KPT+

ព្រមាន! មាន៦ចំណុចនេះ អាជីវកម្មខ្នាតតូចងាយបរាជ័យណាស់

បានផុស

៣ years មុន

នៅ

ថ្ងៃសុក្រ ២៦ កុម្ភៈ ២០២១

ដោយ

ការចាប់ផ្ដើមអាជីវកម្មតូចដំបូងៗរមែងមានកំហុសឆ្គងដែលអាចជះឥទ្ធិពលអវិជ្ជមានដល់ជំនួញទៅថ្ងៃអនាគត។ ទោះបីម្ចាស់ជំនួញខ្លះបានធ្វើកំហុសមួយចំនួនក្ដី ក្នុងនាមជាអ្នករកស៊ីខ្នាតតូចម្នាក់ យើងគួររៀនសូត្រពីកំហុសទាំងនោះសម្រាប់ចៀសវាងដើម្បីអភិវឌ្ឍអាជីវកម្មរបស់ខ្លួនឲ្យជោគជ័យ។

ទាំងនេះជាកំហុសដែលគួរចៀសវាង៖

១. មិនធ្វើផែនការ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្មានផែនការរឹងមាំសម្រាប់អាជីវកម្មរួមមាន ការស្រាវជ្រាវគំនិតអាជីវកម្ម ផែនការហិរញ្ញវត្ថុ និង ផែនការទីផ្សារ ជាកត្តានាំឲ្យទៅការដាំក្បាលចុះ។ គ្រប់ជំនួញទាំងឡាយបើមិនធ្វើផែនការទេ តើឲ្យវាដើរទៅដោយរបៀបណា? ប្រាកដជាមិនដឹងចាប់ផ្ដើមពីណាទៅណាឡើយ។

២. មិនកំណត់គោលដៅ

គោលដៅជាអ្វីដែលរាល់អាជីវកម្មទាំងឡាយប្រាថ្នាសម្រេចបានដូចជា លក់ផលិតផល បម្រើសេវាកម្ម ហើយទទួលបានប្រាក់ចំណេញ។ ដូចនេះ បើពុំមានគោលដៅថា ចង់ទទួលបានអ្វីទេ តើបង្កើតការរកស៊ីដើម្បីអ្វីទៅ?

៣. មិនធ្វើទីផ្សារ

ចង់ឲ្យអតិថិជនឆាប់ស្គាល់ផលិតផល ឬសេវាកម្មលុះត្រាតែហ៊ានចំណាយខ្លះ ហើយការចំណាយនោះគឺលើការធ្វើទីផ្សារនេះឯង។ ធ្វើជំនួញ តែមិនធ្វើទីផ្សារ ធ្វើយ៉ាងណាឲ្យយីហោឆាប់ទៅដល់ភ្ញៀវ? ការធ្វើទីផ្សារឬផ្សាយពាណិជ្ជកម្មមានច្រើនរូបភាពទាំងនៅលើបណ្ដាញសង្គម ទូរទស្សន៍ និងផ្នែកផ្សេងទៀត។

៤. មិនស្គាល់អតិថិជន

ជាអ្នករកស៊ី ប៉ុន្តែមិនដឹងថាអតិថិជនខ្លួនជានរណា ត្រូវការអ្វី ហើយចង់បានអ្វី ពិតជាអាចលក់ដាច់នោះទេ។ ការរកស៊ីដែលមិនបានសិក្សាពីតម្រូវការអតិថិជន ជាហេតុនាំឲ្យជំនួញដួលឆាប់ៗ ព្រោះមិនអាចបំពេញបំណងភ្ញៀវបាន។

៥. ចំណាយលើស

ចាប់ផ្តើមអាជីវកម្មខ្នាតតូចមួយ មិនចាំបាច់តម្រូវឲ្យមានការវិនិយោគធំពេកនោះទេ ផ្ទុយទៅវិញម្ចាស់អាជីវកម្មមួយចំនួនបែរជាត្រូវចំណាយប្រាក់ច្រើនលើសមាឌដើម្បីទិញសម្ភារមិនសំខាន់និងថ្លៃៗ ក៏ដូចជាជួលមនុស្សមកគរជើងគ្នា។

៦. មិនប្តេជ្ញាចិត្ត

ការចាប់ផ្តើមអាជីវកម្មទាមទារឲ្យមាន ម្ចាស់អាជីវកម្មត្រូវមានឆន្ទៈក្នុងការធ្វើកាវា លះបង់ពេលវេលា និងហ៊ានប្រឈមមុខនឹងបញ្ហា ប្រសិនបើចង់ឲ្យអាជីវកម្មទទួលបានជោគជ័យ។ គ្មានការតាំងចិត្តខ្ពស់ ពេលមានបញ្ហាតែបន្តិចក៏បោះបង់ចោលបាត់ទៅហើយ។ ជាពិសេសរកស៊ីដំបូងៗរមែងខាតដើមចៀសពុំរួចទេ៕

ប្រែសម្រួល៖ សន្យា

ប្រភព៖ Entrepreneur

ចុចអាន៖គន្លឹះសាមញ្ញជួយគ្រប់គ្រងហិរញ្ញវត្ថុគ្រួសារយ៉ាងមានប្រសិទ្ធភាព ក្នុងកំលុងពេលកូវីដ