KPT+
ស្អែកចាប់ផ្ដើមរៀនហើយ សិស្សត្រូវត្រៀមចំណុចនេះ ចៀសវាងខាងសាលាមិនអនុញ្ញាតឲ្យចូល
ក្រោយការប្រកាសរបស់ក្រសួងអប់រំយុវជននិងកីឡា បានណែនាំដល់គ្រឹះស្ថានសិក្សាសាធារណៈ និងឯកជននីមួយ ត្រូវតែអនុវត្តឲ្យបានខ្ជាប់ខ្ជួន ប្រសិនបើចង់បើកសាលារៀនឡើងវិញ ។
ដោយឡែក មានរាជធានីខេត្តចំនួន បានចាប់ផ្ដើមបើកនិងត្រៀមជាបន្តបន្ទាប់ ដូចជា ខេត្តព្រះសីហនុបានបើកនៅថ្ងៃទី ១៣ កញ្ញា រាជធានីភ្នំពេញ ខេត្ត កណ្ដាល និងពោធិ៍សាត់ ប្រកាសបើកដំណើរការនៅថ្ងៃទី ១៥ កញ្ញា ខណៈខេត្ត កំពង់ចាម បើកនៅថ្ងៃទី ២០ កញ្ញា។
ខាងក្រោមជាចំណុចធំៗ សិស្សត្រូវចងចាំនិងដឹងឮ ចៀសវាងនាំពិបាកខាងសាលាមិនឲ្យចូលរៀន ដោយសារមិនគោរព តាមការណែនាំក្នុងសម័យរាតត្បាតនេះ។
១ របស់ដែលសិស្សគ្រប់គ្នានឹកឃើញមុនគេ គឺកាតវ៉ាក់សាំងដែលតំណាងឲ្យការចាក់វ៉ាក់សាំងគ្រប់ដូស។ប្រសិនបើកូនសិស្សណាម្នាក់ភ្លេចយកកាតមកបង្ហាញ សាលានឹងមិនអនុញ្ញាតឲ្យចូលរៀនទេ។
២ ត្រៀមម៉ាស អាកុល ឬជែល ដាក់ក្នុងកាតាបតាមខ្លួនជាប់ជានិច្ច (សម័យ Delta ផង កុំប្រហែស កុំមើលស្រាលឲ្យសោះ)។
៣ កូនសិស្សបានត្រៀមដើម្បីទប់ទល់កូវីដ និងវីរុសបំប្លែងខ្លួន តែសិស្សក៏កុំភ្លេចត្រៀមអាវភ្លៀង ស្បែកជើងផ្ទាត់ និងថ្នាំសង្កូវតាមកាតាប (រដូវនេះជារដូវវស្សា បើត្រូវទឹកភ្លៀងនាំឈឺធ្ងន់)។
៤ ពេលទៅដល់សាលាត្រូវរក្សាចិត្តនឹងន ត្រៀមខ្លួនតេស្តរហ័សឲ្យបានល្អបំផុត (សាលាខ្លះមានលទ្ធភាពតេស្តលើសិស្ស)។ កុំភិតភ័យ កុំបារម្ភ ព្រោះការតេស្តអាចថាឆួលច្រមុះបន្តិច ប៉ុន្តែបើមិនចង់ឆួល ខណៈពេលតេស្ត សូមអត់ដង្ហើម (ស្រូបដង្ហើមចូលសួត)។ ចុចអាន៖ វិធីថែទាំសុខភាពឲ្យរឹងមាំ មុនតេស្តរហ័សរកកូវីដ ដោយមិនមានការឈឺចាប់ឬភ័យខ្លាច
៥ សិស្សទាំងអស់ត្រូវមានទឹកស្អាតសម្រាប់ទទួលទាន យ៉ាងតិច ៥០០ មីលីលីត្រជាប់ខ្លួន ក្នុងមួយវេនសិក្សា ដោយយកពីផ្ទះ ឬពីប្រភពផ្សេងទៀត (ហាមទិញផ្ដេសផ្ដាស)។
៦ សិស្សមិនត្រូវចែកម្ហូបអាហារគ្នា អង្គុយជិតគ្នាពេលបរិភោគ ដើម្បីរក្សាកម្លាតសុវត្ថិភាព ផ្អាកការលក់ចំណីអាហារនៅខាងក្នុងនិងខាងក្រៅដែលនៅជាប់គ្រឹះស្ថានសិក្សា រហូតមានការណែនាំជាថ្មី។
ចំណុចចុងក្រោយ កូនសិស្សគ្រប់គ្នាត្រូវចាំកុំភ្លេច ប្រសិនបើដឹងខ្លួនថាមិនស្រួលខ្លួន ដូចជា ផ្ដាសាយ ក្អក ឈឺក ឬឈឺក្បាល សូមប្រញាប់ទៅធ្វើតេស្តឬទៅមន្ទីពេទ្យ ហើយដាក់ច្បាប់សម្រាកនៅផ្ទះសិន។ ធ្វើដូចនេះ យើងអាចការពារខ្លួនឯង និងមិត្តរួមថ្នាក់ជាមួយគ្នាផងដែរ៕
អត្ថបទ៖ សាង ស្រីល័ក្ខ
ចុចអាន៖សិស្សត្រូវត្រៀមចំណុចធំៗនេះឲ្យមែនទែន ពេលចូលរៀនវិញ ខណៈ Delta នៅតែរាតត្បាតទូទាំងប្រទេស
ចុចអាន៖ក្មេងៗដល់ថ្ងៃចូលរៀនវិញហើយ ហាមទិញរបស់អស់នេះហូបផ្ដេសផ្ដាស ប្រយ័ត្នពិបាកខ្លួនក្នុងសម័យ Delta
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)