ស្ដេច ៥ អង្គមានទ្រព្យសម្បត្តិច្រើនជាងគេលើលោកនៅដើមឆ្នាំ ២០២១
Connect with us
Helistar Cambodia - Helicopter Charter Services

KPT+

ស្ដេច ៥ អង្គមានទ្រព្យសម្បត្តិច្រើនជាងគេលើលោកនៅដើមឆ្នាំ ២០២១

បានផុស

នៅ

១. ស្តេច Maha Vajiralongkorn ប្រទេសថៃ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទ្រព្យសម្បត្តិប៉ាន់ស្មាន៖ ៤៣ ពាន់លានដុល្លារ

ព្រះរាជាព្រះជន្ម ៦៧ ព្រះវស្សាអង្គនេះឡើងគ្រងរាជ្យនៅឆ្នាំ ២០១៩ បន្ទាប់ពីបិតាសោយទិវង្គតកាលពីឆ្នាំ ២០១៦ ។ គ្រួសារទ្រង់កាន់កាប់ដីជាង ១៦,២១០ ហិកតានៅក្នុងប្រទេសថៃ ដោយមានកិច្ចសន្យាជួលចំនួន ៤ ម៉ឺនកន្លែងនៅក្នុងស្រុកដែលក្នុងនោះ ១៧,០០០ កន្លែងនៅរាជធានីបាងកក។ ព្រះមហាក្សត្រអង្គនេះក៏កាន់កាប់ភាគហ៊ុនធំនៅក្នុងក្រុមហ៊ុន ស៊ីម៉ងត៍សៀមគ្រុប និងធនាគារសៀមពាណិជ្ជ។ ទ្រង់ក៏ជាម្ចាស់ត្បូងពេជ្រធំជាងគេបំផុតលើពិភពលោកផងដែរ។ នេះបើតាមការចុះផ្សាយរបស់គេហទំព័រ THE BUSINESS STANDARD។

២. ស្ដេច Sultan Hassanal Bolkiah ប្រទេសព្រុយណេ

ទ្រព្យសម្បត្តិប៉ាន់ស្មាន៖ ២៨ ពាន់លានដុល្លារ

បន្ទាប់ពីព្រះមហាក្សត្រីអេលីសាបិតទី ២ ស្តេច Sultan Hassanal Bolkiah គឺជាព្រះមហាក្សត្រដែលគ្រងរាជ្យយូរជាងគេទី ២ លើពិភពលោក។ ទ្រង់ក៏ជានាយករដ្ឋមន្រ្តីនៃប្រទេសព្រុយណេផងដែរ។ ទ្រព្យសម្បត្តិស្ដេចអង្គនេះមានប្រភពមកពីអាជីវកម្មនាំចេញប្រេង និងឧស្ម័នធម្មជាតិក្នុងស្រុក។ ស្តេច Sultan រស់នៅក្នុងវិមានធំជាងគេបំផុតលើលោកឈ្មោះ Istana Nurul Iman ដែលមានបន្ទប់ប្រមាណ ១៧៧៨ បន្ទប់ ហើយទ្រង់ក៏ត្រូវបាន South China Morning Post រាយការណ៍ថា ជាម្ចាស់នៃក្បួនឡាន Rolls Royces ជាង ៦០០ គ្រឿងផងដែរ។

៣. ស្តេច Salman Abdulaziz bin Saud ប្រទេសអារ៉ាប៊ីសាអូឌីត

ទ្រព្យសម្បត្តិប៉ាន់ស្មាន៖ ១៨ ពាន់លានដុល្លារ

ព្រះរាជា Salman Abdulaziz bin Saud អាចស្ថិតនៅលំដាប់ទី៣ក្នុងបញ្ជីស្ដេចមានជាងគេតែអង្គឯង។ ប៉ុន្តែប្រសិនបើបូកទ្រព្យគ្រួសារទាំងមូល រាជវង្សអារ៉ាប៊ីសាអូឌីតជាគ្រួសារដែលមានជាងគេបំផុតនៅលើពិភពលោកដែលសម្បត្តិសរុបមានជាង ១ ទ្រីលានដុល្លារ។ ព្រះមហាក្សត្រនៃអារ៉ាប៊ីសាអូឌីត មានប្រភពចំណូលដ៏ធំបំផុតមកពីប្រេង រីឯការវិនិយោគនានាហាក់អាថ៌កំបាំងណាស់។ យ៉ាងណា Wikipedia ផ្សាយថា រាជវង្សនេះជាម្ចាស់វិមានថ្លៃៗ ឡានទំនើប ឧទ្ធម្ភាគចក្រ និងយន្តហោះឯកជនជាច្រើនទៀត។

៤. Khalifa bin Zayed Al Nahyan ព្រះចៅ អាប៊ូ ដាប៊ី ប្រទេសអារ៉ាប់រួម

ទ្រព្យសម្បត្តិប៉ាន់ស្មាន៖ ១៨ ពាន់លានដុល្លារ

ទ្រង់ជាប្រធានាធិបតីនៃប្រទេសអារ៉ាប់រួម និងជាព្រះចៅនៃរាជធានី អាប៊ូ ដាប៊ី ​(Abu Dahbi) ។ យោងតាម THE BUSINESS STANDARD ចុះផ្សាយថា ទ្រព្យសម្បត្តិរបស់ព្រះចៅអង្គនេះបានមកពីការងារជាប្រធានអាជ្ញាធរវិនិយោគនៅក្រុង អាប៊ូដាប៊ី ដែលគ្រប់គ្រងលើប្រេងនាំចេញ។ យ៉ាងណាក្ដីទ្រង់មានប្រជាប្រិយភាពសុះសាយពាសពេញពិភពលោកដោយសារសកម្មភាពសប្បុរសធម៌របស់ទ្រង់។

៥.  Sheikh Mohammed bin Rashid Al Maktoum ព្រះចៅឌូបៃ ប្រទេសអារ៉ាប់រួម

ទ្រព្យសម្បត្តិប៉ាន់ស្មាន៖ ១៤ ពាន់លានដុល្លារ

ទ្រង់ជាអនុប្រធានាធិបតីនៃរដ្ឋអេមីរ៉ាតអារ៉ាប់រួម និងជាព្រះចៅនៃទីក្រុងឌូបៃ។ Sheikh Mohammed bin Rashid Al Maktoum ត្រូវបានមហាជនក្នុងលោកស្គាល់តាមរយៈការដាក់ឱ្យដំណើរការសហគ្រាសធំៗដូចជា ក្រុមហ៊ុនអាកាសចរណ៍ Emirates ក្រុមហ៊ុន Jumeirah គ្រុប ដែលគ្រប់គ្រងលើរីសតនិងសណ្ឋាគារក្នុងស្រុក និងក្រុមហ៊ុនពាណិជ្ជកម្ម DP World ធំជាងគេនៅឌូបៃ។​ ទ្រង់ក៏ជាអ្នកប្រណាំងសេះដែលទទួលបានការបណ្តុះបណ្តាល និងជាអ្នកនិពន្ធកំណាព្យអារ៉ាប់ដ៏ល្បីល្បាញផងដែរ៕

ប្រែសម្រួល៖ សន្យា

ចុចអាន៖ បង្ហាញមុខមហាសេដ្ឋីកំពូលប្រចាំប្រទេស នៅអាស៊ីអាគ្នេយ៍នាឆ្នាំ ២០២១

ចុចអាន៖ ស្ថិតក្នុងវិបត្តិនៃជំងឺរាតត្បាត ប៉ុន្តែមហាសេដ្ឋី ១០ រូបនេះបែរជារកប្រាក់ចំណេញបានរាប់ពាន់លានដុលា្លរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

អាជ្ញាធរ​និង​កម្លាំង​សម្ថកិច្ច​ចម្រុះ​ខណ្ឌជ្រោយចង្វារ​បាន​ឡោមព័ទ្ធ​ហាងផឹកស៊ី​”តាសេត” ដែលបើកផឹកស៊ី​ល្មើស​បំរាម

អាជីព១ ម៉ោង មុន

អង្គការ UNIDO ផ្ដល់ការគាំទ្រផ្នែកហិរញ្ញវត្ថុ និងបច្ចេកទេស ដល់អ្នកចិញ្ចឹមត្រីកម្ពុជា

ព័ត៌មានជាតិ១ ម៉ោង មុន

ប្រមុខ​ការ​ទូត​កម្ពុជា ស្វាគមន៍​កិច្ច​ខិតខំ​ប្រឹងប្រែង​រប​ស់​សហរដ្ឋអាមេរិក ក្នុងការ​បង្កើន​ទំនាក់ទំនង​ជាមួយ​អាស៊ាន

ព័ត៌មានជាតិ១ ម៉ោង មុន

មិនមាន​ការបិទ​ខ្ទប់​ផ្សា​របឹង​កេង​ទេ បើ​ទោះបី​រកឃើញ មាន​កូ​វីដ​-១៩ ពីរ​នាក់ រស់នៅ​បឹង​សាឡាង

ព័ត៌មានជាតិ១ ម៉ោង មុន

លោកជំទាវ ម៉ែន សំអន ទទួលអង្ករ១០តោន ពីសប្បុរសជន ដើម្បីចូលរួមប្រយុទ្ធនឹងជំងឺកូវីដ

Sokha Hotels

ព័ត៌មានពេញនិយម

Helistar Cambodia - Helicopter Charter Services