KPT+

សញ្ញាបង្ហាញថាបុរសដែលមានប្រពន្ធហើយចាប់ចិត្តស្រលាញ់យើង

បានផុស

៣ ខែ មុន

នៅ

ថ្ងៃសៅរ៍ ១ ឧសភា ២០២១

ដោយ

បុរសដែលនៅលីវហើយមកចែចង់យើង គឺជារឿងទូទៅ។ ចុះបើបុរសដែលមានប្រពន្ធរួចហើយ តែបែរជាមកប្រាប់ថាមិនទាន់មានអ្នកណា ឬរៀបរាប់លំអិតពីស្ថានភាពជីវិតថាគ្មានសុភមង្គល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចង់ដឹងកាន់តែច្បាស់ថាបុរសនោះមានប្រពន្ធរួចហើយ ហើយនៅតែមករកយើងទៀត នេះជាសញ្ញាមួយចំនួនដែលយើងគួរស្វែងយល់ ហើយជៀសឆ្ងាយពីបុរសប្រភេទនេះដាច់ខាត ៖

១. សរសើរអ្នកមិនដាច់ពីមាត់

នៅពេលបុរសដែលរៀបការរួច ហើយពោលពាក្យសរសើរនារីណាម្នាក់ដែលនៅលីវ ដូចជាគុណសម្បត្តិ រូបរាង ការស្លៀកពាក់ ជីវិត អាជីពការងារជាដើម នោះគាត់ប្រាកដជាចាប់អារម្មណ៍នឹងយើង ហើយចង់ឲ្យយើងដឹងពីបំណងមួយនោះ។ ការសរសើរអាចមើលទៅដូចជាគ្មានបង្កគ្រោះថ្នាក់ ប៉ុន្តែក្រោយមក បុរសនោះនឹងចាប់ផ្ដើមលេចនៅសញ្ញាមួយដែលគេចង់ទាក់ទងយើងមិនខាន។

ទាំងនេះគឺជាសញ្ញាលាក់បាំងដែលថាបុរសដែលរៀបការរួចហើយ កំពុងលង់ស្រឡាញ់យើង ហើយរូបភាពទាំងនោះកើតឡើងនៅក្រោមការក្លែងបន្លំពាក្យថា “ ស្អាត” ។

២. ចូលចិត្តនិយាយជាមួយអ្នកជាងគេ

ចាប់ផ្ដើមកត់សម្គាល់ថានៅពេលគាត់និយាយជាមួយយើង គាត់នឹងរីករាយសើចស្ញាញ ហើយសំឡេងនៃការនិយាយស្ដីគឺផ្អែមត្រជាក់រាយមន្តស្នេហ៍។ មនុស្សប្រុសប្រភេទនេះតែងតែព្យាយាមផ្ដួចផ្ដើមការសន្ទនាមុន ហើយយកចិត្តទុកដាក់នៅពេលយើងនៅក្បែរ។

៣. តែងផ្ដល់ដំបូន្មានមិនល្អបើមានអ្នកណាស្រលាញ់យើង

ប្រសិនបើយើងកំពុងតែមាននរណាចាប់ចិត្តស្រលាញ់ ហើយយើងយករឿងនោះទៅប្រាប់បុរសដែលលួចស្រលាញ់យើង នោះគាត់នឹងផ្ដល់យោបល់អវិជ្ជមានអំពីមនុស្សម្នាក់នោះ ព្រោះគាត់អាចច្រណែន ខឹង ដែលយើងមិនស្រលាញ់គាត់។

ស្ថានភាពទំនាក់ទំនងរបស់យើងនិងបុរសផ្សេង គឺជាការព្រួយបារម្ភរបស់គាត់ ហើយគាត់នឹងរកពេលវេលាណាត្រឹមត្រូវ ដើម្បីបង្ហាញសេចក្ដីស្រឡាញ់របស់គាត់ចំពោះយើងមិនខាន។

៤. ចែករំលែកព័ត៌មានលំអិតពីជីវិតអាពាហ៍ពិពាហ៍របស់គាត់

បុរសដែលរៀបការហើយលួចចូលចិត្តយើង ច្បាស់ណាស់ថាគាត់នឹងនិយាយលំអិតអំពីជីវិតរៀបការរបស់គាត់ជាមួយយើងឬមិននិយាយតែម្ដង។ មនុស្សប្រុសប្រភេទនេះបង្ហាញថាខ្លួនឯងមិនសប្បាយចិត្តក្នុងជីវិតអាពាហ៍ពិពាហ៍ ហើយចង់ឲ្យយើងបានដឹងថា គាត់ត្រូវការតែយើងប៉ុណ្ណោះ។

៥. តែងមានពេលទំនេរដើម្បីជួយយើងគ្រប់ពេល

បុរសប្រភេទនេះនឹងលេចចេញជារូបរាងនៅពេលយើងកំពុងប្រឈមមុខនឹងបញ្ហាណាមួយ។ គាត់ធ្វើជាចង់ជួយយើង ហើយរួសរាយរាក់ទាក់និងចង់ក្បែរជាខ្លាំង។ នោះមានន័យថាគាត់យកចិត្តទុកដាក់យ៉ាងខ្លាំងចំពោះយើង ជាងអ្នកណាទាំងអស់។

បើបានដឹងពីសញ្ញាទាំងនោះហើយ យើងគួរជៀសឆ្ងាយពីបុរសប្រភេទនេះកាន់តែលឿនកាន់តែល្អ។ កុំចង់ធ្វើជាជនទី៣របស់អ្នកណា នាំឲ្យមានបញ្ហានិងរឿងអាស្រូវខ្មាសគេតែប៉ុណ្តោះ៕

ប្រែសម្រួល៖ សាង ស្រីល័ក្ខ

ប្រភព៖bonobology

ចុចអាន៖រឿងតូចៗដែលមនុស្សប្រុសតែងកត់សម្គាល់មនុស្សស្រីគេជួបដំបូង

ចុចអាន៖កុំរើសយកអាជីពដែលបំផ្លាញជីវិតអាពាហ៍ពិពាហ៍ដោយមិនដឹងខ្លួន