ជីវិតកម្សាន្ដ
បង្ហាញមុខតារាសម្ដែងកូរ៉េ ៨ រូបមានទ្រព្យសម្បត្តិច្រើនជាងគេ និងស៊ីថ្លៃខ្ពស់បំផុត
ហ្វេនៗតាមដានរឿងកូរ៉េ ច្បាស់ជាស្គាល់តារាប្រុសប៉ុន្មានដួងនេះមិនខាន។ ពួកគេមិនត្រឹមតែល្បីឈ្មោះ និងរូបសង្ហារប៉ុណ្ណោះទេ ថែមទាំងជាសេដ្ឋីប្រចាំឧស្សាហកម្មភាពយន្តទៀតផង។
តើនរណាខ្លះជាអ្នកមានជាងគេក្នុងវិស័យសិល្បៈកូរ៉េខាងត្បូង? តោះ! មកស្គាល់ជាមួយ កម្ពុជាថ្មី ផ្លឹស!
១. Kim Soo Hyun
ឆ្នាំ ២០២១ នេះ Kim So Hyun មានទ្រព្យសម្បត្តិសុទ្ធ ១១៧ លានដុល្លារអាមេរិកនៅក្នុងដៃ និងបានក្លាយជាតារាសម្ដែងកូរ៉េដែលមានជាងគេបំផុតក្នុងវិស័យភាពយន្ត។ ភាពយន្តល្បីៗរបស់ Kim So Hyun គឺរឿង “សង្សារខ្ញុំជាមនុស្សភពផ្កាយ” និងរឿង “It’s Okay to be not Ok” ។ លោកជាតារាប្រុសជួរមុខក្នុងប្រទេសដែលស៊ីថ្លៃជាងគេក្នុងទឹកប្រាក់ប្រមាណ ៨៤,០០០ ដុល្លារអាមេរិកក្នុងការសម្ដែងរឿងមួយភាគ។
២. So-Ji-Sub
ជាតារាសម្តែងផង និងតារាម៉ូដែលផង So-Ji-Sub បច្ចុប្បន្នមានប្រាក់សុទ្ធ ៤១ លានដុល្លារអាមេរិក។ លោកមានឈ្មោះបោះសំឡេងខ្លាំងក្រោយចូលរួមសម្ដែងរឿងភាគ ហើយរឿងល្បីៗរបស់លោករួមមាន “I am sorry I Love You” “ Cain and Abel” និង “ Oh My Venus” ។ ក្រៅពីអាជីពសិល្បៈ So-Ji-Sub ត្រូវបានគេស្គាល់ថា ជាតារាសម្តែងម្នាក់ក្នុងចំណោមតារាមានបំផុតនៅក្នុងប្រទេស ហើយក្នុងមួយភាគលោករកចំណូលបាន ៦៧,១០០ ដុល្លារអាមេរិក ។
៣. Lee-Jong-Suk
Lee-Jong-Suk ចាប់ផ្តើមអាជីពជាតារាបង្ហាញម៉ូដតាំងពីអាយុ ១៧ ឆ្នាំ ហើយបានក្លាយជាម៉ូដែលមានប្រជាប្រិយនៅក្នុងវិស័យបង្ហាញម៉ូត។ ទោះយ៉ាងណា លោកក៏ជាតារាសម្ដែងលេចធ្លោខ្លាំងនៅក្នុងរឿង “Hot Young Bloods” កាលពីឆ្នាំ ២០១៤។ ចាប់តាំងពីពេលនោះមក លោកចូលរួមសម្តែងក្នុងរឿងភាគជាច្រើនទៀតដែលទទួលបានជោគជ័យដូចជា “Doctor Stranger” និង “Hot Young Bloods” ។ ក្នុងឆ្នាំនេះ Lee-Jong-Suk ជាតារាសម្តែងមានជាងគេលំដាប់ទី៣ ដែលកាន់កាប់ប្រាក់សុទ្ធ ៣២ លានដុល្លារអាមេរិក ចំណែកតម្លៃខ្លួន ៥០,៣០០ ដុល្លារអាមេរិកក្នុងមួយភាគ។
៤. Lee Min-ho
លោកជាតារាមួយរូបដែលមានប្រជាប្រិយភាពបំផុតនៅក្នុងឧស្សាហកម្មភាពយន្តកូរ៉េ ក៏ជាតារាប្រុសដែលមានទ្រព្យសម្បត្តិច្រើននៅក្នុងដៃប្រមាណ ២៦ លានដុល្លារអាមេរិក។ ។ ត្បិតថា Lee Min-ho មិនមែនជាតារាប្រុសឈរលំដាប់ទី១នៅក្នុងប្រទេស តែតួឯករឿង “ស្នេហា៤ដួង” រូបនេះ មានគេទទួលស្គាល់ច្រើនជាងគេនៅទូទាំងពិភពលោកក្នុងចំណោមតារាប្រុសកូរ៉េដទៃ។
ប្រាក់ចំណូលក្នុងមួយភាគលោករកបាន ៦២,០០០ ដុល្លារអាមេរិក។
៥. Song Joong Ki
Song Joong Ki ជាតារាសម្តែងឆ្នើមម្នាក់របស់កូរ៉េម្នាក់ ដែលរឿងដំបូងធ្វើឱ្យលោកមានប្រជាប្រិយភាពបំផុតគឺរឿង “Sungkyunkwan Scandal” ក្នុងឆ្នាំ ២០១០។ បន្ទាប់ពីសម្តែងក្នុងរឿង “Descendants of The Sun” លោក Song Joong Ki កាន់តែមានហ្វេនគាំទ្រពីគ្រប់ទិសទី។ រហូតមកទល់ពេលនេះ គេបានដឹងថា លោកមានតម្លៃខ្លួ ៥០,៣០០ ដុល្លារអាមេរិកក្នុងមួយភាគ និងជាម្ចាស់ប្រាក់សុទ្ធចំនួន ២៤ លានដុល្លារអាមេរិក។
៦. Hyun Bin
Hyun Bin ចាប់ផ្តើមអាជីពសម្ដែងដំបូងក្នុងរឿង “I am Kim Sam Soon” ។ ចាប់ពីពេលនោះមក លោកបង្ហាញខ្លួននៅក្នុងភាពយន្តល្បីៗជាច្រើនដូចជារឿង “Secret Garden” និង “Crush Landing On You” ។ គិតមកទល់ពេលនេះទ្រព្យសម្បត្តិសុទ្ធរបស់លោកមានប្រហែល ២១ លានដុល្លារអាមេរិក និងរកចំណូលបានក្នុងមួយភាគចំនួន ៨៣,៩០០ ដុល្លារអាមេរិក។
៧. Park Seo-Joon
គិតត្រឹមឆ្នាំ ២០២១ Park Seo-Joon មានទ្រព្យសម្បត្តិសុទ្ធ ២១ លានដុល្លារអាមេរិក និងស៊ីថ្លៃក្នុងមួយភាគ ២៥,០០០ ដុល្លារអាមេរិក។ លោកជាតារាប្រុសជាប់ឈ្មោះផ្ទួនៗលើកំពូលតារាងសិល្បករមានប្រជាប្រិយភាពនៅក្នុងប៉ុន្មានឆ្នាំចុងក្រោយ។ តារាសម្តែងរូបនេះ កាន់តែលេចធ្លោក្រោយដើរតួក្នុងរឿង “Fight For My Way” ហើយបច្ចុប្បន្នលោកមិនត្រឹមតែជាតារាប្រុសជួរមុខរបស់កូរ៉េប៉ុណ្ណោះទេ តែលោកក៏មានឱកាសចូលរួមសម្ដែងជាមួយភាពយន្តហូលីវូដផងដែរ។
៨. Lee Seung Gi
Lee Seung Gi ជាតារាសម្ដែង អ្នកចម្រៀង និងជាពិធីករល្បីឈ្មោះប្រចាំប្រទេស។ លោកលេចមុខក្នុងភាពយន្តខ្នាតធំ និងរឿងភាគមួយចំនួន។ “Wu Kong” ជារឿងភាគដែលតារាប្រុសរូបនេះទទួលបានជោគជ័យខ្លាំង។ បច្ចុប្បន្នតារារូបសង្ហាររកចំណូលបានក្នុងការសម្ដែងរឿងមួយភាគចំនួន ៥៩,០០០ ដុល្លារអាមេរិក និងមានទ្រព្យសម្បត្តិសុទ្ធ ១៦ លានដុល្លារអាមេរិក៕
ប្រែសម្រួល៖ សន្យា
ប្រភព៖ Ceoworld Magazine
ចុចអាន៖ ការពិតទាំង ៩ របស់ក្រុមចម្រៀង BLACKPINK ដែលហ្វេនៗមិនទាន់បានដឹង
ចុចអាន៖ នៅពីក្រោយភាពល្បីល្បាញ Lee Min-ho ជាតារាសម្តែងម្នាក់ដែលតបស្នងទៅសង្គមវិញយ៉ាងផុសផុល
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង