សុខភាព
អ្នកវិទ្យាសាស្រ្តព្រមាន! មេរោគផ្តាសាយបក្សី អាចបំប្លែងខ្លួន ហើយឆ្លងមកមនុស្ស
មន្ត្រីសុខាភិបាលមកពីទ្វីបអឺរ៉ុប និងសហរដ្ឋអាមេរិក កំពុងអំពាវនាវឲ្យមានចំណាត់ការជាអន្តរជាតិ ដើម្បីដោះស្រាយការរីករាលដាលនៃជំងឺគ្រុនផ្តាសាយបក្សី ខណៈមានការភ័យខ្លាចកាន់តែខ្លាំងឡើងថា វីរុសនេះអាចបំប្លែងខ្លួន និងឆ្លងមកមនុស្ស។
ថនិកសត្វមួយចំនួន ត្រូវបានគេរកឃើញថាកំពុងផ្ទុកមេរោគឆ្លងនេះរួចទៅហើយ ចំពេលមានការផ្ទុះឡើងនៃជំងឺផ្តាសាយបក្សីទ្រង់ទ្រាយធំបំផុតមិនធ្លាប់មានពីមុនមក។
មេរោគ H5N1 បានសម្លាប់សត្វស្លាបប្រហែល ២០៨លានក្បាលរួចទៅហើយនៅជុំវិញពិភពលោក ប៉ុន្តែតួលេខចុងក្រោយបង្ហាញថា មានថនិកសត្វយ៉ាងតិច២០០ក្បាលក៏ឆ្លងជំងឺនេះដែរ។
នៅចក្រភពអង់គ្លេស ទីភ្នាក់ងារសុខភាពសត្វ និងរុក្ខជាតិ (APHA) បានរកឃើញសត្វកណ្ដុរ និងកញ្ជ្រោងចំនួន៩ក្បាល ដែលធ្វើតេស្តវិជ្ជមានចំពោះវីរុសឆ្លងខ្លាំង H5N1។ នៅសហរដ្ឋអាមេរិក មេរោគនេះត្រូវបានគេរកឃើញនៅក្នុងសត្វកំប្រុក ខ្លាឃ្មុំ រ៉ាក់ខូន និងកញ្ជ្រោងក្រហម។
ចណែកនៅប្រទេសបារាំង មេរោគនេះបានឆ្លងដល់សត្វឆ្មា ហើយក៏បានបង្កឲ្យមានការផ្ទុះឡើងនៅកសិដ្ឋានសត្វសំពោចរបស់ប្រទេសអេស្ប៉ាញផងដែរ។ លើសពីនេះ ជំងឺគ្រុនផ្តាសាយបក្សី ក៏ត្រូវបានគេរកឃើញនៅក្នុងសត្វផ្សោតដែរ។
ក្រុមអ្នកស្រាវជ្រាវជឿថា សត្វទាំងនេះបានឆ្លងវីរុស ដោយសារការស៊ីសត្វបក្សីដែលងាប់ឬឈឺជំងឺនេះ។ អ្នកវិទ្យាសាស្រ្តកត់សម្គាល់ថា មេរោគដែលរកឃើញនៅក្នុងសត្វទាំងនេះ បង្ហាញសញ្ញានៃការបំប្លែង ដែលអនុញ្ញាតឲ្យវាឆ្លងទៅថនិកសត្វកាន់តែងាយស្រួល។
ទោះបីជាយ៉ាងណាក៏ដោយ ក្រុមអ្នកវិទ្យាសាស្ត្រនិយាយថា ពួកគេមិនទាន់រកឃើញព័ស្តុតាងណាមួយដែលបង្ហាញថា មេរោគនេះមានសមត្ថភាពចម្លងពីថនិកសត្វទៅថនិកសត្វនោះទេ។
ឥឡូវ មន្ត្រីសុខាភិបាលសាធារណៈបានចេញការព្រមានថា មេរោគនេះអាចបន្តបំប្លែងខ្លួន និងបង្កើនសមត្ថភាព ហើយថែមទាំងអាចចម្លងមកមនុស្សទៀតផង។ យ៉ាងណាក្តី ពួកគេបានកត់សម្គាល់ថា ហានិភ័យចំពោះសាធារណជនគឺទាបណាស់។
យោងតាមអង្គការសុខភាពពិភពលោក (WHO), មានករណីឆ្លងវីរុសផ្តាសាយបក្សី H5N1 មកមនុស្សប្រហែល ៨៣០ ករណីក្នុងរយៈពេល២០ឆ្នាំកន្លងមកនេះ ដោយក្នុងនោះ ៤៥៧ករណីបានស្លាប់៕
ប្រែសម្រួល៖ Vann Vann
ប្រភព៖ RT
ចុចអាន៖ ជប៉ុន សម្លាប់សត្វមាន់ ៤៥ម៉ឺនក្បាល ដោយសារផ្ទុះជំងឺផ្តាសាយបក្សីថ្មី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)