KPT+

រៀនសួរ កុំខ្លាចគេថាល្ងង់ តែក៏កុំសួរឲ្យតែបានសួរ!

បានផុស

៥ years មុន

នៅ

ថ្ងៃព្រហស្បតិ៍ ២៦ សីហា ២០២១

ដោយ

ការគោរពនិងស្តាប់អ្នកដែលនៅជុំវិញខ្លួន ជាទម្លាប់ល្អ ព្រោះពូកែស្តាប់ជាចរិតពិតនៃអ្នកដឹកនាំ។ តែក៏រើសស្តាប់តែអ្នកដែលជោគជ័យជាងខ្លួន ព្រោះនេះជាការបិទខ្លួនឯងទៅវិញទេ។ ចូរព្យាយាម រកមនុស្សដែលស្មោះត្រង់ និងពិតជាមានចិត្តចែករំលែក ដែលពួកគេទាំងនោះនឹងប្រាប់ពីវិធីមិនឲ្យយើងបរាជ័យឬលំបាកដូចពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាអ្វីៗទាំងអស់ដែលចង់សម្រេចបាននៅក្នុងជីវិត រួមមានឋានៈ លុយកាក់ គូជីវិត ការរក្សាឥរិយាបថឲ្យសុភាពរាបសាររមទម្យ ជាគោលការណ៍ស៊ីជម្រៅនិងខ្ពង់ខ្ពស់មួយ តែការរៀនស្ដាប់និងរៀនសួរជាគន្លឹះសំខាន់ណាស់។

យើងអាចសួរ កុំខ្លាចគេថាល្ងង់ តែក៏កុំសួរឲ្យតែបានសួរ អ្នកខ្លះសួរមិនមើលឲ្យគ្រប់សួរអ្វីដែលគេប្រាប់ប្រាប់រួចហើយ ធ្វើឲ្យខាតពេលវេលាទាំងអស់គ្នា។

មនុស្សដទៃចូលចិត្តមើលមកយើងតាមរបៀបយើងប្រាប់ពួកគេ។

យើងអាចធ្វើអ្វីក៏បាន ដើម្បីបានប្រាក់មកចំអែត ព្រោះនោះជាសិទ្ធិសម្រេចចិត្តរបស់យើងផ្ទាល់ ប៉ុន្តែវិជ្ជាជីវៈវិញ គឺសម្រាប់បង្ហាញពីសមត្ថភាពនៃមនុស្សម្នាក់ៗ មិនមែនសម្រាប់ដូរបាយទេ ។

អ្នកខ្លះមានបានខ្លាំងសំញែងខោអាវឡានផ្ទះ តេមិនដឹងមានវិជ្ជាជីវៈអី មិនដឹងធ្វើអ្វីបានខ្លះក្រៅពីចាយលុយ។

ពេលរកលុយចម្អែតត្រូវទុកមួយផ្នែក ទៅរៀនកសាងវិជ្ជាជីវៈ ព្រោះនោះជាគុណតម្លៃនៃជីវិតមនុស្សយើង។ ហើយប្រសិនយើងគ្មានលុយទេ ការរៀនពីជីវិតអាចបានហ្វ្រីដោយគ្រាន់តែ ពូកែស៊ូ ពូកែរៀនមើល រៀនស្តាប់ កុំរៀនមើលបំណាំ កុំរៀនស្តាប់ពាក្យនិយាយដើម ត្រូវរៀនសួរសំណួរចំបញ្ហាដែលយើងមិនដឹង កុំខាតពេលជាមួយការបង្កើតសំណួរដៀមដាមគ្នា បុគ្គលបែបនេះខាតពេលពេញមួយជីវិតតែម្តង។

ហេតុអ្វីខ្ញុំគួររៀនសួរឲ្យបានច្រើន?

ព្រោះដើម្បីបានរៀនអ្វីថ្មីៗ ជំរុញគំនិតឬបំផុសគំនិតឬប្រហែលជាឈានដល់អាចជួយផ្លាស់ប្តូរជីវិតរបស់យើងតាមរបៀបថ្មីណាមួយ អាចធំឬតូច ។ សំណួរ នាំទៅរកការសន្ទនា ហើយការសន្ទនានាំឲ្យមានទំនាក់ទំនង។
គ្រប់ទំនាក់ទំនង តាមរយៈអ្វីក្តី តែងចាប់ផ្ដើមដោយសំណួរ។

អ្នកជំនាញច្នៃប្រឌិត និងគ្រូភាពជាអ្នកដឹកនាំ លោក Paul Sloane លោកក៏អ្នកនិពន្ធសៀវភៅចំនួន ១៧ ក្បាលរួមទាំង The Innovative Leader លោកជឿជាក់ថា ការសួរសំណួរ គឺជាទម្លាប់សំខាន់ល្អបំផុត សម្រាប់អ្នកគិតច្នៃប្រឌិត។ គាត់មានប្រសាសន៍ថា ៖«បុគ្គលអស្ចារ្យមិនដែលឈប់សួរសំណួរទេ! ពីព្រោះពួកគេដឹងថា នេះជាវិធីល្អបំផុតដើម្បីទទួលបានការយល់ដឹងស៊ីជម្រៅនិងថ្មីៗ! កុំសួរ Trolls កុំសួរផ្គើន កុំសួរបង្កជម្លោះ សួរឲ្យចំណេញព្រោះសំណួរមិនពិតជាសំណួរគ្មានន័យទេ វាក្លាយជាអាកប្បកិរិយានិងផ្នត់គំនិតដែលគេចៀសយើង។ »៕

អត្ថបទ៖ លីណា

ចុចអាន៖វិធីសាស្ត្រជួយឲ្យមានទំនុកចិត្តខ្ពស់ ទោះរងសម្ពាធការងារខ្លាំង

ចុចអាន៖ជឿអត់! អ្នកនិយមតាមដានរឿងរ៉ាវជីវិតគេជាងជីវិតខ្លួន គឺមានជំងឺផ្លូវចិត្តធ្ងន់ធ្ងរ