក់ សូមដោះចេញ នៅពេលយប់ និងត្រាំក្នុងទឹកខ្ពុលមាត់ Chlorhexidine

១០) ណាត់ជួបទន្តបណ្ឌិត ២ដងក្នុង១ឆ្នាំ ដើម្បីពិនិត្យ និងសម្អាតធ្មេញលោកអ្នក។

សូមណាត់ជួបជាមួយទន្តបណ្ឌិតឯកទេស នៃមន្ទីរពេទ្យកាល់ម៉ែត ដើម្បីពិនិត្យធ្វើរោគវិនិច្ឆ័យ និងការព្យាបាលតាមបច្ចេកទេសត្រឹមត្រូវ និងសូមកុំប្រើផលិតផលបំបាត់ក្លិនមាត់ ដោយខ្លួនឯង ដែលអាចបង្កហានិភ័យដល់សុខភាព៕

អត្ថបទ៖ រស្មី

សូមចុចអាន៖ អ្វីទៅជាជំងឺទាក់ទងនឹងវិបត្តិ នៃការហូរឈាម ឬឈាមកក (maladies de l’hémostase)!

Related Topics:សុខភាព