KPT+
ហេតុអ្វីបានជាស្នេហាដំបូងច្រើនតែមិនអាចឈានដល់ជីវិតអាពាហ៍ពិពាហ៍?
ជឿថា មានមនុស្សមិនតិចនាក់ទេដែលធ្លាប់ខកចិត្តខ្លាំងលើស្នេហាដំបូងរបស់ខ្លួន។ ស្នេហាដំបូង ជាស្នេហាដែលយើងដាក់ការសង្ឃឹមខ្ពស់ ទាំងក្តីស្រឡាញ់ ការយកចិត្តទុកដាក់ និងការតាំងចិត្ត។ ការពិតការបរាជ័យលើស្នេហាមួយនេះមិនមែនជាកំហុសរបស់អ្នកណាម្នាក់ឲ្យពិតប្រាកដនោះទេ ប៉ុន្តែវាអាចមានហេតុផលផ្សេងទៀត។
ស្នេហាដំបូងភាគច្រើនកើតឡើងក្នុងវ័យក្រោម ២០ឆ្នាំ។ ក្នុងវ័យនេះ ជាវ័យដែលចង់សាកនូវអ្វីដែលថ្មីៗ ដូច្នេះការមានស្នេហាដំបូង អាចគ្រាន់តែជាការចង់ទទួលបានអារម្មណ៍ស្នេហារបៀបណាមួយប៉ុណ្ណោះ។ ម្យ៉ាងវិញទៀត វ័យនេះក៏ជាវ័យដែលមិត្តភក្ដិជុំវិញខ្លួនសុទ្ធតែមានសង្សារ ហេតុនេះក៏ចង់មានដែរ។ នៅពេលដែលអាយុនៅតិចពេក ពួកគេមិនទាន់មានការតាំងចិត្តឲ្យអ្វីពិតប្រាកដនោះទេ ព្រោះការស្រឡាញ់អាចទទួលឥទ្ធិពលច្រើនពីបរិបទជុំវិញខ្លួន។ ដោយសារតែខ្វះភាពច្បាស់លាស់បែបហ្នឹងហើយ ទើបស្នេហាទីមួយកម្រជោគជ័យ។
ស្នេហាលើកដំបូងតែងបរាជ័យ ក៏ដោយសារម្នាក់ៗចូលចិត្តគិតច្រើនតែម្នាក់ឯង។ តាមពិតពេលខ្លះដៃគូម្ខាងស្រឡាញ់គេខ្លាំងណាស់ ហើយក៏ចង់ច្បាស់លាស់ជាមួយគេ ប៉ុន្តែបែរជាចូលចិត្តពិចារណាពីចំណុច “មិនអាច” ច្រើនជាង “អាច”។ ពួកគេចូលចិត្តគិតស្មុគស្មាញវែងអន្លាយពីភាពមិនអាចទៅរួចរវាងគេទាំងពីរ ស្របពេលដែលអនាគតនៅឆ្ងាយសែនឆ្ងាយ។ និយាយឲ្យចំទៅ គិតច្រើនជ្រុលដូចចៅចាក់ស្មុគ ទើបធ្វើឲ្យទំនាក់ទំនងបច្ចុប្បន្នទៅជាបែកបាក់ទាំងកណ្ដាលទី។
ការមិនព្រមបើកចិត្តយល់ពីគ្នាទៅវិញទៅមក ក៏ជាមូលហេតុនៃស្នេហាទីមួយបរាជ័យដែរ។ កុំថាឡើយត្រឹមតែជាសង្សារ សូម្បីប្តីប្រពន្ធ បើមិនព្រមយល់ពីគ្នា មិនយូរមិនឆាប់គង់តែបែកបាក់គ្នាទេ។ ជាការពិតគ្រាន់តែស្រឡាញ់គ្នាស្មោះ មិនទាន់គ្រប់គ្រាន់នោះទេ បើគូស្នេហ៍មិនព្រមយល់ពីគ្នាទៅវិញទៅមក។ ការយល់ពីគ្នាសំដៅលើការយល់ពីអារម្មណ៍គ្នា ដឹងថាដៃគូចង់បានអ្វី ចូលចិត្តអ្វី ឬមិនយល់តែអារម្មណ៍ខ្លួនឯងឡើយ។ ទោះជាស្នេហានោះចាប់ផ្តើមដោយភាពផ្អែមល្ហែមយ៉ាងណាក៏ដោយ វានឹងលែងមានន័យអ្វីទាំងអស់នៅពេលដែលគូស្នេហ៍ចាប់ផ្តើមលែងចេះយល់ពីគ្នា។
បញ្ហាចម្បងមួយទៀត កាតព្វកិច្ចជាកូនល្អ ក៏ជាមូលហេតុសំខាន់មួយដែរ។ ពេលដែលនៅក្មេង អ្វីដែលឪពុកកម្តាយរំពឹងខ្លាំងជាងគេ គឺការសិក្សា ដូច្នេះហើយដើម្បីធ្វើឲ្យអ្នកមានគុណសប្បាយចិត្ត កូនៗមានតែខិតខំរៀនសូត្រ។ ណាមួយនៅវ័យក្មេងមិនទាន់ឯករាជ្យទាំងផ្នែកហិរញ្ញវត្ថុ និងចិត្តគំនិតនៅឡើយ។ យ៉ាងណាមិញ ចាស់ៗតែងតែយល់ថា ឲ្យតែមានស្នេហាគឺរៀនមិនចូលទេ ដូច្នេះហើយទើបពេលពួកគាត់ដឹងថាកូនៗមានសង្សារគឺមិនបានទេ។ ដោយសារខ្លាចរៀនមិនបានលទ្ធផលល្អផង និងចង់ធ្វើឱ្យប៉ាម៉ាក់មិនពេញចិត្តផង ទោះស្រឡាញ់យ៉ាងណាក៏ត្រូវលះបង់ស្នេហានោះចោល។
ប្រសិនបើយើងជួបរឿងបរាជ័យក្នុងស្នេហាលើកដំបូង វាមិនមែនជារឿងចម្លែកនោះទេ ឈប់ឃុំខ្លួននឹងការឈឺចាប់ពីអតីតកាលទៀតទៅ ទោះបីការចាប់ផ្តើមអាចនឹងមិនល្អ ប៉ុន្តែវាជាបទពិសោធន៍ដ៏ល្អមួយសម្រាប់ជីវិតគូទៅថ្ងៃក្រោយ៕
ប្រែសម្រួល៖ សន្យា
ចុចអាន៖ អ្វីខ្លះទៅដែលអាចទាក់ទាញនាំឲ្យស្នេហាកើតមានឡើងបែបផ្លេកបន្ទោរ?
ចុចអាន៖ សង្កេតឃើញសញ្ញា ៤ នេះបញ្ជាក់ថា អ្នកកំពុងមានស្នេហាងប់ងល់ខុសរបៀប
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ