សុខភាព
ប្រុសៗចូលចិត្តស្លៀកខោរឹប នៅកន្លែងក្ដៅស្អុះស្អាប់ នាំឲ្យបាត់បង់មេជីវិតទទេៗ
មានហេតុផលជាច្រើនធ្វើឲ្យគូស្នេហ៍មួយចំនួនពិបាកមានកូន ហើយមូលហេតុធំបណ្ដាលមកពីភាគីបុរសច្រើនជាងស្ត្រី ក្នុងនោះក៏មកពីមេជីវិតឈ្មោលមិនប្រក្រតី ឬខូចគុណភាព។
បើតាមសាស្ត្រាចារ្យវេជ្ជបណ្ឌិត គាន់ អូន បើប្រុសៗចូលចិត្តនៅបរិយាកាសក្ដៅ ហប់ត្រង់បរិមាណពងស្វាសនោះ អាចធ្វើឲ្យងាប់មេជីវិត ឬមេជីវិតឈ្មោលគ្មានគុណភាពជាដើម។ លោកបានបន្ថែមថា បុរសមានសមត្ថភាពផលិតមេជីវិតឈ្មោលដែលមានសុខភាពល្អ គឺអាស្រ័យលើរបៀបរស់នៅប្រចាំថ្ងៃ និងរបបអាហារល្អ។
ប្រធានផ្នែករោគស្ត្រីនៃមន្ទីរពេទ្យកាល់ម៉ែត បន្តទៀតថា បុរសៗដែលចូលចិត្តស្លៀកខោរឹបតឹងខ្លាំងពេក បង្កឲ្យងាប់មេជីវិតឈ្មោលបាន។ លោកបានបកស្រាយថាស្លៀកខោតឹងៗ អាចបណ្ដាលឲ្យសីតុណ្ហភាពត្រង់បរិវេណពងស្វាសកើនកម្ដៅហប់ ស្អុះស្អាប់ រហូតដល់រលាកក៏មាន ដែលនោះមូលហេតុចម្បងក្នុងការបំផ្លាញមេជីវិតឈ្មោល។ ជាទូទៅពងស្វាសគួរតែស្ថិតក្នុងសីតុណ្ហភាពទាបជាងកម្ដៅរាងកាយមនុស្ស ទើបវាអាចផលិតមេជីវិតឈ្មោលបានទាំងបរិមាណ និងគុណភាព។
ប្រដាប់ភេទបុរស ត្រូវការខ្យល់ចេញចូលគ្រប់គ្រាន់ ដើម្បីផលិតមេជីវិតឈ្មោលមានគុណភាព តែបើស្លៀកសម្លៀកបំពាក់ដែលដាក់សម្ពាធខ្លាំងពេក វាបណ្ដាលឲ្យខ្សោយទៅវិញ។ មួយវិញទៀតការងូតទឹកក្ដៅ ក៏អាចជាមូលហេតុនាំឲ្យមេជីវិតឈ្មោលធ្លាក់ចុះយ៉ាងខ្លាំងផងដែរ ដូចនេះបុរសត្រៀមខ្លួនធ្វើជាប៉ាៗរបស់គេ គួរតែប្ដូរទម្លាប់ងូតទឹកក្ដៅ ត្រាំទឹកក្ដៅ ស្ទីម សូណា ឬឆ្ពុងខ្លួន ព្រោះការធ្វើបែបនោះទំនងជាមានចំនួនមេជីវិតឈ្មោលធ្លាក់ចុះ ឬបាត់បង់គុណភាព។
សាស្ត្រាចារ្យផ្នែកសម្ភពរោគស្ត្រីនៃសាកលវិទ្យាល័យវិទ្យាសាស្ត្រសុខាភិបាលភ្នំពេញ បានណែនាំបុរសដែលមានបញ្ហាខ្វះចំនួនមេជីវិតគួរតែកាត់បន្ថយសកម្មភាពស្ទីម និងសូណា ឬផ្អាកតែម្ដង។ មួយវិញទៀតសកម្មភាពជិះកង់ជាប្រចាំ ព្រោះការអង្គុយជាប់នឹងកែបកង់យូរពេក ក៏ជាការកម្ដៅពងស្វាសឲ្យក្ដៅជាប់ជានិច្ចដែរ ព្រោះកែបផលិតពីជ័រ បូករួមសម្លៀកបំពាក់ត្រូវស្លៀកនោះតឹងរឹប ហើយស្ថិតក្រោមអាកាសធាតុក្ដៅទៀត៕
អត្ថបទផ្ដល់សិទ្ធិដោយ៖ Hellokrupet
សូមចុចអាន៖ មករដូវចំថ្ងៃមានកម្មវិធី អាចផឹកស្រាបានអត់?
សូមចុចអាន៖ ប្រុសៗមានទម្លាប់អាក្រក់ ៨ យ៉ាងនេះ អាចធ្វើឲ្យអត់កូន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ