KPT+
ស្ត្រីសម័យទំនើប មានគ្រប់លក្ខណា រមែងប្រកាន់ចរិយាមារយាទប៉ុន្មាននេះជាប់ខ្លួន
ត្បិតតែកំពុងស្ថិតក្នុងសម័យទំនើប ប៉ុន្តែស្ត្រីខ្មែរនៅតែមានតម្លៃ សមជានារីប្រពៃ ប្រសិនអាចប្រកាន់ចរិយាប៉ុន្មាននេះជាប់ខ្លួន។
១. ឧស្សាហ៍ធ្វើការងារ
ចរិយាមារយាទល្អបង្ហាញពីភាពខុសគ្នារវាងស្ត្រីសាមញ្ញនិងស្ត្រីគ្រប់លក្ខណា។ ភាពខ្ជិលច្រអូសនៅពេលធ្វើការឬកំពុងញ៉ាំអាហារក្ដី ជាទម្លាប់របស់នារីធម្មតា។ រីឯការឧស្សាហ៍ព្យាយាម និងភាពរហ័សរហួនលើការងារនានា ជាឥរិយាបថត្រឹមត្រូវនៃនារីពេញលក្ខណៈ។
២. គ្មានចរិតតួឯក
ស្ត្រីមានលក្ខ មិនមានចរិកតួឯកជាប់ខ្លួននោះទេ។ នាងឥតពុតមាយា ឬរអ៊ូរទាំច្រើនព្រោះតែរឿងអត់បានការនោះឡើយ ប៉ុន្តែជានារីមានភាពទំនួលខុសត្រូវលើអ្វីដែលខ្លួនបានធ្វើ។
៣. មិនចាយពេលនិយាយដើមអ្នកដទៃ
មនុស្សស្រីមានមារយាទត្រឹមត្រូវ មិនប្រើពេលវេលាអត់ប្រយោជន៍ដោយការនិយាយដើមគេ ឬការនិយាយមិនសមរម្យប៉ះពាល់បុគ្គលដទៃឡើយ។ នាងគ្មានពេលទាល់តែសោះសម្រាប់ជជែកពីរឿងនរណាដែលមិនពាក់ព័ន្ធនឹងខ្លួន។
៤. គោរពពេលវេលា
ការគោរពពេលវេលា ជាគន្លឹះសំខាន់បង្ហាញពី តម្លៃរបស់មនុស្សទូទៅ ក៏ដូចជាស្ត្រីផងដែរ។ ជាធម្មតា មនុស្សស្រីតែងខ្លួនយូរជាងបុរស ប៉ុន្តែនារីឈ្លាសវៃ ពុំខកខានការណាត់ជួបផ្ទាល់ខ្លួន ឬពាណិជ្ជកម្ម តាមរយៈការមកយឺតនោះទេ។ នេះគឺជាគុណតម្លៃនៃស្ត្រីសម័យទំនើបដែលមានលក្ខណៈពេញលេញ។
៥. យកចិត្តទុកដាក់លើខ្លួនឯង
ស្ត្រីគ្រប់រូប ត្រូវការជាចាំនូវភាពស្រស់ស្អាត។ ទោះបីសម្រស់ពីធម្មជាតិពុំសូវអំណោយផលក៏ដោយ តែស្ត្រីសមសួនរមែងចេះរៀបចំខ្លួនបានសមភ្នែកញាតិ។ ជាពិសេសយកចិត្តទុកដាក់លើខ្លួនឯង ធ្វើយ៉ាងណាឲ្យស៊ីទៅនឹងរាងកាយ តាមរយៈការញ៉ាំអាហារល្អៗ ការរក្សាអនាម័យ និងថែរក្សាសម្ផស្សខ្លួនឯងជាដើម។
៦. មិនតែងមុខជ្រុល
មនុស្សស្រីស្រស់ស្អាត មិនសំដៅដល់នារីដែលតុបតែងមុខ លាបម្សៅដូចតួកុន ឬធ្វើសក់លាបក្រចកឆើតឆាយឡើយ។ នាងស្អាតបានរាល់ថ្ងៃ តាមវិធីសាមញ្ញៗ បែបធម្មជាតិ ដោយចេះរៀបចំតាមរបៀបរបស់នាង។
៧. ការជ្រើសរើសម៉ូដ
ក្នុងការសំលៀកបំពាក់របស់នារីទាំងឡាយ មិនអាស្រ័យលើភាពសិចស៊ី ឡូយឆាយ ទើបហៅថា ស្រស់ស្អាតនោះទេ។ ការមានទំនុកចិត្តលើខ្លួនឯង ជាភាពស្រស់ស្អាត និងទាក់ទាញពិតទៅកាន់មនុស្សជុំវិញ។ ស្ត្រីឆ្លាតរមែងចេះជ្រើសរើសស្លៀកពាក់ឲ្យស៊ីនឹងរូបរាង និងត្រូវតាមកាលៈទេសៈ។ ចំណែកការពាក់ស្បែកជើង ក៏ជ្រើសបានសមសួនតាមកម្មវិធី និងអាស្រ័យលើពណ៌នៃសំលៀកបំពាក់ផងដែរ៕
ប្រែសម្រួល៖ សន្យា
ប្រភព៖ Bright Side
ចុចអាន៖មិនចង់លក់មុខពេលទៅស្រុកគេ គួរស្វែងយល់វប្បធម៌ប្លែកៗរបស់ប្រទេសទាំងនេះ!
ចុចអាន៖គន្លឹះ ៦ យ៉ាងពង្រីកសមត្ថភាពផ្ទាល់ខ្លួនឲ្យរីកចម្រើនជានិច្ច
-
សេដ្ឋកិច្ច២ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ គំរាម «ផ្តល់មេរៀន» ដល់អ៊ីស្រាអែល បើហ៊ានប៉ះ មេដឹកនាំកំពូល របស់ខ្លួន
-
ព័ត៌មានអន្ដរជាតិ៦ ថ្ងៃ agoព្រះសង្ឃថៃ សុគត កើនដល់ ១០អង្គហើយ ក្នុងហេតុការណ៍បុករះ បង្កឡើងដោយ កុមារមានបញ្ហាស្មារតី
-
ព័ត៌មានអន្ដរជាតិ២ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ២ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ