KPT+
ព្រះវិហារបុរាណមួយមានអាយុកាលជាង ២០០ ឆ្នាំ សង់ពីឈើប្រណិតនៅខេត្តបាត់ដំបង
ព្រះវិហារចំណាស់មួយសាងសង់ឡើងពីឈើប្រណិត ដែលមានអាយុកាលប្រមាណជាង ២៣៤ឆ្នាំ នៅនៅក្នុងចំណុះវត្តមុនីរតនារាម (ហៅវត្តកែវ) ស្ថិតនៅភូមិកំពង់សំបូរ ឃុំសំរោងក្នុង ស្រុកឯកភ្នំ ខេត្តបាត់ដំបង។
បើយោងតាមមន្ទីរទេសចរណ៍ខេត្តបាត់ដំបង ព្រះវិហារចំណាស់ដែលសង់ឡើងពីឈើប្រណិតមួយនេះមានរចនាបទក្បូរក្បាច់យ៉ាងស្រស់ស្អាត ដោយនៅតាមបង្អួចមានក្បាច់បណ្ដែត ក្បាច់លោត ក្បាច់លិប ក្បាច់ផ្កាភ្ញីជាច្រើនទៀត ធ្វើអំពីដីបាយអដោយប្រើល្បាយ ជ័រឈើ បាយដំណើប ទឹកឃ្មុំ កំបោរ ខ្សាច់ ក្រដាសប៉ុយ ជាដើម។ នៅក្នុងព្រះវិហារ ក៏មានព្រះពុទ្ធរូបមួយអង្គធំ ដែលអ្នកស្រុកមានជំនឿថាពូកែសក្ដិសិទ្ធិ។
ព្រះវិហារមួយនេះសាងសង់ឡើងបែរទៅរកទិសណាមួយមិនប្រាកដ ដោយផ្អែកទៅលើទីតាំងភូមិសាស្ត្រជាក់ស្ដែង ឬទៅតាមការយល់ឃើញរបស់អ្នកផ្ដួចផ្ដើមគំនិតក្នុងការសាងសង់។
តាមការបកស្រាយរបស់អាចារ្យវត្តម្នាក់បានឱ្យដឹងថា មូលហេតុនៃការសង់ព្រះវិហារគឺអាស្រ័យទៅនឹងភូមិសាស្ត្រជាក់ស្ដែង, ជាពិសេសបើសង់នៅមាត់ស្ទឹង គឺព្រះវិហារច្បាស់ជាសង់បែរទៅរកស្ទឹង, ទៅរកទឹកដែលក្នុងជំនឿនឹងផ្ដល់នូវភាពត្រជាក់ត្រជំដល់អ្នកស្រុក។
ទន្ទឹមនេះ ក្រៅពីព្រះវិហារសង់ពីឈើប្រណិតអាយុកាលជាង ២៣៤ឆ្នាំនេះ ក៏នៅមានទីតាំងទាក់ទាញមួយចំនួនទៀតដូចជា ព្រះវិហារថ្មី រូបចម្លាក់ព្រះអង្គធំ (ព្រះពុទ្ធចូលបរិនិព្វាន) ប្រាង្គ កុដិ សាលាឆាន់ សាលាធម្មសភា ចេតិយ សួនផ្កា ដើមឈើតូច ធំចម្រុះ ចម្លាក់ពុទ្ធបដិមា ចម្លាក់ពុទ្ធប្រវត្តិ ស្រះទឹក និងរូបចម្លាក់សត្វជាច្រើនប្រភេទទៀត ដែលបានទាក់ទាញភ្ញៀវទេសចរណ៍ពីទីជិតឆ្ងាយ ទៅទស្សនា យ៉ាងច្រើនកុះករផងដែរ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ