KPT+
ហេតុអ្វីគេអាចដោះស្រាយបញ្ហា ក្នុងជីវិតបានរលូនជាងខ្ញុំ?
ក្នុងជីវិតរស់នៅ ទោះតិចឬច្រើនក្ដី គ្រប់គ្នាចៀសមិនរួចពីបញ្ហាឡើយ។ មិនថា យើងជាសិស្ស ជាអ្នកធ្វើការ ជាគូស្នេហាឬគ្រួសារក៏ដោយ ឧបសគ្គជីវិតតែងតែកើតឡើងហូហែរ។
អ្នកខ្លះមានបញ្ហាខំសង្វាតរកដំណោះស្រាយ ឯអ្នកខ្លះបែរជាព្យាយាមគេចវេសដោយសារមិនដឹងដោះស្រាយបែបណា។ យ៉ាងណាក្ដី ការរត់គេចពីបញ្ហាមិនមែនជាមធ្យោបាយល្អឡើយ ព្រោះប្រឹងគេចប៉ុណ្ណា វាកាន់តែរីកធំប៉ុណ្ណោះ។ ហេតុនេះ យើងគួររៀនដោះស្រាយតាមវិធីប៉ុន្មានេះ ដើម្បីកុំសុញគំនិតពេក!
មិនផ្ដេកផ្ដួលលើបញ្ហា
រាល់ពេលបញ្ហាកើតឡើង យើងមិនគួផ្តោតទៅលើតែវាមួយមុខទេ ប៉ុន្តែត្រូវស្វែងរកដំណោះស្រាយវិញ។ បើព្យាយាមសម្លឹងមើលតែទៅលើបញ្ហា យើងខ្លួនឯងមុខតែគិតអវិជ្ជមានច្រើនឡើងៗ។ ជាជាងសួរចោទសួរថា ហេតុអ្វីកើតរឿងនេះឡើង ឬ ហេតុអ្វីខ្ញុំជាអ្នកទទួល? យើងគួរព្យាយាមស្វែងប្រភពនៃបញ្ហាឲ្យឃើញជាមុនសិន។ នៅពេលរកឃើញឬសគល់នៃបញ្ហា យើងច្បាស់ជាអាចរកឃើញដំណោះស្រាយបានចំគោលដៅជាមិនខាន។
មិនធ្វើរឿងឲ្យស្មុគស្មាញ
ជាទូទៅ ឲ្យតែមានបញ្ហាផុសឡើង យើងចូលចិត្តធ្វើវាឲ្យកាន់តែតានតឹងជាលំដាប់។ បើចេះតែបែបនេះ យើងគួរធ្វើវាឲ្យងាយៗ សាមញ្ញៗ ស្រួលយល់សិន។ បញ្ហានឹងវិវត្តកាន់តែស្មុគស្មាញ បើយើងចេះតែបន្ថែមភាពតានតឹងឲ្យវា ព្រមទាំងដាក់សម្ពាធលើខ្លួនឯងឲ្យកាន់តែគ្មានច្រកចេញ។
ផ្លាស់ប្ដូរវិធីសាស្ត្រ
កំហុសមួយនៅពេលចាប់ផ្ដើមដោះស្រាយបញ្ហា មកពីយើងចេះតែមើលមួយជ្រុងនៃរឿង។ មនុស្សច្រើននាក់ រមែងព្យាយាមសាកវិធីសាស្ត្រដដែលៗ បើទោះបីវាមិនដើរទៅមុខ ក៏នៅតែសាកម្តងហើយម្តងទៀត ទាំងដែលគ្មានលទ្ធផលសោះ។ ដំណោះស្រាយមិនមែនមានតែមួយ វាអាចមានផ្លូវចេញច្រើន ហេតុនេះគួរសាកផ្លាស់ប្ដូរការគិតបែបផ្សេងម្ដងមើល៍!
កត់ត្រាដំណោះស្រាយ
ជួនកាល កំពុងធ្វើដំណើរតាមដងផ្លូវ ឬពេលកំពុងញ៉ាំបាយ ស្រាប់តែផុសគំនិតការដោះស្រាយបញ្ហា។ ដូច្នេះកុំឲ្យគំនិតនោះ ក្លាយអាសាបង់ គួរទាញសៀវភៅ ទាញប៊ិកមកកត់ទុក ដើម្បីកុំឲ្យភ្លេច។ មិនថា គិតឃើញដំណោះស្រាយនោះយ៉ាងណាក្ដី ទោះបីមិនសូវទំនង បែបប្លែកៗ ឬកំប្លែងក៏ដោយ សរសេរវាទុកទាំងអស់មក! វាអាចមានប្រយោជន៍ ក្នុងកាលៈទេសៈណាមួយមិនខាន៕
ប្រែសម្រួល ៖ សន្យា
ប្រភព ៖ Success
ចុចអាន៖ចង់ឲ្យកូនៗជោគជ័យក្នុងជីវិត គួរធ្វើសកម្មភាពទាំងនេះជាមួយពួកគេ
ចុចអាន៖កុំធ្វើប្រងើយ! មកដឹងការយល់ច្រឡំ និងការពិតនានា ទាក់ទងនឹងការសម្លាប់ខ្លួន
-
ព័ត៌មានជាតិ២២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល