ព័ត៌មានជាតិ
វិស័យឯកជន ចង់ឲ្យក្រសួងយកចិត្តទុកដាក់ភ្ញៀវទេសចរតាមនាវា ដែលចាយលុយធំ
ដើម្បីសង្គ្រោះឧស្សាហកម្មទេសចរណ៍របស់កម្ពុជាឡើងវិញ ដែលកំពុងជួបវិបត្តិយ៉ាងធ្ងន់ធ្ងរពីជំងឺរាតត្បាតកូវីដ១៩ ក្រសួងទេសចរណ៍ កំពុងជំរុញការសិក្សាលទ្ធភាពទទួលភ្ញៀវទេសចរអន្តរជាតិដែលចាក់វ៉ាក់សាំងរួច ហើយរំពឹងអាចចាប់ផ្តើមនៅក្នុងត្រីមាសទី៤ ឆ្នាំ២០២១ខាងមុខនេះ។
លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា បានសម្ដែងក្ដីសាទរចំពោះការសិក្សាលទ្ធភាពទទួលភ្ញៀវទេសចរអន្តរជាតិឡើងវិញ ដែលជាច្រកចេញតែមួយគត់អាចជួយសង្រ្គោះវិស័យទេសចរណ៍នៅកម្ពុជាឱ្យមានសន្ទុះឡើងវិញ។
លោកស្រីលើកឡើងថា ក្រសួងគួរទាក់ទាញភ្ញៀវទេសចរដែលមានចំណូលខ្ពស់ ជាពិសេសភ្ញៀវធ្វើដំណើរតាមនាវា ដោយសារចំណូលរបស់ភ្ញៀវទាំងនោះមិនសូវប៉ះពាល់ខ្លាំងដោយសារជំងឺកូវីដ១៩ទេ។ លោកស្រីសង្កេតឃើញថា ក្នុងចំណោមភ្ញៀវទេសចរណ៍ធ្វើដំណើរតាមនាវាទាំងអស់ មានប្រមាណតែ១០ភាគរយប៉ុណ្ណោះដែលចុះមកទស្សនាកម្ពុជា ដោយសារការផ្គត់ផ្គង់ និងផលិតផលរបស់យើងនៅមានកម្រិតនៅឡើយ។
លោកស្រី ឆាយ ស៊ីវលីន បានអំពាវនាវឱ្យមានការសម្របសម្រួលដល់ភ្ញៀវដូចជាការចូលចតនាវា និងទិដ្ឋការធ្វើដំណើរជាដើម ក្នុងន័យបង្កលក្ខណៈងាយស្រួលដល់ពួកគេចូលមកទស្សនាប្រទេសកម្ពុជា។ ប្រសិនបើការសម្របសម្រួលទាមទារពេលវេលាយូរពេក តឹងតែងពេក ភ្ញៀវទេសចរណ៍ប្រហែលជាមិនចង់ចូលមកទេ ព្រោះពួកគេមានតារាងពេលវេលាកៀកៗគ្នាដែរ។
បន្ថែមពីនេះ ប្រធានទីភ្នាក់ងារទេសចរណ៍កម្ពុជារូបនេះ ក៏ស្នើដល់ក្រសួងប្រកាសលិខិតទាក់ទងនឹងអ្នកធ្វើដំណើរមកកម្ពុជាឱ្យបានឆាប់ និងចែងឱ្យបានច្បាស់លាស់ ដើម្បីឱ្យភ្ញៀវទាំងនោះត្រៀមលក្ខណៈអាចចូលមកទស្សនាប្រទេសកម្ពុជាបាន។
ឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ បានមានប្រសាសន៍ថា ក្នុងជំហានដំបូងក្រសួងនឹងធ្វើការជាមួយក្រសួងសុខាភិបាលអំពីលក្ខខណ្ឌសម្រាប់ការបើកទីផ្សារទេសចរណ៍ឡើងវិញនេះ។
“ជាគោលការណ៍ភ្ញៀវទេសចរអន្តរជាតិដែលបានចាក់វ៉ាក់សាំងរួច អាចចូលមកប្រទេសកម្ពុជានោះ តម្រូវឲ្យធ្វើចត្តាឡីស័កក្នុងកម្រិតណា ឬមិនចាំបាច់ទេ”។
ឯកឧត្តមសង្កត់ធ្ងន់ថា ដើម្បីត្រៀមទទួលភ្ញៀវទេសចរអន្តរជាតិ ទី១គឺការកសាងឲ្យបាននូវទំនុកចិត្តដល់អ្នកទេសចរណ៍ ទី២គឺគុណភាព និងសេវាកម្មផលិតផលទេសចរណ៍រួមទាំងតម្លៃឲ្យបានសមរម្យ និងទី៣គឺការសម្រួលការធ្វើដំណើរដល់ទេសចរនៅតាមច្រកទ្វារអន្តរជាតិ។
ប្រទេសមួយចំនួននៅក្នុងតំបន់អាស៊ានដូចជា ប្រទេសសិង្ហបុរី និងប្រទេសថៃ បានបង្ហាញពីផែនការបើកទទួលភ្ញៀវទេសចរអន្តរជាតិដែលបានចាក់វ៉ាក់សាំងបង្ការជំងឺកូវីដ១៩ ដើម្បីសង្គ្រោះសេដ្ឋកិច្ចរបស់ខ្លួននាពេលខាងមុខនេះ។
យោងតាមរបាយការណ៍ក្រសួងទេសចរណ៍ បានឲ្យដឹងថា កាលពីឆ្នាំ២០២០កន្លងទៅនេះ កម្ពុជាទទួលបានភ្ញៀវទេសចរអន្តរជាតិតែ ១,៣១លាននាក់ប៉ុណ្ណោះ ដោយមានការថយចុះប្រមាណ ៨០% និងទទួលបានភ្ញៀវទេសចរផ្ទៃក្នុងប្រមាណ ៩ លាននាក់ ថយចុះ ២០% បើធៀបនឹងឆ្នាំ២០១៩ កន្លងទៅ។ ការធ្លាក់ចុះនៃចំនួនភ្ញៀវទេសចរអន្តរជាតិកាលពីឆ្នាំមុន បានធ្វើឲ្យឧស្សាហកម្មទេសចរណ៍កម្ពុជា បាត់បង់ចំណូលជាង ៣ពាន់លានដុល្លារអាមេរិក៕
អត្ថបទ៖ វ៉ាត វិន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ