សុខភាព
ក្រសួងប្រកាស អ្នកចាក់ដូសជំរុញ លែងត្រូវរង់ចាំដល់ ៨ខែទៀតហើយ
ក្រសួងសុខាភិបាលកម្ពុជា សម្រេចបន្ថយរយៈពេលគម្លាតចាក់វ៉ាក់សាំងដូសជំរុញពី ៦-៨ខែ មកត្រឹម ៤-៦ខែវិញ ក្រោយអនុញ្ញាឱ្យអ្នកធ្លាប់ចាក់វ៉ាក់សាំង Sinovac ឬ Sinopharm ប្រើប្រភេទវ៉ាក់សាំងដដែលជាដូសជំរុញ។
លិខិតចុះផ្សាយព័ត៌មានរបស់ក្រសួងកាលពីថ្ងៃទី ២៥ ខែសីហា បានបញ្ជាក់ថា ចំពោះមន្ត្រីជួរមុខ និងបុគ្គលអាយុចាប់ពី ៦០ឆ្នាំឡើងទៅ ឬអ្នកមានប្រព័ន្ធភាពស៊ាំខ្សោយ អាចចាក់ដូសជំរុញបានក្រោយចាក់២ដូសដំបូងបាន ៤-៦ខែ។ យ៉ាងណាមិញ ករណីនេះមិនទាន់អនុញ្ញាតសម្រាប់ប្រជាជនទូទៅនោះទេ។
ដើមឡើយ ពេលទើបចាប់ផ្ដើមចាក់ដូសជំរុញដំបូង ក្រសួងសុខាភិបាល បានប្រកាសកាលវេលាគម្លាតពី ៦-៨ខែ បន្ទាប់ពីចាក់២លើករួចរាល់ ដែលនេះក៏ស្របគ្នាទៅនឹងការលើកឡើងរបស់ អង្គការសុខភាពពិភពលោក (WHO) ផងដែរ។
អង្គការសុខភាពពិភពលោក បានឱ្យដឹងថា វ៉ាក់សាំងបង្ការកូវីដ-១៩ តម្រូវឱ្យចាក់ជាបន្តបន្ទាប់ ពោលគឺក្នុងរយៈពេលចន្លោះពី ៦-៨ខែ ឬអាច ១ឆ្នាំ ដោយត្រូវចាក់ដូសទី៣ ឬទី៤ បន្ថែមទៀត។ ការចាក់វ៉ាក់សាំងបន្ថែមបែបនេះ ទើបអាចជួយបណ្តុះអង់ទីគ័រ ពង្រឹងប្រព័ន្ធស៊ាំឱ្យមានសមត្ថភាពប្រឆាំងវីរុសកាន់តែខ្លាំងទៅថ្ងៃអនាគត។
ជាមួយគ្នាដែរ សេចក្តីប្រកាសគោលនយោបាយចាក់វ៉ាក់សាំងកូវីដ-១៩ ដូសជំរុញរបស់សម្តេចតេជោ ហ៊ុន សែន កាលពីថ្ងៃទី ២៥ ខែសីហានេះ បានបញ្ជាក់ថា ការចាក់វ៉ាក់សាំងបង្ការកូវីដ-១៩ដូសជំរុញអាចបង្កើនកម្រិតអង់ទីគ័ររបស់ប្រព័ន្ធភាពស៊ាំក្នុងខ្លួនឱ្យកាន់តែខ្លាំងឡើង ដើម្បីប្រឆាំងនឹងកូវីដបំប្លែងខ្លួនប្រភេទដែលតា ( Delta) និងវីរុសបំប្លែងខ្លួនថ្មីផ្សេងៗទៀត។
ថ្វីត្បិតមានការបន្ថយគម្លាតខ្លីជាងមុនពិតមែន ប៉ុន្តែវ៉ាក់សាំងនៅតែមានប្រសិទ្ធភាពប្រឆាំងនឹងវីរុស ក៏ដូចជាបណ្ដុះអង់ទីគ័របានខ្លាំង។ យ៉ាងណាមិញ តាមប្រសាសន៏របស់លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានឲ្យដឹងថា អ្នកចាក់វ៉ាក់សាំងទើបបាន ២ខែ ហើយចង់ចាក់ដូសជំរុញ ពុំចាំបាច់ចាក់នោះទេ ព្រោះវាមិនមានប្រយោជន៍ឬប្រសិទ្ធភាពអ្វី ហើយវាខុសទៅនឹងគោលការណ៍ដែលបានកំណត់ទៀតផង៕
អត្ថបទ៖ សន្យា
ចុចអាន៖ អ្នកធ្លាប់ចាក់វ៉ាក់សាំងចិនទាំង២ប្រភេទ មិនចាំបាច់ចាក់ Astra Zeneca ជាដូសជំរុញក៏បានដែរ
ចុចអាន៖ វ៉ាក់សាំងដូសទី ៣ លើសខ្វះថ្ងៃមិនបញ្ហា តែបើដល់ថ្ងៃចាក់ប្រហែសរឿងអស់នេះ អាចមានផលវិបាកធ្ងន់ធ្ងរ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?