Connect with us

ព័ត៌មានជាតិ

លោកស្រី ឆាយ ស៊ីវលីន៖ ទេសចរចូលមកកម្ពុជា មានចំនួនលើសការរំពឹងទុក

បានផុស

នៅ

លោកស្រី ឆាយ ស៊ីវលីន ប្រធាន​សមាគម​ទីភ្នាក់ងារ​ទេសចរណ៍​កម្ពុជា​​ (CATA) មានប្រសាសន៍ប្រាប់ “កម្ពុជាថ្មី​” មកដល់ពេលនេះ ភ្ញៀវទេសចរពីបរទេសចូលមកកម្ពុជា មានកំណើន និងលើកការគ្រោងទុកទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ឆាយ ស៊ីវលីន បញ្ជាក់បន្តថា៖ “ជាក់ស្ដែងគិតត្រឹម ៨ ខែនេះ កម្ពុជាទទួលបានទេសចរពីបរទេស ជាង ១ លាននាក់ ហើយមកដល់សព្វថ្ងៃ អាចឡើងដល់ ១,២ លាននាក់ ដែលជាចំនួនលើសផែនការបានគ្រោងទុកទៅទៀត។ ភ្ញៀវទេសចរលេខ១​ មកពីប្រទេសថៃ បន្ទាប់មកប្រទេសវៀតណាម ចិន សហរដ្ឋអាមេរិក និងឥណ្ឌូនេស៊ី”។

លោកស្រី ឆាយ ស៊ីវលីន បានឱ្យដឹងថា គិតត្រឹមរយៈពេល ៨ខែ ដើមឆ្នាំនេះ ទេសចរមកពីប្រទេសថៃ មានចំនួន ៣៤៨ ៦៦០នាក់ ក្នុងឆ្នាំ២០២២ ខណៈឆ្នាំ២០២១ មានចំនួន ៦០ ៣៩៨នាក់។ ទេសចរមកពីប្រទេសវៀតណាម មានចំនួន ៣២៥ ៥៤៦នាក់ ក្នុងឆ្នាំ២០២២ ខណៈឆ្នាំ២០២១ មានចំនួន ៧ ៥៥៦នាក់។ ទេសចរមកពីសាធារណរដ្ឋប្រជាមានិតចិន មានចំនួន ៥១ ៣២០នាក់ ក្នុងឆ្នាំ២០២២ ខណៈឆ្នាំ២០២១ មានចំនួន ៣៤ ៦៤០នាក់។

ប្រធាន​សមាគម​ទីភ្នាក់ងារ​ទេសចរណ៍​កម្ពុជា​​ ខាងលើ បានឱ្យដឹងបន្ថែមថា ទេសចរមកពីសហរដ្ឋអាមេរិក មានចំនួន ៤២ ២៧៩នាក់ ក្នុងឆ្នាំ២០២២ ខណៈឆ្នាំ២០២១ មានចំនួន ២ ៤៨០នាក់។ ទេសចរមកពីប្រទេសឥណ្ឌូនេស៊ី មានចំនួន ៣៩ ១៥៩នាក់ ក្នុងឆ្នាំ២០២២ ខណៈឆ្នាំ២០២១ មានចំនួន ៣ ៧០៥នាក់។

ក្រសួងទេសចរណ៍ នាថ្ងៃទី០៣ ខែតុលា ឆ្នាំ២០២២នេះ បានប្រារព្ធទិវាទេសចរណ៍ពិភពលោក ឆ្នាំ២០២២ ក្រោមប្រធានបទ «ការគិតគូរឡើងវិញពី​ទេសចរណ៍ (Rethinking Tourism)» ក្រោមអធិបតីភាពឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងលោក Harry Hwang នាយកប្រចាំតំបន់អាស៊ីប៉ាស៊ីហ្វិក​នៃអង្គការ​ទេសចរណ៍​ពិភពលោក នៅទីស្តីការក្រសួងទេសចរណ៍។ ស្របនឹងការបន្តខិតខំអនុវត្ត “ផែនទីចង្អុលផ្លូវស្តីពីផែនការស្តារ និងលើកស្ទួយវិស័យទេសចរណ៍កម្ពុជាក្នុងដំណាក់កាល និងក្រោយវិបត្តិកូវីដ-១៩” ទស្សនទាន និងយោបល់នៃទិវាទេសចរណ៍ពិភពលោកឆ្នាំ២០២២ លោក ថោង ខុន បានដាក់ចេញនូវយុទ្ធសាស្ត្រ ដើម្បីអនុវត្តអនុសាសន៍របស់សម្តេច តេជោនាយករដ្ឋមន្ត្រី រួមមាន៖ បង្កើនការអភិវឌ្ឍមូលធនមនុស្សក្នុងវិស័យទេសចរណ៍, បង្កើនការវាយតម្លៃសមត្ថភាពស្របតាមយន្តការនៃការវាយតម្លៃការសិក្សាពីមុន ស្របតាមយន្តការជាតិ និងអាស៊ាន, បរិវត្តកម្មឌីជីថលក្នុងវិស័យទេសចរណ៍, បង្កើនការអភិវឌ្ឍទេសចរណ៍ជនបទ, បន្តការគាំទ្រសហគ្រាសខ្នាតតូចបំផុត ខ្នាតតូច និងខ្នាតធម្យម (MSMEs) ក្នុងវិស័យទេសចរណ៍៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម