ព័ត៌មានជាតិ

កំណាត់ផ្លូវចូលឃុំថ្មស ស្រុកបូទុមសាគរ ដែលរអិលជាប់ផុងខ្លាំង ត្រូវចាក់បេតុងកម្រាស់ ២ តឹកកន្លះ

បានផុស

៨ ខែ មុន

នៅ

ថ្ងៃសុក្រ ១៧ តុលា ២០២៥

ដោយ

កំណាត់ផ្លូវក្រួសក្រហមចូលមូលដ្ឋានឃុំថ្មស ស្រុកបូទុមសាគរ ខេត្តកោះកុង ដែលមានសភាពរអិលជាប់ផុងខ្លាំងលំបាកធ្វើដំណើរ ត្រូវបានក្រុមហ៊ុន Royal ចាក់បេតុងកម្រាស់ ២ តឹកកន្លះ ដើម្បីសម្រួលការធ្វើចរាចរណ៍ឱ្យល្អប្រសើរឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ក្រួច បូរីសីហា អភិបាលស្រុកបូទុមសាគរ បានឱ្យកម្ពុជាថ្មីដឹងនៅថ្ងៃទី ១៧ ខែតុលា ឆ្នាំ ២០២៥ ថា ការចាក់បេតុងប្រវែងជាង ២ គីឡូម៉ែត្រ ទទឹង ៧ ម៉ែត្រ និងកម្រាស់ ២ តឹកកន្លះ ត្រង់ចំណុចដែលជាប់ផុងរអិលខ្លាំងលើផ្លូវក្រួសក្រហមចូលឃុំថ្មស នៅពេលនេះ ជាគម្រោងចំណាយរបស់ក្រុមហ៊ុន Royal Gorup ពុំមែនជាគម្រោងអភិវឌ្ឍន៍រាជរដ្ឋាភិបាល រដ្ឋបាលស្រុក ឬអាជ្ញាធរឃុំនោះទេ។

បើតាម លោកអភិបាលស្រុកបូទុមសាគរ សកម្មភាព នៃការចាក់បេតុងដែលគ្មានសរសៃដែកកម្រាស់ ២ តឹកកន្លះ ជាបច្ចេកទេសថ្មីចុងក្រោយរបស់ក្រុមហ៊ុនម៉ៅការរបស់ចិន ដែលបេតុងទាំងនោះលាយសារធាតុគីមី ហើយកំពុងតែនិយមប្រើប្រាស់នៅប្រទេសចិននាពេលបច្ចុប្បន្នតែម្តង។ ជាក់ស្តែងផ្លូវបេតុងនេះ អាចទ្រទម្ងន់រថយន្តដឹកទំនិញប្រមាណ ១០០ តោន។

លោក ក្រួច បូរីសីហា ក៏សូមថ្លែងអំណរអរគុណយ៉ាងជ្រាលជ្រៅដល់ក្រុមហ៊ុន Royal Gorup ដែលជួយគាំទ្រយកចិត្តទុកដាក់ខ្ពស់អំពីទុក្ខលំបាករបស់ប្រជាពលរដ្ឋធ្វើដំណើរលើកំណាត់ផ្លូវក្រួសក្រហមខាងលើ តាមរយៈស្ថាបនាផ្លូវបេតុងថ្មី ងាយស្រួលដឹកទំនិញកសិកម្ម និងទិន្នផលនេសាទទៅកាន់ទីផ្សារបានឆាប់រហ័ស។

កន្លងទៅ អំឡុងរដូវវស្សាភ្លៀងធ្លាក់ខ្លាំង ផ្លូវក្រួសក្រហម ១ ខ្សែ ដែលកែងផ្លូវវិថីសាយ ភូថង ចូលទៅមូលដ្ឋានឃុំថ្មស តែងជួបលំបាកក្នុងការធ្វើដំណើរទៅមក ព្រោះការជាប់ផុងរអិលមិនទៅបន្តដំណើរទៅមុខបាន ហើយមន្ទីរសាធារណការខេត្ត អាជ្ញាធរស្រុកបូទុមសាគរ និងក្រុមហ៊ុនឯកជន ចុះពិនិត្យកែសម្រួលដោះស្រាយជាបន្តបន្ទាប់សម្រាប់ការធ្វើចរាចរណ៍បណ្ដោះអាសន្ន៕

អត្ថបទ ៖ សិរីវឌ្ឍនៈ

Related Topics:ខេត្តកោះកុង សមិទ្ធផលខេត្តកោះកុង

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា