កំពូលមេដឹកនាំមានបំផុតលើលោកជាប្រធានាធិបតីរុស្ស៊ី ទី២គឺ...
Connect with us
Helistar Cambodia - Helicopter Charter Services

KPT+

កំពូលមេដឹកនាំមានបំផុតលើលោកជាប្រធានាធិបតីរុស្ស៊ី ទី២គឺ…

បានផុស

នៅ

ថ្ងៃនេះ កម្ពុជាថ្មី ផ្លឹស នឹងបង្ហាញមុខប្រធានាធិបតីឬប្រមុខរដ្ឋដែលជាមហាសេដ្ឋីនាំមុខគេលើលោកនាដើមឆ្នាំ ២០២១ មកជូនអ្នកអានបានដឹង។ ប៉ុន្តែអត្ថបទនេះមិនរាប់បញ្ចូលកំពូលមេដឹកនាំអ្នកមានៗដែលមកពីខ្សែរាជវង្សនោះទេ (ស្ដេចថៃ ស្ដេចព្រុយណេ ស្ដេចអារ៉ាប៊ីសាអូឌីត។ល។) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើមេដឹកនាំរូបណា ជាអ្នកមានជាងគេលើពិភពលោកក្នុងឆ្នាំនេះ?

១. ប្រធានាធិបតីរុស្ស៊ី លោក វ្ល៉ាឌីមៀរ ពូទីន

ទ្រព្យសម្បត្តិសុទ្ធពិតប្រាកដរបស់មេដឹកនាំរុស្ស៊ីពុំមានសារព័ត៌មានណាមួយចុះផ្សាយឱ្យច្បាស់ឡើយ។ ប៉ុន្តែបើយោងតាមគេហទំព័រ FOX BUSINESS បានប៉ាន់ស្មានថា ពូទីន មានទ្រព្យប្រមាណពី ៧០-២០០ ពាន់លានដុល្លារអាមេរិក។ 

២. មេដឹកនាំកូរ៉េខាងជើង លោក គីម ជុងអ៊ុន

គីម ជុងអ៊ុន ត្រូវបានសារព័ត៌មាន Celebrity Net-worth ចាត់ជាមេដឹកនាំមានលំដាប់ទី២ បន្ទាប់ពី ពូទីន ដោយទ្រព្យសម្បត្តិសរុបប្រមាណ ៥​ ពាន់លានដុល្លារអាមេរិក។

បើប្រៀបធៀបទៅនឹងមេដឹកនាំនយោបាយដទៃទៀត ព័ត៌មានផ្ទាល់ខ្លួនអំពីលោក គីម ជុងអ៊ុន មិនសូវមានមហាជនបានដឹងនោះទេ ប៉ុន្តែប្រមុខរដ្ឋរូបនេះនៅតែទទួលបានការចាប់អារម្មណ៍យ៉ាងខ្លាំងពីប្រព័ន្ធផ្សព្វផ្សាយនានាជុំវិញពិភពលោកទាក់ទិននឹងទ្រព្យធនរបស់លោក។

៣. ប្រធានាធិបតីចិន លោក​ ស៊ី ជីនពីង

មេដឹកនាំរូបនេះជាប់ជាបុគ្គលមានឥទ្ធិពលជាងគេលើលោកកាលពីឆ្នាំ ២០២០ កន្លងទៅ។ ទ្រព្យសម្បត្តិរបស់លោក ស៊ី គ្មាននរណាដឹងច្បាស់ទេ ពីព្រោះព័ត៌មានផ្ទាល់ខ្លួននានាត្រូវបានគ្រប់គ្រងដោយគណបក្សកុម្មុយនីសចិន CCP ។ យ៉ាងណាក្ដីបើតាមប្រភពពី Quora ចុះផ្សាយថា គ្រួសារលោក ស៊ី ជាម្ចាស់ទ្រព្យប្រមាណជា ១.៧ ពាន់លានដុល្លារអាមេរិកជាង ១០ ឆ្នាំមកហើយ។ ឆ្នាំ ២០១៥ ​សារព័ត៌មាន Spearswms រាយការណ៍ថាប្រធានាធិបតីចិនរូបនេះ មានទ្រព្យប្រមាណ ១០០ លានដុល្លារប៉ុណ្ណោះ។  

រហូតមកទល់ឆ្នាំ ២០២១ របាយការណ៍ពី Quora ថា លោក ស៊ី មានប្រាក់ប្រហែល ១.៥១ ​ពាន់លានដុល្លារអាមេរិក។ ប្រភពដដែលបន្តថា លោកស៊ី ពុំត្រូវបានច្បាប់អនុញ្ញាតឱ្យធ្វើវិនិយោគនានានោះឡើយ។ ដូច្នេះចំណូលទាំងអស់សុទ្ធសឹងជា ប្រាក់ខែប្រធានាធិបតី ដែលក្នុងមួយឆ្នាំលោកទទួលបានប្រមាណ ១.៥ លានដុល្លារអាមេរិក។

៤. ប្រធានាធិបតីកូរ៉េខាងត្បូង លោក មូន ចេអ៊ីន

សារព័ត៌មាន Popularbio រាយការណ៍នៅចុងឆ្នាំ ២០២០ ថា លោក មូន ចេអ៊ីន មានទ្រព្យសម្បត្តិប្រមាណ ៥៣ លានដុល្លារអាមេរិក។ ប្រភពចំណូលចម្បងរបស់ ប្រធានាធិបតីរូបនេះបានមកពីអាជីពរបស់លោកតែម្ដង។ លោកក៏មានចំណូលផ្សេង ដែលបានមកពីប្រភពដទៃទៀតដែរ តែយ៉ាងណាក៏គ្មានអ្នកអាចបញ្ជាក់ច្បាស់នោះទេថាប្រភពនោះជាអ្វី។

៥. ប្រធានាធិបតីសហរដ្ឋអាមេរិក លោក ចូ បៃដិន

លោក ចូ បៃដិន ត្រូវបានសារព័ត៌មាន marieclaire, Celebrity Net-worth និងទស្សនាវដ្ដី Forbes រាយការណ៍ដូចៗគ្នាថា ជាម្ចាស់ទ្រព្យសម្បត្តិប្រមាណ ៩ លានដុល្លារអាមរិក។

លោក បៃដិន ត្រូវបានសារព័ត៌មានចាត់ទុកជាប្រធានាធិបតីក្រជាងគេក្នុងចំណោមប្រធានាធិបតីអាមេរិកមុនៗ។

ក្នុងឆ្នាំ ២០១៩ ទស្សនាវដ្តី Forbes រាយការណ៍ថា លោក បៃដិន និងភរិយា មានផលប័ត្រសរុបចំនួន ៤ លានដុល្លារអាមេរិកលើអចលនទ្រព្យដោយកាន់កាប់ផ្ទះចំនួន ២ នៅរដ្ឋ Delaware សាច់ប្រាក់វិនិយោគតម្លៃ ៤ លានដុល្លារ និងប្រាក់សោធនសហព័ន្ធតម្លៃជាង ១ ដុល្លារលាន។ រីឯចំណូលផ្សេងទៀតបានមកពីប្រាក់បៀរវត្សរ៍របស់លោកនាពេលបច្ចុប្បន្ន៕

ប្រែសម្រួល៖ សន្យា

ចុចអាន៖ ស្ដេច ៥ អង្គមានទ្រព្យសម្បត្តិច្រើនជាងគេលើលោកនៅដើមឆ្នាំ ២០២១

ចុចអាន៖ បង្ហាញមុខមហាសេដ្ឋីកំពូលប្រចាំប្រទេស នៅអាស៊ីអាគ្នេយ៍នាឆ្នាំ ២០២១

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក្នុងឱកាស​បុណ្យកាន់បិណ្ឌ​ ភ្ជុំ​បិណ្ឌ​ បើ​មាន​ករណី​បុគ្គលណា​មាន​អាការៈ​ក្អក​ផ្តាសាយ​សង្ស័យ​មាន​កូវីដ​ ត្រូវ​ផ្អាក​ពិធី​ ហើយ​ឃាត់​បុគ្គល​នោះ​ធ្វើ​តេស្ត​នៅ​នឹង​កន្លែង

ចរាចរណ៍៧ ម៉ោង មុន

រថយន្ត​កាមរី​មួយ​គ្រឿង បើក​លឿន​រ៉េ​ចង្កូត​ជ្រុល​បុក​ក្បាល​នាគ​ពុះ​ចែក​ទ្រូង​បាក់​អស់​មួយ​កង់ នៅមុខ​វិទ្យាល័យ​ជាស៊ីម​សាមគ្គី

ព័ត៌មានជាតិ៧ ម៉ោង មុន

រដ្ឋបាលខេត្តកំពង់ចាម សម្រេច​បិទ​ផ្សារ​ស្ពឺ​ស្រុក​ចំការ​លើ​រយៈពេល១៤​ថ្ងៃ​សិន ខណៈ​រក​ឃើញ​វិជ្ជមាន​កូវីដ-១៩

ព័ត៌មានជាតិ៧ ម៉ោង មុន

អ្វី​ជា​បញ្ហា​ប្រឈម​សម្រាប់​វិស័យ​អាកាសចរ​​ក្នុង​ដំណាក់កាល​កូ​វីដ ? ស្តាប់​មន្ត្រីជាន់ខ្ពស់​និយាយ!

ចរាចរណ៍៨ ម៉ោង មុន

រថយន្ត​បែន​បើក​ចុះ​ផ្លូវ​ចំណោត​វត្ត​លើ ហ្វ្រាំង​មិន​ស៊ី​បុក​រះ​រថយន្ត​និង​ម៉ូតូ​ជាច្រើន​គ្រឿង រង​របួស​មនុស្ស​៥​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services