Connect with us

សុខភាព

អត្ថប្រយោជន៍ ៤ ចំណុច គួរបង្កើតទម្លាប់ហាត់ប្រាណពេលព្រឹក

បានផុស

នៅ

ការចំណាយពេលវេលាហាត់ប្រាណពេលព្រឹក គឺជារឿងមួយសំខាន់ណាស់ដែលមិនគួររំលងបាន ព្រោះថាអាចផ្ដល់អត្ថប្រយោជន៍ដល់ទៅ ៤យ៉ាងក្នុងពេលតែមួយ មិនថា តែសុខភាព ទម្លាប់ល្អ ពេលវេលា និង ស្មារតីរស់នៅប្រចាំថ្ងៃ។ អត្ថប្រយោជន៍ទាំង ៤មានដូចខាងក្រោម៖

១.​គ្មានការរំខាន

ការហាត់ប្រាណពេលព្រឹកព្រលឹម អាចន្លោះពីម៉ោង ៤ ទៅ ៦ព្រឹក មិនថារយៈពេលតិចឬច្រើននឹងមិនធ្វើឲ្យយើងមានការំខានខ្លាំងដូចជាពេលរសៀល ឬយប់នោះទេ។ ការធ្វើលំហាត់ប្រាណក្នុងអំឡុងពេលនោះ ទោះបីអ្នកចូលចិត្ដហាត់ប្រាណនៅទី​សាធារណៈ សួនច្បារមាត់ទន្លេ ក៏មិនសូវមានមនុស្សច្រើន មមាញឹក និងរំខាននោះឡើយ។ យើងអាចហាត់ប្រាណ ដោយការជិះកង់ ការដើរ ការត់ ឬសកម្មភាពរាងកាយផ្សេងទៀត ដោយរីករាយជាមួយ​ថ្ងៃថ្មី អាកាសធាតុក៏មិនក្ដៅនោះដែរ។ ម្យ៉ាងវិញទៀត ការជ្រើសរើសពេលវេលាហាត់ប្រាណពេលព្រឹក គឺអាចធ្វើឲ្យយើងឆ្លៀតពេលបានល្អ ដោយមិនប៉ះពាល់ដល់កិច្ចការងារផ្សេងៗនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២.សុខភាពរាងកាយ

ការហាត់ប្រាណពេលព្រឹកជាក់ស្ដែងណាស់ថា មានអត្ថប្រយោជន៍ខ្លាំងណាស់ទៅ​ដល់សុខភាពរាងកាយ។ រាងកាយក្រោយពេលសម្រាក៦ទៅ ៨ម៉ោងនឹងចាប់ផ្ដើមដំណើការ ​ព្រមគ្នា សរសៃរឈាមចាប់ផ្ដើមធ្វើការឋិតថេរសព្វរាងកាយ ក្នុងចំណុចនេះក៏ជំនួយទៅដល់ដំណើរការមេតាប៉ូលីស ក្នុងរាងកាយ។ បើយោងតាមការលើកឡើងរបស់វេជ្ជបណ្ឌិត Avigdor Arad នៅមន្ទីពេទ្យ Mount Sinai Hospital សហរដ្ឋអាមេរិកបានឲ្យដឹង​ថា បើគិតទៅលើការធ្វើមេតាប៉ូលីស កន្លងមកធ្លាប់មានការលើកឡើងថា ញ៉ាំទឹកពេលព្រឹក១កែវអាចជួយដល់ដំណើរការមេតាប៉ូលីស នោះគឺមិនទាន់គ្រប់គ្រាន់ទេ តែបើបានហាត់ប្រាណទៀតទើបកាន់តែប្រសើរ។ មេតាប៉ូលីសគឺជាដំណើរការបំបែក ពពួកប្រូតេអ៊ីន ខ្លាញ់ ស្ករ កាបូននីដ្រាត ដើម្បីបង្កើតថាមពលចិញ្ចឹមរាងកាយ។ ដូច្នេះដំណើរការមេតាប៉ូលីសល្អ នោះសុខភាពក៏កាន់តែល្អផងដែរ។

៣.ពង្រឹងសា្មរតី

ការហាត់ប្រាណពេលព្រឹកនឹងធ្វើឲ្យអារម្មណ៍យើងស្រស់សា្រយ លើសពីការំពឹងទុក ពីព្រោះថាការបែកញើសពេលព្រឹកព្រលឹមនឹងជួយបង្កើនទៅអ័រម៉ូន endorphins serotonin និង dopamine។ អ័រម៉ូនទាំងបីប្រភេទនេះមានតួនាទីសំខាន់ណាស់សម្រាប់ខួរក្បាល និង​ប្រព័ន្ធប្រសាទមិនអាចខ្វះបាន។ ការហាត់ប្រាណពេលព្រឹកជាមួយអារម្មណ៍​ស្រស់​ស្រាយ បរិយាកាស ត្រជាក់ ពិតជាផ្ដល់អត្ថប្រយោជន៍ដល់ស្មារតី។ មិនត្រឹមតែប៉ុណ្ណោះក៏អាចជួយឲ្យយើងបង្កើតទម្លាប់ល្អក្រោកពីព្រឹកផងដែរ។

៤. សុខភាពដំណេក

ក្នុងចំណុចនេះស្ដាប់ទៅហាក់ដូចជាប្លែកបន្ដិចដែលហាត់ប្រាណពេលព្រឹកបែជាជួយដល់ការគេងពេលយប់ទៅវិញ។ ប្រាកដណាស់ថា ការហាត់ប្រាណពេលព្រឹកពិតជាអាចរួមចំណែកសម្រួលដល់សុខភាពដំណេកពេលយប់បាន ព្រោះ​ថាការហាត់ប្រាណពេលព្រឹក ចន្លោះម៉ោង ៤ទៅ ៦ព្រឹក គឺជាពេលវេលាវដ្ដនៃដំណើរការគេងរបស់យើង ដែលបាន​បែងចែកជាពីរ ពេលយប់នឹងពេលថ្ងៃ។ ពេលយប់ យើងចាប់រាប់ពេលវេលាត្រូវគេងពីម៉ោង ៩ឬម៉ោង១០ ហើយភ្ញាក់វិញចន្លោះ​​ពីម៉ោង​​៤ទៅ៥ព្រឹក ស្មើនឹង ៧ទៅ ៨ម៉ោង។ ការហាត់ប្រាណពេលព្រឹកដែលជំនួយដល់ការគេងគឺប្រភេទ​ហាត់ប្រាណបែប aerobic កម្រិតមធ្យម គឺជាការហាត់ប្រាណដែលធ្វើការពត់ដងខ្លួន កាយវិការច្រើន សម្រួល​​ដល់សរសៃឈាម និងសាច់ដុំបានល្អ ជាពិសេសផ្នែកសរសៃឈាមខួរក្បាល។ ការជ្រើសរើសវិធីសាស្ដ្រហាត់ប្រាណពេលព្រឹកជាប្រចាំយ៉ាងហោចឲ្យបាន ៣០នាទី ទៅ ១ម៉ោងក៏ជាវិធីសាស្ដ្រដែលវេជ្ជបណ្ឌិតផ្នែកសុខភាពដំណេកណែនាំដល់អ្នកជំងឺ។

មធ្យោបាយបង្កើតទម្លាប់ហាត់ប្រាណពេលព្រឹក

ក្រោកពីព្រឹកហាត់ប្រាណចន្លោះពីម៉ោង ៤ទៅ ៥ ហាក់មានការលំបាកបន្ដិចប្រសិនជាអ្នកមានទម្លាប់ចូលគេង​យប់ជ្រៅ ឬ អ្នកមានទម្លាប់គេងច្រើន។ តែយ៉ាងណាក៏ដោយ យើងអាចសាកល្បងធ្វើមួយសប្ដាហ៍ដំបូងតាមវិធីខាងក្រោមនេះ៖

-បង្កើតទម្លាប់ចូលគេងឲ្យបានមុនម៉ោង ១១ ភ្ញាក់ពីគេងនៅម៉ោង៥

-រៀបចំសំភារៈឲ្យរួចជាស្រេចពីល្ងាច ងាយស្រួលពេលភ្ញាក់ យើងអាចចាប់ផ្ដើមតែម្ដង

-ញ៉ាំទឹកឲ្យបានមួយកែវមុនចាប់ផ្ដើមការហាត់ប្រាណ

-ធ្វើកម្មភាពហាត់ប្រាណបែប aerobic យ៉ាងហោចឲ្យបាន ៣០នាទី អាចធ្វើបានក្នុងបន្ទប់គេង ឬបន្ទប់ទទួលភ្ញៀវ ឬទីធ្លាស្រឡះ បរិវេណមុខផ្ទះ

-ផ្ចង់ស្មារតីប្រឆាំងនឹងអារម្មណ៍ការងុយគេង ចំណុចនេះយើងអាចស្ដាប់ចម្រៀង ក៏បាន

-អនុវត្ដឲ្យបានយ៉ាងហោច ពី ៥ថ្ងៃ ទៅ ១សប្ដាហ៍ នោះនឹងមានអារម្មណ៍ថា ការកំណត់ពេលវេលាភ្ញាក់ពីគេងនឹងមានភាពទៀងទាត់។ ការធ្វើបែបនេះបានសម្រេច នោះយើងក៏អាចចាប់ផ្ដើមការហាត់ប្រាណបែប​ផ្សេង ទៀត ដូចជាការជិះកង់ ការដើរ ការរត់ទៅតាមចំណូលចិត្ដរបស់យើងបាន៕

អត្ថបទផ្ដល់ដោយ៖Hello Krupet

ចុចអាន៖មិនសូវមានពេលហាត់ប្រាណ តែចង់បញ្ចេញញើស កុំរំលងវិធីនេះ

ចុចអាន៖ហាត់ប្រាណមួយថ្ងៃ ១ ម៉ោង ជួយកាត់បន្ថយហានិភ័យជំងឺបេះដូង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

អ៊ីស្រាអែល ថា នឹងមិនដកទ័ពចេញពីហ្កាហ្សាឡើយ ដរាបណាខ្លួនមិនទាន់ទទួលជ័យជម្នះ

ព័ត៌មានអន្ដរជាតិ៧ ម៉ោង មុន

ក្រុម​ប្រដាប់អាវុធ​ក្នុង​រដ្ឋកា​រ៉ែ​ន​បាន​បាញ់​ទម្លាក់​ឧទ្ធម្ភាគចក្រ​យោធា​មី​យ៉ាន់​ម៉ា​ ​បណ្តាលឱ្យ​ស្លាប់​ឧត្តម​សេនីយ៍​ត្រី​ម្នាក់ និង​មន្ត្រី​យោធា​៤​នាក់

ព័ត៌មានអន្ដរជាតិ៨ ម៉ោង មុន

អ៊ីតាលី រកឃើញថា កម្មវិធី ChatGPT កំពុងបំពានច្បាប់ការពារទិន្នន័យ

ព័ត៌មានជាតិ១០ ម៉ោង មុន

កម្ពុជា- WFP ចុះកិច្ចព្រមព្រៀងកម្មវិធីស្បៀងអាហារពិភពលោកប្រចាំកម្ពុជា ទំហំទឹកប្រាក់៦៣លានដុល្លារ

ព័ត៌មានជាតិ១០ ម៉ោង មុន

សម្ដេច ពិន​ សែម ស្នើឱ្យគ្រប់ភាគីប្រើបណ្ដាញសង្គមជាប្រយោជន៍សាសនា និងសង្គមជាតិ

Sokha Hotels

ព័ត៌មានពេញនិយម