KPT+

លក្ខណៈសម្គាល់បុរសពូកែអៀន ពេលចែចង់មនុស្សស្រី

បានផុស

៣ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

មិនមែនគ្រប់បុរសទាំងអស់ សុទ្ធតែក្លាហានហ៊ានចែចង់ទៅនារីដែលគេស្រលាញ់ឡើយ។ សម្រាប់បុរសដែលពូកែខ្មាសអៀន គឺមិនអាចទៅរួចទេ ប៉ុន្តែបុរសអៀនខ្មាស ក៏ត្រូវបានទាក់ទាញមនុស្សស្រីតាមរយៈភាសារាងកាយរបស់គេដែរ ៖

១. ប្រើក្រសែភ្នែកបង្ហាញភាពទាក់ទាញ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសពូកែអៀន បើសិនពេញចិត្តលើនារីណាម្នាក់ គេមិនបង្ហាញត្រង់ៗឡើយ។ តែគេនឹងលួចសម្លឹងមើលនាងជាពិសេស ហើយញឹកញាប់ជាងគេបង្អស់។

២. តម្រង់ស្នាមញញឹមទៅរកនារីនោះ

មុនពេលបុរសណាម្នាក់បង្ហាញអារម្មណ៍របស់គេទៅនាង គេនឹងបង្ហាញទឹកមុខប្រាប់ពីអារម្មណ៍របស់គេមុនមិនខាន។ គេអាចញញឹមឥតឈប់ឈរទៅកាន់នាង (ដោយគ្មានហេតុផលអ្វីទាំងអស់) ។

៣. ធ្វើជាប៉ះរាងកាយនារីដែលគេពេញចិត្ត

បុរសអៀនខ្មាសមិនពូកែវោហារដូចបុរសពូកែញ៉ែមួយចំនួនឡើយ។ តែគេអាចប្រើវិធីសាស្ត្រមួយចំនួន គឺធ្វើជាព្យាយាមប៉ះនាងដោយចៃដន្យ។ មិនថាការប៉ះដោយដៃ ឬប៉ះរាងកាយអ្វីក៏ដោយ វាគ្រាន់តែជាវិធីរបស់គេ ក្នុងការព្យាយាមចូលជិតនាងប៉ុណ្ណោះ។

៤. រកលេសជជែកដើម្បីបានសន្ទនា

នៅពេលនិយាយជាមួយនាង គេចាប់ផ្ដើមរអាក់រអួល ឬមានអារម្មណ៍ភ័យរន្ធត់ នៅពេលណាដែលគាត់នៅក្បែរមនុស្សដែលគាត់ចាប់អារម្មណ៍។ ដូចគ្នានេះផងដែរ បុរសនោះនឹងចាប់ផ្ដើមលើកសរសើរពីសំលៀកបំពាក់ សក់ និងគ្រឿងសម្អាងរបស់នាង ក្នុងអំឡុងពេលសន្ទនា។

៥. តែងតែត្រៀមខ្លួនដើម្បីជួយគ្រប់កិច្ចការ

ភាគច្រើនគេធ្វើដូចនេះ គឺដើម្បីបានចំណាយពេលច្រើនជាមួយនារីម្នាក់នោះ ក្រោមលេសចង់ជួយនាង។ ដោយសារតែគេខ្មាសអៀន គេមិនអាចសុំឲ្យនាងណាត់ជួបដោយផ្ទាល់បានទេ ដូច្នេះគេនឹងស្នើសុំជួយនាងក្នុងការងារផ្សេងៗវិញ៕

ប្រែសម្រួល៖ សាង ស្រីល័ក្ខ

ចុចអាន៖សញ្ញាបញ្ជាក់ថា Crush ចាត់ ទុកយើងត្រឹមជាមិត្តភក្ដិ

ចុចអាន៖ចង់ដឹងទេ ! ហេតុអ្វីបុរសវ័យក្មេងអាចឆក់យកបេះដូងមនុស្សស្រីអាយុបងបាន?