ទោះ​បីឥណ្ឌាខ្លាំង តែក៏មិនអាចក្លាយជាស្តេចសេដ្ឋកិច្ចពិភពលោក ព្រោះហេតុផលទំាងនេះ

ទោះបីជាខ្លួនមានគន្លងសេដ្ឋកិច្ចដែលស្ទុះ​ខ្លាំង និងមាន​សេដ្ឋីជាច្រើន ក៏ប្រទេសឥណ្ឌាចាំបាច់ត្រូវជំនះឧបសគ្គមួយចំនួនទៀត មុនពេលដែលសង្ឃឹម​អាចយកឈ្នះសហរដ្ឋអាមេរិកនិងចិនក្នុងការ​ឡើងអង្គុយ​កៅអី ជាស្តេចលើសេដ្ឋកិច្ចពិភពលោក។

យោងតាម​ Economist Magazine បញ្ហាប្រឈមចម្បងនៅឥណ្ឌា គឺកំណើននៃភាព​មិនមាន​ការងារ។ កម្លាំងពលកម្មវ័យដ៏ធំរបស់ឥណ្ឌាគឺជាឧបសគ្គនៃការផ្តល់ការងារបានគ្រប់និងមានប្រាក់ខែសមរម្យ និងអាចទ្រទ្រង់ជីវភាព។

នៅឆ្នាំ ២០១៨ អត្រាគ្មានការងារធ្វើនៅក្នុងប្រទេសឥណ្ឌា បានឈានដល់កម្រិតខ្ពស់មិនធ្លាប់មាន​ រវាង​ពេល ៤៥ ឆ្នាំកន្លងមក ដោយសារតែ​ចំនួនការងារ មិនបានកើនឡើងដូច​ជា​អត្រាសេដ្ឋកិច្ចប្រទេស​។

នេះមានន័យថា វិនិយោគិនឥណ្ឌា មិនបាន​ធ្វើ​កិច្ចខិតខំក្នុងការជួលកម្មករ ព្រោះ​គេ​សប្បាយចិត្ត​លើស្វ័យប្រវត្តិកម្មជាង ឬ​អាច​ថា គេបានបង្កើត ការងារក្រៅផ្លូវការ ដែលងាយស្រួលក្នុងការ​ចៀសវាងពី​ បញ្ហា​ពន្ធ​ឬកាតព្វកិច្ច​នានាបន្ថែម​ពីលើកម្រៃទៀត។

ប្រជាជន​ឥណ្ឌា ក៏មាន​អ្នកលក់ដូរ​នៅ​តាមចិញ្ចើមថ្នល់ អ្នកបើកឡាន និងអ្នកបម្រើ​តាមផ្ទះ ដែល​មិនទទួលបានអត្ថប្រយោជន៍ច្រើន ឬការយកចិត្ត​ទុកដាការពារ​ផ្នែក​សង្គមកិច្ច​ សុខមាលភាពក្នុងជីវិត​។ល។ ទោះបីជា​ពួកគេបានចូលរួម​ចំណែកបង្កើតប្រហែលពាក់កណ្តាលនៃផលិតផលក្នុងស្រុកសរុបក៏ដោយ។

វណ្ណៈកណ្តាលនិងក្រីក្រ ភាគច្រើន​លើសលុបធ្វើការ​ពឹងផ្អែកលើសាច់ប្រាក់ ហើយលក្ខណៈក្រៅផ្លូវការទៀត ធ្វើឱ្យសមត្ថភាពរបស់ពួកគេក្នុងការរីកចម្រើនគ្មាន​ភាពច្បាស់លាស់នៅឡើយ។

ប្រសិនបើឥណ្ឌាចាត់វិធានការចាំបាច់ ដើម្បីធ្វើឱ្យសេដ្ឋកិច្ចផ្លូវការក្រៅផ្លូវការរបស់ពួកគេ ទទួលបាន ប្រាក់ឈ្នួលកើនឡើង ក្រុមហ៊ុនកាន់តែច្រើននឹងក្លាយជាអ្នកបង់ពន្ធខ្ពស់ដល់រដ្ឋ ចំណែក កម្មករក៏នឹងមានលទ្ធភាពកាន់តែច្រើន ក្នុងការទទួលបានប្រាក់កម្ចីអាជីវកម្ម និងធនធានរដ្ឋាភិបាលផ្សេងទៀតដែលអាច​ឆ្ពោះទៅរកអាជីវកម្មផ្ទាល់ខ្លួន។

បកក្រោយបន្តិច បន្ទាប់ពីរាប់ទសវត្សនៃទ្រឹង​ផ្នែក​សេដ្ឋកិច្ចនៅទ្រឹងនិងភាពក្រីក្ររីករាលដាលពេញប្រទេស ឥណ្ឌាបានស្ថិតនៅលើផ្លូវប្រកាសអាសន្នមួយនា ឆ្នាំ ១៩៩១ ។ ការដួលរលំនៃសហភាពសូវៀតដែលជាដៃគូពាណិជ្ជកម្មចម្បង ហើយនិង​សង្គ្រាមឈូងសមុទ្រ បានធ្វើឱ្យតម្លៃប្រេងហក់​ឡើងខ្ពស់ ។​ មិនតែប៉ុណ្ណោះ នយោបាយ កាត់ផ្តាច់មិនឱ្យ​ពលរដ្ឋឥណ្ឌាអាចផ្ញើប្រាក់មកផ្ទះវិញពេលពួកគេ​កំពុងធ្វើការនៅមជ្ឈឹមបូព៌ា ទាំងនេះសុទ្ធ​ជា​កត្តាដែលនាំឱ្យឥណ្ឌាឈានដល់ដំណាក់កាលវិបត្តិហិរញ្ញវត្ថុធំ។

ដោយ​ស្ថិតក្នុងគ្រោះថ្នាក់ធ្ងន់នៃការសងប្រាក់កម្ចីផង ឥណ្ឌា បានរកផ្លូធ្វើកំណែទម្រង់ធំ។ ប្រទេសនេះ ត្រូវ​បានធានាដោយមូលនិធិរូបិយវត្ថុអន្តរជាតិជាមួយនឹងប្រាក់កម្ចី ១.៨ ពាន់លានដុល្លារបន្ថែម ក្រោមលក្ខខណ្ឌលំបាកៗ បង្ខំឱ្យ រដ្ឋាភិបាល ត្រូវ​តែ​អនុវត្តកំណែទម្រង់សេដ្ឋកិច្ចនិងនយោបាយថ្នាក់ជាតិសំខាន់ៗចេញចោល។

ពន្ធត្រូវបានកាត់បន្ថយហើយភាពផ្តាច់មុខនានារបស់វណ្ណៈអ្នកមាន ត្រូវបានលុបបំបាត់។ នៅឆ្នាំ ២០០៣ ប្រទេសឥណ្ឌា បានបង្កើតសេដ្ឋកិច្ចទីផ្សារសេរី ហើយផលិតផលក្នុងស្រុកសរុបរបស់ប្រទេសនេះ បានចាប់ផ្តើមកើនឡើងពីមួយឆ្នាំទៅមួយឆ្នាំ។

សហគ្រិនឥណ្ឌាចាប់យកវិស័យព័ត៌មានវិទ្យាគឺជាផ្នែកមួយដ៏ធំជាងគេ។

នៅឆ្នាំ ២០០៧ ប្រាក់ចំណូលពីវិស័យព័ត៌មានវិទ្យា មានចំនួនសរុប ២៣.៥ ពាន់លានដុល្លារនៅទូទំាង​ឥណ្ឌា។

ក្នុងពាក់កណ្តាល​ឆ្នាំ ២០១៩ ប្រាក់ចំណូលបានឡើង​ដល់ ១៦៧ ពាន់លានដុល្លារ​គ្រាន់តែបាន​ពីវិស័យព័ត៌មានវិទ្យាតែមួយ។ ការកើនឡើងនៃអាជីវកម្មផ្អែកលើបច្ចេកវិទ្យា នៅឥណ្ឌា បន្តដើរតួនាទីយ៉ាងសំខាន់ក្នុងកំណើនសេដ្ឋកិច្ចរបស់ប្រទេស៕

អត្ថបទ៖ សាយ ពេជ្រ

ចុចអាន៖ មកស្គាល់ម៉ាកម៉ូតូល្បីរាប់សិបឆ្នាំរបស់ឥណ្ឌា

ចុចអាន៖ រឿងចម្លែក ១២ យ៉ាងដែលមានតែនៅក្នុងប្រទេសឥណ្ឌាប៉ុណ្ណោះ