ព័ត៌មានជាតិ

អ្នកវិទ្យាសាស្ត្ររកឃើញថា វីរុសបំប្លែងថ្មី B1617.2 ឆ្លងលឿនជាង B.1.1.7 ដល់ទៅ៦០%

បានផុស

៥ years មុន

នៅ

ថ្ងៃពុធ ១២ ឧសភា ២០២១

ដោយ

លោកសាស្ត្រាចារ្យ Tom Wenseleers អ្នកឯកទេសជីវសាស្ត្រ និងជំងឺឆ្លងនៅសាកលវិទ្យាល័យ KU Leuven ប្រទេសប៊ែលហ្ស៊ិក បាននិយាយនៅលើ Twitter ថា លោកបានធ្វើការវិភាគពពួកវីរុស២ប្រភេទដើម្បីប្រៀបធៀបគ្នា ហើយរកឃើញថា វីរុសបំប្លែងថ្មីមកពីឥណ្ឌាឆ្លងលឿនជាង។ លោកសាស្ត្រាចារ្យ Wenseleers បន្ថែមថា ៖«ទិន្នន័យប្រទេសឥណ្ឌាត្រូវបានប៉ាន់ស្មានថា វីរុស B.1.617.2 មានការកើនឡើង១០%ក្នុងមួយៗថ្ងៃ ដែលវាលើ B.1.1.7 (លឿនជាងដល់ទៅ៦០%)។ B1617.2 ជាប្រភេទវីរុសឆ្លងទូទៅនៅប្រទេសឥណ្ឌាដែលកំពុងរាលដាលនៅចក្រភពអង់គ្លេស វាត្រូវបានប្រទះឃើញហោចណាស់ ៥២០ដង ហើយអ្នកជំនាញកំពុងតែបារម្ភខ្លាំង ថាវាកាន់តែអាក្រក់ទៅៗ។

ប្រធានវេជ្ជសាស្ត្រនៅប្រទេសអង់គ្លេស លោកសាស្ត្រាចារ្យ Chris Whitty បាននិយាយថា ៖«ទស្សនៈរបស់យើងគឺថា នេះជាវីរុសដែលអាចឆ្លងខ្លាំង ហោចណាស់អាចឆ្លងដូច B117។ វាអាចឆ្លងកាន់តែច្រើន តែយើងនៅបន្តសង្កេតមើលទៀត»។

វីរុសបំប្លែងថ្មីត្រូវបានគេរកឃើញថា គ្រោះថ្នាក់អាក្រក់ជាងវីរុសដើម ពីព្រោះពួកវាអាចឆ្លងបានកាន់តែច្រើន លឿន អាចបណ្តាលស្លាប់ និងអាចឆ្លងផុតការការពាររបស់វ៉ាក់សាំងខ្លះក៏មាន។ WHO ក៏បានពន្យល់នៅថ្ងៃពុធនេះថា B.1.617 ត្រូវបានបន្ថែមទៅក្នុងបញ្ជី ពីព្រោះវាងាយស្រួលឆ្លងជាងវីរុសដើមខ្លាំង និងបង្ហាញថា ការកើនឡើយយ៉ាងឆាប់រហ័សក្នុងការសាយភាពនៅក្នុងប្រទេសជាច្រើន៕

ប្រែសម្រួល៖ វីរបុត្រ
ប្រភព៖ Dailymail

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា