KPT+

កត្តា ៤យ៉ាង ជះឥទ្ធិពលខ្លាំងក្លាដល់ជីវិតលើគ្រែ

បានផុស

៣ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

ពិតណាស់ មានកត្តាជាច្រើនដែលអាចប៉ះពាល់ដល់សុខភាពផ្លូវភេទរបស់យើង តួយ៉ាងដូចជាការថប់បារម្ភ ឬការប្រើប្រាស់ថ្នាំ។ ដូច្នេះហើយ ដើម្បីឲ្យជីវិតដៃគូទទួលបានភាពសុខស្រួល និងអារម្មណ៍ជិតស្និទ្ធ គ្នាយើងគប្បីយកចិត្តទុកដាក់ចំពោះកត្តាផ្សេងៗដែលរារាំងដល់ប្រតិបត្តិការលើគ្រែ ក៏ដូចជាស្វែងរកដំណោះស្រាយប្រកបដោយប្រសិទ្ធភាព។

១. អារម្មណ៍

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង អារម្មណ៍មានទំនាក់ទំនងយ៉ាងជិតស្និទ្ធជាមួយនឹងចំណង់ផ្លូវភេទ ភាពស្រើបស្រាល លិង្គឡើងរឹង និងការឈានដល់ចំណុចកំពូល ពីព្រោះតំបន់ខួរក្បាលផ្នែកសំខាន់ៗ និងបំពង់សរសៃប្រសាទ មានការពាក់ព័ន្ធនឹងអ្វីដែលយើងគិត ក៏ដូចជាមានអារម្មណ៍។ នេះជាមូលហេតុដែលអារម្មណ៍ជះឥទ្ធិពលដល់ចំណង់ផ្លូវភេទ ហើយជាទូទៅ ស្រ្តេស ការអស់កម្លាំង និងការបាក់ទឹកចិត្តអាចនាំឲ្យយើងបាត់បង់ចំណង់ផ្លូវភេទ បញ្ហាលិង្គមិនឡើងរឹង ឬពិបាកឈានដល់ចំណុចកំពូល។

ដំណោះស្រាយ

ការបាត់បង់អារម្មណ៍ផ្លូវភេទ គឺជាសញ្ញាទូទៅនៃស្រ្តេស ឬការបាក់ទឹកចិត្តសម្រាប់បុរស។ ដូច្នេះហើយ យើងគប្បីគេងឲ្យបានគ្រប់គ្រាន់ ធ្វើសមាធិ និងយកចិត្តទុកដាក់ចំពោះបញ្ហាសុខភាពរបស់យើងឲ្យបានច្រើន។ នៅក្នុងករណីដែលបញ្ហានេះមិនធូរស្រាល គ្នាយើងគប្បីទៅពិគ្រោះយោបល់ជាមួយនឹងគ្រូពេទ្យ ។

២. ញៀននឹងរឿងក្ដៅសាច់

1,340 Couple Watching Movie In Bed Stock Photos, Pictures & Royalty-Free Images - iStock

ជាទូទៅ ប្រុសៗភាគច្រើនចូលចិត្តមើលរឿងក្ដៅសាច់ជាញឹកញាប់។ យ៉ាងណាមិញ ភាពមិនអាចគ្រប់គ្រងលើខ្លួនឯងក្នុងការជៀសវាងមើលរឿងប្រភេទនេះ ជាការរំខានដល់ជីវិតរបស់យើង ឬធ្វើឲ្យយើងមានអារម្មណ៍ធុញថប់ ទាំងនេះអាចជាសញ្ញាដែលយើងញៀននឹងរឿងក្ដៅសាច់។

ដំណោះស្រាយ

ប្រសិនបើយើងចំណាយពេលច្រើនម៉ោងមើលរឿងក្ដៅសាច់ យើងគប្បីកំណត់ពេលវេលា និងចំនួនម៉ោងឲ្យបានសមល្មម ទើបជាការប្រសើរ។

៣. ការប្រើប្រាស់ថ្នាំ

Erotic 'In The Room' To Get Singapore Release - Variety

ការលេបថ្នាំដើម្បីជួយឲ្យសុខភាពផ្លូវចិត្តមានភាពប្រសើរឡើង គឺជារឿងធម្មតាប៉ុណ្ណោះ។ ប៉ុន្តែ វាក៏មានផលប៉ះពាល់ដូចទៅនឹងថ្នាំសម្រាប់ព្យាបាលជំងឺផ្លូវកាយ។ ថ្នាំទាំងនេះមានពាក់ព័ន្ធដល់ជីវិតផ្លូវភេទ។ ដូច្នេះហើយ គ្នាយើងគប្បីសង្កេតថាតើវាមានប៉ះពាល់លើចំណង់ផ្លូវភេទ បញ្ហាលិង្គមិនឡើងរឹង ឬការពិបាកឈានដល់ចំណុចកំពូល នៅអំឡុងពេលប្រើប្រាស់ដែរឬយ៉ាងណា។

ដំណោះស្រាយ

ការសង្កេតឃើញការប្រែប្រួលបណ្ដោះអាសន្នមួយចំនួនចំពោះចំណង់ផ្លូវភេទ ការឡើងរឹង ឬការឈានដល់ចំណុចកំពូលគឺជារឿងធម្មតា នៅពេលដែលយើងប្រើប្រាស់ថ្នាំព្យាបាលថប់បារម្ភ និងបាក់ទឹកចិត្ត ប៉ុន្តែនៅពេលដែលបញ្ហានេះកាន់តែធ្ងន់ធ្ងរឡើង យើងគប្បីពិគ្រោះយោបល់ជាមួយនឹងគ្រូពេទ្យ។ ទន្ទឹមនឹងនេះដែរ ការបន្ថយកម្រិតថ្នាំក៏មានភាពចាំបាច់ដូចគ្នា។

៤. សម្ពាធនៅពេលប្រតិបត្តិការ

Crossing feet of couple in bed. Sex concept. Stock Photo | Adobe Stock

មិនត្រឹមតែការថប់បារម្ភ និងស្រ្តេសប៉ុណ្ណោះទេ ដែលធ្វើឲ្យលិង្គមិនឡើងរឹង សូម្បីតែតិចនិកនៅពេលប្រតិបត្តិការ ព្រមទាំងកត្តារូបរាងក៏ជិះឥទ្ធិពលដល់សុខភាពផ្លូវភេទបុរសដែរ។

ដំណោះស្រាយ

ប្រសិនបើយើងមានការព្រួយបារម្ភពីតិចនិកប្រតិបត្តិការ ឬរូបរាងខាងក្រៅដែលអាចបណ្ដាលឲ្យយើងមានការថប់បារម្ភ គ្នាយើងគួរតែមានភាពស្មោះត្រង់ក្នុងការនិយាយទៅកាន់ដៃគូដើម្បីស្វែងរកដំណោះស្រាយ។ លើសពីនេះ យើងគប្បីទម្លាក់សម្ពាធពីខ្លួន និងផ្ដោតលើប្រតិបត្តិការលើគ្រែតែមួយមុខ៕

អត្ថបទផ្ដល់សិទ្ធិ៖ Hello គ្រូពេទ

ចុចអាន៖ ចំណុចមួយចំនួនគួរដឹងសម្រាប់អ្នករួមភេទលើកដំបូង

ចុចអាន៖ វេជ្ជបណ្ឌិតទូន្មានហាមរួមភេទ៣ថ្ងៃ ក្រោយចាក់វ៉ាក់សាំងបង្ការកូវីដ-១៩