Connect with us

សុខភាព

ប្រភេទថ្នាំញ៉ាំ ឬលាបស្បែកមានសារធាតុម៉្យាង នេះអាចបង្កជាជំងឺ Cushing Syndrome

បានផុស

នៅ

ពេល​កើត​ត្រអក ឬ​ឡើង​កន្ទួល​លើ​ស្បែក ឬ​ពេល​ឈឺ​ជំងឺ​អ្វីមួយ យើង​ច្បាស់​ជា​ត្រូវ​ញ៉ាំថ្នាំ ថ្នាំលាប ដើម្បី​ព្យាបាល​ឲ្យ​វា​បាត់​ទៅ​វិញ ។ ប៉ុន្តែយើង​ត្រូវ​ដឹង​ថា នៅ​ក្នុង​ថ្នាំ​លាបឬញ៉ាំមួយចំនួន មាន​មាន​ផ្ទុក​សារធាតុ​ម៉្យាង ធ្វើ​ឲ្យ​យើង​ប្រឈម​នឹង​កើត​ជំងឺ Cushing Syndrome។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វី​ទៅ​ជា​ជំងឺ Cushing Syndrome?

Cushing Syndrome ឬ​អាច​ហៅ​ថា ជំងឺ​មុខ​មូល​ដូច​ព្រះ​ចន្ទ កើត​ឡើង​នៅ​ពេល​ដែល​រាងកាយ​យើង​មាន​អ័រម៉ូន cortisol ច្រើន​ពេក។ វា​អាច​បណ្ដាល​មក​ពី​ការ​ប្រើ​ថ្នាំ​មាន​ផ្ទុក​សារធាតុ corticosteroid ឬ​រាងកាយ​ផលិត​អ័រម៉ូន cortisol លើស​កម្រិត។

ការ​ញ៉ាំ​ថ្នាំ corticosteroid លើស​កម្រិត​ក្នុង​រយៈ​ពេល​យូរ ក៏​អាច​បង្ក​ជា​ជំងឺ Cushing Syndrome ដែរ។ ថ្នាំ​ប្រភេទ corticosteroid ចាំបាច់ ដើម្បី​ព្យាបាល​ជំងឺ​រលាក​ដូចជា ជំងឺ​រលាក​សន្លាក់​រ៉ាំរ៉ៃ ជំងឺ lupus និង​ជំងឺ​ហឺត។ ពពួក​ថ្នាំ​ប្រភេទ​នេះ ក៏​ត្រូវ​បាន​ប្រើ​ដើម្បី​ទប់ស្កាត់​រាងកាយ​ពី​ការ​បដិសេធ​សរីរាង្គ ក្រោយ​ការ​វះកាត់​ផ្លាស់​ប្ដូរ​សរីរាង្គ​រួច។ ក្រៅ​ពី​ការ​ញ៉ាំ​ថ្នាំ ជំងឺ Cushing Syndrome ក៏​អាច​កើត​ឡើង​បាន​ដោយ​សារ​ការ​ចាក់​ថ្នាំ corticosteroid ដែរ។ ឧទាហរណ៍ ការ​ចាក់​ម្ដង​ហើយ​ម្ដង​ទៀត សម្រាប់​ព្យាបាល​ជំងឺ​ឈឺ​សន្លាក់​ជាដើម។

ពពួក​ថ្នាំ steroid ដែល​ស្រូប​ចូល​ក្នុង​ខ្លួន​​អ្នក​ជំងឺ​ហឺត និង​ក្រែម​លាប​ស្បែក​មាន​សារធាតុ steroids ដែល​ប្រើ​ជា​ថ្នាំ​លាប​បំបាត់​បញ្ហា​លើ​ស្បែក ជា​ទូទៅ​មិន​សូវ​បង្ក​ឲ្យ​មាន​ជំងឺ Cushing Syndrome ដូច​ពពួក​ថ្នាំ​ញ៉ាំ​ទេ។ ប៉ុន្តែ ចំពោះ​បុគ្គល​មួយ​ចំនួន ថ្នាំ​ទាំង​នេះ​អាច​បណ្ដាល​ឲ្យ​មាន​ជំងឺ Cushing Syndrome ជា​ពិសេស​ប្រសិន​បើ​ប្រើ​វា​ក្នុង​កម្រិត​ខ្ពស់។

រោគ​សញ្ញា​នៃ​ជំងឺ Cushing Syndrome

រោគ​សញ្ញា​នៃ​ជំងឺ អាច​ប្រែ​ប្រួល​ទៅ​តាម​កម្រិត​លើស​នៃ​អ័រម៉ូន Cortisol ក្នុង​រាងកាយ​របស់​យើង ហើយ​រោគ​សញ្ញា​ទូទៅ​រួម​មាន៖

– ឡើង​ទម្ងន់ (ពិសេស​លើ​មុខ ខ្នង និង​លើ​ស្មា)
– ឡើង​សង្វារ​ពណ៌​ផ្កាឈូក ពណ៌​ស្វាយ​លើ​សុដន់ ក្រោម​ក្បាល​ពោះ ភ្លៅ និង​ដៃ
– ស្បែក​ឡើង​ស្ដើង ឆាប់​ជាំ ឆាប់​ក្រហម
– ត្រូវ​ការ​ពេល​ព្យាបាល​យូរ ពេល​មុត​ដៃ ឬ​រយះ​ស្បែក
– ឡើង​មុន។ល។

ផល​វិបាក​នៃ​ជំងឺ Cushing Syndrome

បើ​គ្មាន​ការ​ព្យាបាល​ទេ ផល​វិបាក​នៃ​ជំងឺ​នេះ​អាច​រួម​មាន៖

  • បាត់​បង់​កំហាប់​ឆ្អឹង (ជំងឺ​ពុកឆ្អឹង)
  • ជំងឺ​លើស​សម្ពាធ​ឈាម
  • ជំងឺ​ទឹកនោមផ្អែម​ប្រភេទ​ទី ២
  • ការ​ឆ្លង​មេរោគ​ញឹកញាប់ ឬ​មិន​ធម្មតា
  • បាត់បង់​ម៉ាស​សាច់ដុំ និង​កម្លាំង៕

អត្ថបទផ្ដល់ដោយ៖​Hello Krupet

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៩ ម៉ោង មុន

ឯកឧត្តម ឌី វិជ្ជា ជួយសម្រួលការព្យាបាល និងឧបត្ថម្ភ១ពាន់ដុល្លារដល់កីឡាករ ម៉ើល ចាន់រ៉ា របួស

ព័ត៌មានជាតិ៩ ម៉ោង មុន

លោក ទេសរដ្ឋមន្ត្រី លី ធុជ ៖ កម្ពុជា នឹង​ផ្តល់​ការ​គាំទ្រ​បច្ចេកទេស ចំណេះដឹង និង​ជំនាញ​ដល់​ប្រទេស​ម៉ុង​ហ្គោ​លី លើ​ការងារ​បោសសម្អាត​មីន និង​គាំទ្រ​ដល់​ម៉ុង​ហ្គោ​លី​អនុវត្ត​បទដ្ឋាន​របស់​អនុសញ្ញា​អូ​តា​វ៉ា

ព័ត៌មានជាតិ១០ ម៉ោង មុន

សិស្ស​ប៊ែ​ល​ធី​ថ្នាក់​ទី​១២ ជំនា​ន់ទី​១៨ ចំនួន ២,១១២​នាក់ ទទួល​សញ្ញាប័ត្រ​មធ្យមសិក្សា​ទុតិយភូមិ​ប៊ែ​ល​ធី

សន្តិសុខសង្គម១០ ម៉ោង មុន

ស្ត្រីម្នាក់​ទើប​ឆ្លង​ទន្លេ​បាន​កូនភ្លោះ​ ខ្ចីលុយ​គេ១ម៉ឺនទិញថ្នាំឱ្យកូនលេប ស្រាប់តែ​ត្រូវ​រថយន្ត​ដឹកដីបុកកិនស្លាប់

កីឡា១០ ម៉ោង មុន

គ្មានក្រុមណាអាចយកឈ្នះវិសាខាបានទេក្នុងតេជោលីគជុំទី១

Sokha Hotels

ព័ត៌មានពេញនិយម