KPT+

គន្លឹះសាមញ្ញជួយគ្រប់គ្រងហិរញ្ញវត្ថុគ្រួសារយ៉ាងមានប្រសិទ្ធភាព ក្នុងកំលុងពេលកូវីដ

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

គ្រួសារគឺជាផ្នែកសំខាន់មួយនៃជីវិតរបស់មនុស្ស ហើយការសន្សំប្រាក់ នឹងជួយឲ្យជីវិតគ្រួសារមានស្ថិរភាព។ ទោះយ៉ាងណា ជម្លោះជាច្រើនតែងកើតឡើងក្នុងគ្រួសារ ដោយសារការគ្រប់គ្រងហិរញ្ញវត្ថុមិនត្រឹមត្រូវ។ ជាពិសេសក្នុងអំឡុងពេលមានវិបត្តិនេះតែម្ដង។

នេះគឺជាគន្លឹះចំនួន ៦យ៉ាងសម្រាប់សកម្មភាពសាមញ្ញ ដែលអាចជួយយើងសន្សំសំចៃប្រាក់បានខ្លះក្នុងជីវិតប្រចាំថ្ងៃ ៖

១. ចំណាយពេលក្នុងសួននៅផ្ទះ

ឲ្យកូនៗ បានចូលរួមជួយក្នុងការបោសសំអាតស្លឹកឈើដែលងាប់ ភាពកខ្វក់និងកម្ទេចកំទីផ្សេងៗ។ ដាំដើមឈើឬផ្កាថ្មី បង្កើតកន្លែងដាក់ចំណីបក្សី ឬសំបុកសត្វស្លាប។

នេះជាគន្លឹះដែលអាចបង្រៀនកូនៗ ពីការថែសួន និងយល់ដឹងពីសម្រស់របស់ធម្មជាតិ។ អារម្មណ៍នៃខ្យល់អាកាសបរិសុទ្ធ និងភាពសប្បាយរីករាយនៃការស្រោចទឹករុក្ខជាតិ ជាមួយឧបករណ៍បាញ់ទឹក នឹងធ្វើឲ្យថ្ងៃរបស់ពួកគេ ភ្លឺជាងកញ្ចក់អេក្រង់ទូរទស្សន៍ ឬទូរស័ព្ទ ដែលគ្រឿងអេឡិចត្រូនិកទាំងនោះមិនអាចធ្វើបាន។

២. ដើរលេងស្រូបខ្យល់អាកាស

អាចប្រឈមនឹងការរអ៊ូរទាំខ្លះពីកូនៗ របស់យើងនៅពេលស្នើពួកគេឲ្យដើរ ។ ដើរលេងពេលល្ងាចជាមួយគ្រួសារបែបសាមញ្ញ ដូចជាដើរទៅកាន់ឧទ្យានក្បែរផ្ទះ ឬបឹង កន្លែងណាដែលស្រស់ស្អាតហើយអាចមើលថ្ងៃលិចជុំគ្នាបាន(កុំចេញក្រៅផ្ទះពេលផ្ទុះកូវីដ)។ ដរាបណាមានភាពសប្បាយរីករាយនៅក្នុងសកម្មភាព កុមារនឹងមិនតវ៉ាច្រើន។ ហើយយើងក៏មិនចាំបាច់អស់ប្រាក់ចំណាយ ទៅដើរលេងនៅកន្លែងណាដែលថ្លៃៗដែរ។

៣. ទៅបណ្ណាល័យអានសៀវភៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បណ្ណាល័យត្រូវបានគេដឹងថាជាកន្លែងផ្ដល់ចំណេះដឹងទូទៅ។ សៀវភៅផ្ដល់នូវភាពរំភើប ភាពស្ងៀមស្ងាត់ និងក្លិននៃសៀវភៅធ្វើបរិយាកាសកាន់តែរីករាយ និងទទួលបានចំណេះដឹងកាន់តែច្រើន។

កុមារអាចជ្រើសរើសសៀវភៅដែលពួកគេចូលចិត្ត ហើយអាចយកទៅផ្ទះអានបន្ត។ សៀវភៅផ្ដល់នូវចំណេះដឹង និងជួយសន្សំប្រាក់បានច្រើន ជាងកន្លែងណាទាំងអស់។ ប៉ុន្តែត្រូវរក្សាគំលាតតាមការប្រកាសរបស់ក្រសួងសុខាភិបាល។

៤. ទស្សនាសារមន្ទីរក្នុងស្រុកឬល្ខោន

កន្លែងដែលសប្បាយៗជាច្រើននៅក្នុងស្រុក ហើយចូលដោយសេរី ឬមានការបញ្ចុះតម្លៃលើសំបុត្រម្ដង ក្នុងមួយពេល ដូចជាសារមន្ទីរ រោងល្ខោននៅជិតផ្ទះជាដើម។

ដូច្នេះយើងក៏អាចសន្សំប្រាក់បានមួយកម្រិតទៀត និងផ្ដល់ភាពសប្បាយរីករាយដល់កុមារក្នុងពេលតែមួយដែរ។

៥. ទស្សនាភាពយន្ត ក្នុងផ្ទះ

កំឡុងពេលស្នាក់នៅផ្ទះ វិធីល្អបំផុតដើម្បីសន្សំសំចៃថវិកា គឺយើងអាចនាំកូន ៗទស្សនាខ្សែភាពយន្តក្នុងផ្ទះ ជំនួសឲ្យការទៅទស្សនានៅខាងក្រៅ។ វាក៏ជាឱកាសមួយ បានស្និទ្ធស្នាលជាមួយគ្រួសារ ដែលខកខានធ្វើបែបនេះជាមួយគ្នាមកជាយូរ។

៦. ធ្វើសប្បុរសធម៌លើវត្ថុចាស់ៗ

ជារឿងមួយដ៏ល្អសម្រាប់គ្រួសារ មិនត្រឹមជួយសន្សំសំចៃប្រាក់បន្ថែម តែក៏ជាចំណែកមួយជួយឲ្យគ្រួសារកាន់តែមានសុភមង្គលបន្ថែមទៀត។

ចំណាយពេលខ្លះជួយកូនៗ របស់អ្នកឲ្យពួកគេរៀបចំបន្ទប់របស់ពួកគេ។ ប្រមូលប្រដាប់ប្រដាក្មេងលេង សំលៀកបំពាក់ និងសៀវភៅចាស់ៗ ហើយបរិច្ចាគវាដល់អ្នកខ្វះខាត ជាងទៅដើរលេងនៅខាងក្រៅ ចំណាយកាន់តែច្រើន៕

ប្រែសម្រួល៖ សាង ស្រីល័ក្ខ

ចុចអាន៖វិធី ៥ យ៉ាងដើម្បីបង្កើតផលិតភាពការងានៅផ្ទះឲ្យល្អដូចធ្វើការនៅការិយាល័យ

ចុចអាន៖ទិញអីវ៉ាន់ ទិញដោយវិធីឆ្លាតវៃទំាងនេះក្នុងរដូវកាលកូវីដ-១៩

Related Topics:ហិរញ្ញវត្ថុ