KPT+
មកស្គាល់ពីស្ថាបត្យករល្បីឈ្មោះ Kengo Kuma ដែលយកឈើបង្កើតជារូបរាងអគារដ៏ប្រណីតៗ
ស្ថាបត្យករល្បីឈ្មោះជនជាតិជប៉ុន លោក Kengo Kuma ត្រូវបានគេស្គាល់ជុំវិញពិភពលោកថា ជាស្ថាបត្យករដ៏ពូកែម្នាក់ក្នុងប្រទេសជប៉ុន ដែលតែងតែសាងសង់សំណង់អគារផ្សេងៗដោយឈើ និងប្រកបដោយភាពច្នៃប្រឌិត។
លោក Kengo Kuma កើតនៅឆ្នាំ១៩៥៤ នៅ Yokohama ខេត្ត Kanagawa ប្រទេសជប៉ុន។ ក្នុងឆ្នាំ១៩៧៩ លោកបានបញ្ចប់ការសិក្សានៅសាកលវិទ្យាល័យតូក្យូ បន្ទាប់មកលោកក៏បានបន្តសិក្សារយៈពេល២ឆ្នាំនៅប្រទេសកូឡុំប៊ី។ នៅឆ្នាំ១៩៨៧ លោកបានបង្កើតស្ទូឌីយោរចនាផ្ទាល់ខ្លួន។ លុះឆ្នាំ១៩៩០ លោកក៏បានបង្កើតក្រុមហ៊ុនផ្ទាល់ខ្លួនឈ្មោះថា Kengo Kuma & Associates (KKAA) ដែលមានការិយាល័យនៅទីក្រុងតូក្យូ ប្រទេសជប៉ុន នៅទីក្រុងប៉ារីស ប្រទេសបារាំង និងនៅទីក្រុងប៉េកាំង ប្រទេសចិន ។ សព្វថ្ងៃក្រុមហ៊ុនលោក ដំណើរការក្នុងប្រទេសជាង៣០ នៅលើពិភពលោក។
លោក Kengo Kuma ស្រឡាញ់ការរចនាម៉ូដអគារដែលមានកម្ពស់ទាបៗ ដែលអមជាមួយនឹងធម្មជាតិ ជាជាងសំណង់អគារខ្ពស់ៗ ព្រោះលោកយល់ថា មនុស្សត្រូវការរស់នៅជាមួយនឹងធម្មជាតិ ដើម្បីកាត់បន្ថយភាពតានតឹងនានាក្នុងជីវិតរបស់ពួកគេ។ អគារនីមួយៗក្រៅពីធ្វើដោយឈើ លោក Kengo Kuma ក៏បានយកដើមឫស្សី ថ្មសេរ៉ាមិច និងប្លាស្ទិក ព្រមទាំងសាធាតុផ្សំផ្សេងៗសម្រាប់កែច្នៃអគារមួយប្រកបដោយភាពទាក់ទាញ គុណភាព និងផាសុខភាព។
រាល់អគាររបស់ស្ថាបត្យករល្បីឈ្មោះរូបនេះ តែងតែមានភាពលេចធ្លោ និងគិតគូរពីគុណភាព ព្រមទាំងភ្ជាប់គ្រប់យ៉ាងរវាងមនុស្ស បច្ចេកវិទ្យា នឹងធម្មជាតិជានិច្ច។ អ្វីដែលកាន់តែពិសេសនោះ គឺលោក Kengo ជាស្ថាបត្យករម្នាក់ដែលបានឌីហ្សាញពហុកីឡាដ្ឋានជាតិរបស់ជប៉ុន ដែលមានការរចនាយ៉ាងល្អជាមួយការលំអដោយឈើនៅផ្នែកផ្សេងៗ។ ការសាងសង់ បានចំណាយអស់ ១.២៥ ពាន់លានដុល្លារ សម្រាប់ខ្លួនជាម្ចាស់ផ្ទះក្នុងការប្រកួតកីឡាអូឡាំពិក។
មិនត្រឹមតែសាងសង់អគារក្នុងប្រទេសជប៉ុនប៉ុណ្ណោះទេ លោក Kengo ក៏បានធ្វើគម្រោងសាងសង់សំណង់អគារនៅតាមបណ្តាប្រទេសផ្សេងៗទៀត ដូចជា ប្រទេសអូស្ត្រាលី ចិន អ៉ីតាលី អាល្លឺម៉ង់ តៃវ៉ាន់ ស្វីស និងប្រទេសជាច្រើនទៀត។ ការសាងសង់របស់លោកក្នុងប្រទេសនីមួយៗ មានដូចជា សារមន្ទីរ ស្ពានឈើ ប្រាសាទ ហាងកាហ្វេ សណ្ឋាគារ ផ្ទះផ្ទាំងកញ្ចក់ ផ្ទះការពារពីគ្រោះធម្មជាតិនានា រីសត ផ្ទះលំហែ និងមជ្ឈមណ្ឌលពិសោធន៍ជាដើម។
ជាមួយគ្នានេះ លោកក៏មានគម្រោងសាងសង់មួយរបស់គម្រោង ING Foundation នៅក្នុងស្រុកកំពង់លែង ខេត្តកំពង់ឆ្នាំង ប្រទេសកម្ពុជា ដែលវាជាលើកដំបូងរបស់លោក Kengo សម្រាប់ការសាងសង់គម្រោងនៅកម្ពុជា។
ក្រៅពីជាស្ថាបត្យករដ៏ល្បីឈ្មោះ លោក Kengo Kuma ក៏ជាសាស្រ្តាចារ្យបង្រៀននៅសាកលវិទ្យាល័យល្បីៗមួយចំនួនដូចជា សាកលវិទ្យាល័យតូក្យូ សាកលវិទ្យាល័យកូឡុំប៊ី សាកលវិទ្យាល័យអ៉ីលីណយ និងសាកលវិទ្យាល័យខាអូ។លោកសាស្ត្រាចារ្យ ទទួលបានពានរង្វាន់ជាច្រើនដូចជា ពានរង្វាន់វិទ្យាស្ថានស្ថាបត្យកម្មជប៉ុន (១៩៩៧) ពានរង្វាន់វិញ្ញាណស្ថាបត្យកម្មធម្មជាតិ, ហ្វាំងឡង់ (២០០២) ពានរង្វាន់ស្ថាបត្យកម្មអន្តរជាតិសម្រាប់ការរចនាសកលថ្មីល្អបំផុត (២០០៧) និងឋានៈកិត្តិយសរបស់មន្រ្តី De L’Des letres della repubblica ហ្វ្រង់ស័រ (ឆ្នាំ ២០០៩) និងពានរង្វាន់ “មនុស្សមានឥទ្ធិពលបំផុតប្រចាំឆ្នាំ ២០២១” ពីទស្សនាវដ្តី Time ផងដែរ៕
ដោយ៖ អុន ស្រីមាន
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម