Connect with us

KPT+

FORBES បង្ហាញមុខ​មហាសេដ្ឋីវ័យក្មេង ដែលទើបនឹង​កាក់កបក្នុងវិបត្តិកូវីដ១៩

បានផុស

នៅ

ស្ថាបនិកនិងនាយកប្រតិបត្តិរបស់ក្រុមហ៊ុនចែកចាយទំនិញ Instacart  ក្លាយជាមហាសេដ្ឋីក្រោយទុនតម្កល់កើនឡើងទ្វេរក្នុងពេលនេះ បើយោងតាមការចុះផ្សាយរបស់ទស្សនាវដ្ដី Forbes កាលពីថ្ងៃទី ១៧ ខែមិថុនា ។

ក្រុមហ៊ុនដែលមានទីតាំងនៅទីក្រុងសាន់ហ្វ្រាន់ស៊ីស្កូ បានប្រកាសកាលថ្ងៃទី ១១ ខែមិថុនា ឆ្នាំ ២០២០ ថាខ្លួនមានទុនតម្កល់ ២២៥ លានដុល្លារដែលធ្វើឱ្យតម្លៃហ៊ុន​កើនឡើងពី ៧,៩ ពាន់លានដុល្លារទៅ ១៣,៧ ពាន់លានដុល្លារ។ ក្នុងនោះ Forbes បានប៉ាន់ប្រមាណថា លោកលោក Apoorva Mehta​ នាយកប្រតិបត្តិរបស់ក្រុមហ៊ុនអាចកាន់កាប់ភាគហ៊ុន ១០% ដែលធ្វើឱ្យលោកកើនទឹកប្រាក់សុទ្ធ ១,២ ពាន់លានដុល្លារ។  ប៉ុន្តែអ្នកនាំពាក្យរបស់ក្រុមហ៊ុន Instacart មិនទាន់ធ្វើការអត្ថាធិប្បាយពីការប៉ាន់ស្មានរបស់ Forbes នៅឡើយទេ។

មហាសេដ្ឋីជើងថ្មីវ័យ ៣៣ ឆ្នាំរូបនេះ បានចាប់ផ្តើមក្រុមហ៊ុនចែកចាយគ្រឿងទេស សាច់ និងបន្លែ កាលពីឆ្នាំ ២០១២ ហើយក្រុមហ៊ុនរបស់លោកកាន់មានតម្រូវការខ្ពស់ បន្ទាប់ពីវីរុសកូវីដ១៩បានរាតត្បាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន Instacart កំពុងរីកចម្រើនខ្លាំងលើសេវាដឹកជញ្ជូនទំនិញ ខណៈប្រជាជនអាមេរិកប្រមាណជាង ៨៥% និងប្រជាជនកាណាដាជាង ៧០% កំពុងជាប់គាំង ធ្វើឲ្យការកុម្មង់អាហារពីផ្ទះមានតម្រូវការខ្ពស់។ អាជីវកម្មនេះ ធ្វើឲ្យអតិថិជនកាន់តែមានភាពងាយស្រួលដោយអាចជ្រើសរើសគ្រឿងទេសតាមអ៊ិនធរណេត ហើយក្រុមហ៊ុននឹងខ្ចប់ជូនព្រមទាំងបញ្ជូនការបញ្ជាទិញដល់គេហដ្ឋានតែម្ដង។ បរិមាណនៃការបញ្ជាទិញបានកើនឡើងរហូតដល់ ៥០០% ក្នុងរយៈពេល ១២ ខែចុងក្រោយ ហើយបានកើនប្រមាណ ៣៥% បន្ថែមទៀតក្នុងអំឡុងពេលជំងឺរាតត្បាត។

តើប្រវត្តិស្ថានិកក្រុមហ៊ុនយ៉ាងណា?

លោក Apoorva Mehta កើតនៅប្រទេសឥណ្ឌានិងធំធាត់នៅប្រទេសកាណាដា។ លោក សិក្សាផ្នែកវិស្វកម្មនៅសាកលវិទ្យាល័យ Waterloo និងបានធ្វើការជាវិស្វករឌីហ្សាញនៅ ក្រុមហ៊ុនទូរសព្ទ Blackberry របស់កាណាដា និងក្រុមហ៊ុនសាជីវកម្ម Qualcomm របស់សហរដ្ឋអាមេរិក ។ ក្រោយមកលោក Mehta ធ្វើការជាវិស្វករសង្វាក់ផ្គត់ផ្គង់របស់ក្រុមហ៊ុនអេឡិចត្រូនិកយក្ខ Amazon។

នៅឆ្នាំ ២០១០ មហាសេដ្ឋីវ័យក្មេងរូបនេះបានលាឈប់ពីការងារ ដោយផ្លាស់ពីទីក្រុងស៊ីថល(Seattle) ទៅសាន់ហ្វ្រាន់ស៊ីស្កូហើយចាប់ផ្តើមអាជីវកម្មដោយខ្លួនឯង។ ១២ ខែក្រោយ Mehta បានបង្កើតផលិតផលបម្រើសេវាចំនួន ២០ ប្រភេទរួមមាន អាហារ និងបណ្តាញទំនាក់ទំនងសម្រាប់មេធាវី ប៉ុន្តែពុំនរណាចុចប្រើទេ។

ទោះយ៉ាងណា Mehta មិនបានបោះបង់ចោលទេ ហើយលោកមានប្រសាសន៍យ៉ាងដូច្នេះ “ហេតុផលក្នុងការចាប់ផ្តើមក្រុមហ៊ុន គួរតែជាការដោះស្រាយបញ្ហា”។

លោកបានមើលឃើញពីផលលំបាកនៃការដើរទិញឥវ៉ាន់ រួចក៏កើតគំនិតតបង្កើផលិត ផលដែលអាចទិញតាមអ៊ិនធរណេតបាន។ ស្ថានិកក្រុមហ៊ុនរូបនេះនិយាយថា ការទិញទំនិញគួរតែមានការផ្លាស់ប្តូរនៅក្នុងទសវត្សទី ២១ ​ហើយ Mehta ចាប់ផ្តើមសរសេរកូដកម្មវិធីមួយនិងបានក្លាយជាក្រុមហ៊ុន Instacart ដូចសព្វថ្ងៃ។ “ខ្ញុំបានសន្យានឹងខ្លួនឯងថា ខ្ញុំនឹងមិនទៅហាងលក់គ្រឿងទេសទេ រហូតទាល់តែបង្កើតផលិតផលបានចប់រួចរាល់” ។ នេះបើតាម Mehta ថ្លែងក្នុងសុន្ទរកថាកម្មវិធី Combinator កាលពីឆ្នាំ ២០១៤។

នាយកប្រតិបត្តិរូបនេះ ក្លាយជាអតិថិជនដំបូងរបស់ Instacart ដោយបញ្ជាទិញគ្រឿងទេសនៅលើកម្មវិធីរបស់ខ្លួនឯង។ ក្នុងឆ្នាំ ២០១២ ដដែលនោះ លោកបានខ្ចីទុនវិនិយោគពីក្រុមហ៊ុន Y Combinator។ នៅពេលមានការបញ្ជាទិញដំបូងៗ លោកជាអ្នកដឹកទំនិញឲ្យភ្ញៀវខ្លួនឯងដោយជិះ Uber ។

អាជីវកម្ម របស់បុរសវ័យក្មេងរូបនេះ ចាប់ផ្ដើមរីកចម្រើនជាបន្តបន្ទាប់ រហូតអាចពង្រីកក្រុមហ៊ុន Instacart ពីសាន់ហ្វ្រាន់ស៊ីស្កូទៅកាន់ទីក្រុងជាង ៥៥០០ និងហាងចំនួន ៣០ ០០០ នៅអាមេរិកខាងជើង ព្រមទាំងមានដៃគូច្រើនទៀត។

ក្នុងឆ្នាំ ២០១៩ ក្រុមហ៊ុនបានបន្ថែមសេវាឲ្យភ្ញៀវមកទទួលទំនិញពីក្រុមហ៊ុនផ្ទាល់ដែលបានវេចខ្ចប់ទុក។ ក្រុមហ៊ុនក៏បានទទួលសេវាចែកចាយថ្នាំពីឱសថស្ថាន Costco ជិត ២០០ កន្លែង និងគម្រោងពង្រីក ៥០០ ទីតាំងទៀត។ បច្ចុប្បន្នក្រុមហ៊ុន Instacart មានដើមទុនជិត ២,២ ពាន់លានដុល្លារ ដោយមានអ្នកវិនិយោគរាប់សិបនាក់រួមមានក្រុមហ៊ុនមូលធន Andreessen Horowitz, Sequoia Capital និង Kleiner Perkins៕

ប្រែសម្រួល៖ សន្យា

ប្រភព៖ Forbes

ចុចអាន៖ស្ត្រី​សម័យ​ទំនើប​ មាន​គ្រប់​លក្ខណា រមែង​ប្រកាន់​ចរិយា​មារយាទ​ប៉ុន្មាន​នេះ​ជាប់​ខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៨ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១១ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១១ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១១ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម